|
تفرقت عآئلآت والسبب ( الواتس اب) فمآ ؟؟
[background="100 #000000"] تفرقت عآئلآت والسبب ( الواتس اب) فمآ ؟؟ قصيدة زوجه رافضه بتاتاً بأن يكون لزوجها واتس آب من غيرتها الشديده له فقــالت: والله وأنا بنت الرجال المشاكيل ماتحط الواتس اب ياعبيد عندي ماني مثل باقي الحريم المهابيل رجالــــها لآراح مــرواح جدي (بو ليــت) ماعذرب كثير الرياجيل ألو تكفي كان تبغى مـــردي ماتنفع المــوضه وكثر الأقاويل وش فادة الموضه جدك وجدي ياعبيد ذي والله سوات المهابيل وان مانفع قولي طلاقي بيدي والله وانا بنت الرجال المشاكيل ماتشغل الواتس اب ياعبيد عندي رد الزوج ابو عبيد على زوجته والله وانا ابوعبيد راعي المعاميل لانزل الواتس اب وانتي بحدي ماهمني وان قيل عنا مهابيل هذا تطور وانتي يابنت هدي بوليت ماضي وال applطور الجيل امشي مع الايفون كني افندي دايم يونسني مع تالي الليل وقصر على صوته وجيبه لخدي لاصرت جالس والبشردمها ثقيل عودت للي يوم ماصارضدي اضحك معه ويجر عندي مواويل ويوصل الاخبار لحد عندي تطوري ودشي مع تالي الجيل وخلي السوالف لاتزيدين التحدي ,’ هل فعلاً الواتس اب سبب مشاكل إجتماعيه بين الأزواج؟ هل فعلا الواتس اب قنبله موقوته تنسف البيوت اذا تم الادمان عليه؟ المشكله انه صار مثل الادمان الزوجه او الزوج اللي طاح فيه ياخذ كل وقته فاصبح بدال مايسولف مع زوجته صار على الواتس اب والزوجه بدال ماتسولف مع الزوج صارت على الواتس اب ولا كأن الرجال موجود طيب وش الحل الى هالدرجه الواتس اب يشغلك عن اللي حولك؟ طبعاً الضحيه هم العيال اللي ماحولهم احد الام ماهي فاضيه يالله بس على الواتس اب والرجال نفس الشي بِ إنتظار أرائكم ... [/background] |
رد: تفرقت عآئلآت والسبب ( الواتس اب) فمآ ؟؟
|
رد: تفرقت عآئلآت والسبب ( الواتس اب) فمآ ؟؟
أشكرك دفء الحنين على الموضوع الهام .. الواتس آب سلاح ذو حدين ..فمتى استخدم في الخير كان فيه الأجر العظيم ... الحمدلله لا أجد في استخدامه مشااااكل لأني استخدمه في حدود المعقول ..وأرى فيه تواصل أسري عن طريق المجموعات ( هذا في الرياض وآخر في تبوك ....) الوتس أب خدمة جميلة .. أكرر شكري لك .. |
رد: تفرقت عآئلآت والسبب ( الواتس اب) فمآ ؟؟
الله يعطيك العافيه على الموضوع المهم جدا واضم صوتي لأختي الدانه جزاها الله خير فعلا خدمة الوتس اب خدمه فيها الخير والشر واعتبر الخير فيها اكثر لان فيها تواصل و تذكير مستمر بأمور الدين وافضلها على خدمة البي بي ومستحيل تكون سبب للمشاكل اذا استخدمها الشخص بعقل تحياتي وودي لك :rose: |
رد: تفرقت عآئلآت والسبب ( الواتس اب) فمآ ؟؟
|
رد: تفرقت عآئلآت والسبب ( الواتس اب) فمآ ؟؟
بما أن هذه الخدمة الوليدة لم يمر على دخولها عالم الاتصالات عندنا سوى أشهر معدودة ..
