الحريبي ينفض اللحيه ويطوي في معمه
 

صياف الحربي ومطلق الثبيتي ((رحمه الله)):

اخترت لكم احدى المحاورات القوية التي جرت بين الشاعرين الكبيرين صياف الحربي((حفظه الله)), ومطلق الثبيتي ((رحمه الله)):

مطلق:



الحريبي ينفض اللحيه ويطوي في معمه"


"راغ قلبه من شليويح المطيري والزلامي






والبعير اللي يشيل الحمل عود يرضع امه"


"بعد قالوا شامخ النيبان مردوم السنامـي


صياف:


الحريبي يوم غنى حطكم فـي راس كمـه"


"ثم خلاكم عجينه كـن مافيكـم عظامـي






الجمل يمشي على الدرب وكلامك مايهمه"


"من هديره قمت من نومك وحرمت المنامي


مطلق:

الزمان اللي ستر حالك وحالي لا تذمـه"


"والحرم من دونه المسعى وبيبان السلامي






انت داب كل ماحرك شدوقه سـال سمـه"


"والله انا مانذوق السم يالـداب التهامـي


صياف:

انت ذيب تكره البارود يوم انـك تشمـه"


"ماتحب النور الابيض ماتحب الا الظلامي






الطعام اللي ليا شفته على صدرك تضمه"


"لانقول انه حلال ولانقول انـه حرامـي


مطلق:


علّموا صياف لا يتبع خفيف العقل عمه"


"دام انا وياه فالمذهب وفالطرقه ليامي






والله انا ما نبا اللي بيننا نقـال نمـه"


"بعد عوّد باعةٍِ بين القبايل ماتسامـي


صياف:


انت اشوفك كل ماتسرح تضوّي لك مطمه"


"تحسد المسلم على دينه ليا صلى وصامي






لايزعلك الكلام اللي عسى ربـي يتمـه"


"ثم بعده تستريح بلا شـراب ولا طعامـي



مطلق:


كل شي في طريقك يا ابيض الشـارب تخمـه"


"لين ضيعـت الفشـق والبندقيـة والحزامـي






ان نثـرت العفـش ياصيـاف ماتقـدر تلمـه"


"وان قربت من العرب ميسمك جوف النار حامي


صياف:


لو يذن لك على باب الخزينه رحت يمـه"


"وان نظرت لك نظرة حمرا تعديت النظامي






المسافر مايطب البحر لين انـه يطمّـه"


"يذكر الله في بلد مكه ويلبس له احرامي



مطلق:



انت مانته مستشار ولا انت ريس مجلس امه"


"انت غصن الحنظله ما لك زهور ولا نوامي






جيت عند الحسو ظامي مار ماللحسو جمّـه"


"مخبل اللي يحسب ان الحسو يروي كل ظامي



صياف:



لوحطوك العرب ريس قضا مافيـك ذمـه"


"يوم تضحك لي بسن ويوم تزعل من كلامي






لاتنزلك الدروب العوج وانتـه راس قمـه"


"ثم لـو تمـوت ماقلنـا لعلـه للرحامـي


مطلق:



والله انك تعـرف الصـواغ نقـاش الازمـه "


"هات ياصياف خشمك كان تبغى لـه زمامـي






مخبل اللي يرسلونك يالسحيمـي فـي مهمـه"


"وانت في رجلك سلاسل وانت في راسك خطامي


صياف:


ثوبك الابيض تغير يوم طولـت الاكمـه"


"مار ليتك تصبغه بالسدر وعروق البشامي

انت اثريت المنتدى يا ابن داخل عسى الله ان يبارك فيك وان يطل في عمرك