|
أنياب أم شكوة
اليوم وبعد أخذ ورد قلت ما بدهاش نصور الأنياب جيت انا وأبو فراس عند القفص وأخذنا نظرة قلت واش رايك خذ ام شكوة وخل الكوبرا لي قال تم أخذنا أم شكوة ومسكها أبو فراس كما تشاهدون بالصور حتى أظهرنا أنيابها طبعا بعد ما خلصنا من تصويرها قال دورك هات الكوبرا قلت ابشر وخرجناها من القفص وجيت أمسك واحس حاجة تقول لي اترك الخبالة حاولت مسكت مع الراس شوية الا الدعوة ما تخارج حركاتها كثيرة وقلت يا روح ما بعدك روح مسكناها بالعصا من راسها وفتحنا فمها بعود وعلى بال ما جهزنا الكاميرا للتصوير وهي تسحب راسها من العصا وعينك ما تشوف الا النور انا يوم فتحت عيوني وانا ماسك طريق الطايف خخخخخخخخخ طلعت خواف المهم مسكناها ورجعناها مكانها ما أطول عليكم تعالو نشوف الصور لأم شكوة http://www.thomala.com/vb/imgcache/0...197e6c6a5b.jpg هذي الأنياب http://www.thomala.com/vb/imgcache/b...4cc5b4d41c.jpg لحظة خروج السم لو تلاحظون بعد طلبان وشفاعات ودخالات تكرمت علينا بشوية http://www.thomala.com/vb/imgcache/e...2699930b91.jpg |
رد: أنياب أم شكوة
تبارك الله ما شاء الله عليك يبو تركي وعلى خويك ابو فراس , أبدعتم ,, وهالحين أنا أشهد أنكم حناشه ما فيها شك ولا تشكيك , لكن الحذر الحذر وترون اللعب بالنار أهون بكثير من اللعب مع الهوام..
والسعال , ما فيه شي يحمي اليد مثل بعض الجونتيات ؟؟ , الجواب : ما أظن. وأنتبهوا ,, يكون في علمكم أن ألأسود ما فيه مضاد لسمه , وأياكم ثم أياكم أنكم تحاولون تحلبون سمه كما سويتم مع أم الشكي , ترونه يلدغ في لمح البصر حتى أن اللي يشاهدونه ما ينتبهون لسرعة لدغته من سرعة حركة راسه ومرونة خروج أنيابه . وهذا هو السبب اللي خلاهم الى هالوقت ما أستخرجوا مضاد لسمه , وهو السبب نفسه اللي أوهم بعض ألأولين وخلاهم يظنون أن هذا الداب يلدغ من ثلاث أماكن (الراس والصره والذيل) , وبعذرهم لأن حركة راسه خاطفه ولا أكتشفت ألا بالتصوير البطيء .. |
رد: أنياب أم شكوة
نعم , وكما أشار شيخكم أبو نقشة في تحذيره من محاولة حلب سم ألأسود , فالأسود داب لا يحتاج عند لدغه لفتح فمه كبقية الأحناش .
وهذه أدناه صورة يظهر لكم فيها بروز نابه , وهي صورة تمكنت بحمد الله من سرقتها لكم من أحد المواقع .... |
رد: أنياب أم شكوة
اقتباس:
تصدق شفتك مع الخط والشماغ خارج من تحت باب السيارة ومن لحظتها وانا افكر وهلحين عرفت السبب سلم لي علي ابو فراس وقلة هذي ما هي يد هذي زرادية الله يكفينا ويكفيكم والمسلمين شرها |
رد: أنياب أم شكوة
الله يخارجنا
الناس تربي عصافير حمام ارانب ضبان مالقيت انت وبو فراس غير الحنشان بس تصوير جميل وجراءه تحسب لكم بس النصيحه دورو غيرها هذي هوايه قاتله الله يكفينا الشر |
رد: أنياب أم شكوة
كفانا الله وإياكم شرها يعطيك الف عافية |
| الساعة الآن 09:01 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by