إلا أن نتائجها المؤلمة والكوارثية والمصائبية -إن صح التعبير - لم تظهر بعد ! اصبروا ..إذا استمر الحال على ما هو عليه ..سنة أو سنتين .وتذكرون كلامي .. يخرج جيل محيوس ملحوس مطموس الهوية ..!! |
Re: تفرقت عآئلآت والسبب ( الواتس اب) فمآ ؟؟
عجبني اللون الاسود كخلفيه للموضوع
اصلا اي حاجه تحصل بين اثنين بالخفاء مشكوك فيها يعني هناك من يقول نستخدمه في الدعوه الى الله والتواصل مع اخوان لنا نحبهم في الله . طيب وبعدين... تروى خلاص هذا الامر ماعاد يخش راس احد تبي تتواصل مع احد ممكن تكلمه وانتهينا اغلب البيوت الان فيها تلفونات ومدخلين افاق يعني مكالمه 24 ساعه بلاش لكل انحاء المملكه ليش الواتس اب . صرفيه على الفاضي وفواتير مالامها داعي . اقول انتبهو لبناتكم وخواتكم وحريمكم تروى الامور ماعاد هي زي زمان واصبح الواحد يخاف من نفسه خل مره ولا بنت سهل ينضحك عليها بكلمتين حلوه وتجيك مدحدره وبعدين ( نقول ياليت الي جرى ماكان ) . يا اخوان انتم ماتقرون ولا تسمعون اصبحو البنات غير اهل للثقه الا من رحم الله . لاتقولون انت مهبول و ( تهرف بما لاتعرف ) اقلكم سعوديات وسعوديين يديرون شبكات بنات جامعه يجرون بعض حريم طايحين بالسوق وكلا يرمي مرته بالسوق ويروح مايدري هي وش تسوي والموعد بعد العشا ولا اذا خلصتي دقي عليه . كل الحوادث اللي تحصل تتوقعون ان اهلهم ماهم حريصين ولا ماهم مهتمين بعرضهم وسمعتهم مستحيل ولكن الثقه الزايده نتيجتها ضياع ( ثق بحدود ) راقب فتش شك ( ماهو عيب ) تكون غيور وحريص . فتش الجوال شوف الرسايل شوف الارقام بلاش الجوال ادخل لموقع الاتصالات وقلب الارقام وشوف من هي له ومن يتصل وبمن هي تتصل . انزل مع زوجتك وبناتك السوق وخلصو اغراضكم وارجعو بيتكم ولا روحو تمشو بس لاتتركهم فريسه سهله . شاركها الواتس ولا البيبي واجعلها حجه لمشاهدت رسايلك وشوف من معها وفيش تهرج . وقتنا ماهو وقت ثقه الثقه كانت يوم المره والبنت ما قدامها الا غصب واحد واثنين حتى تلفون مافيه . اعتذر على الدخول العنيف ولكن اعتبروه كتف قانوني . |
رد: تفرقت عآئلآت والسبب ( الواتس اب) فمآ ؟؟
اولا: الواتس مافرق عائلات .. وأبيات الشعر الموجودهـ كانت من باب المزح فقط .. ثـآنيا: اللي يقول البنات مو أهل ثقه ! بنظرك مين اللي أهل ثقه ؟ واذا البنات اللي حولك مو أهل ثقه لو سمحت لاتقيسهم ع الكل .. وكثير بنات أهل للثقه والحمدلله .. والنصيحه للبنت أفضل من الشك والتفتيش والمراقبه .. ومن الواقع اللي حولنـآ البنت اللي ينصحوها اهلها بـ اسلوب وثقه ماتخيب ثقتهم ابدا .. لكن اللي اهلها مراقبين ومو واثقين فيها والله تجيب الشي اللي تبيه وبدوووون علمهم .. ووالله شفنا اكثر من بنت اهلها مراقبينها وحريصين بزياده وانها جايبه الجوال بدوون علمهم .. مافيها شيء لو اعطينا البنت الثقه .. وبخصوص شبكات البنات ترى مايطيح فيها الا اللي اهلها مشددين عليها .. واسلوب المراقبة ماينفع أبدا , لأنه راح يجي يوم ماتكون رقيب عليها ,, فـ الأفضل النصيحه والكلمة الطيبه وتربيتها على الخوف من الله هذي اللي راح يكون لها الأثر ,, كون غيور وحريص ماقلنا شي لكن مو بـ اسلوب (راقب - فتش - شك ) .. وعلى اي أساس صورت لنآ البنت فريسه سهله ؟! وبالنهايه : (لاتهرف بمـآ لاتعرف ) اذا انت ماجربت الواتس لاتتكلم .. اذا ماتعرف تستخدمه غيرك يعرف يسستخدمه .. |
رد: تفرقت عآئلآت والسبب ( الواتس اب) فمآ ؟؟
برنامج (الواتس أب) قد يكون أفضل برنامج للمحادثة، فالشخص يقدر يتحكم في من يتواصل معه عن طريق هذا البرنامج حيث أن المضافون عندك في قائمة الأسماء هم من يقدرون يرسلون لك بعكس البرامج الأخرى تجد من هب ودب يرسلون لك وتجد الصالح وأضعافهم الطالح يرسل لك فأقول أن هذا البرنامج راقي ومن هم عندك في القائمة أو أنته عندهم في القائمة فقط هم من يقدرون يتواصلون معك،،، |
رد: تفرقت عآئلآت والسبب ( الواتس اب) فمآ ؟؟
اقتباس:
|
| الساعة الآن 06:15 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by