المشاركة الأصلية كتبت بواسطة سنا الهجرة (المشاركة 134305)

هذه القصيدة تخاطب شريحة كبيرة من أفراد المجتمع

وبالذات مجتمعنا السعودي الذي تكبد خسائر فادحة في سوق الاسهم

لن أطيل عليكم ولن أتحدث عن مضامين هذا القصيدة فهي كما قيل ( تعبر عن نفسها )

أترككم الان مع النص





[poem="font="Simplified Arabic,5,white,bold,normal" bkcolor="transparent" bkimage="images/backgrounds/22.gif" border="groove,10,gray" type=2 line=0 align=center use=ex num="0,black""]أرفع شعار المجد في قمة طويق=للمنتدا ورجاله المسفهله
أللي لهم منزال بين المعاليق=خلف الظلوع العوج مثل الاهله
من دون موعد جمعتنا المواثيق=عيال عم- أصحاب- ربع- وأخله
كلامنا عفوي ولا فيه تدقيق=والوضع فيما بيننا شبه فله
نستانس وفوق الوناسه ترازيق=ندق باب الرزق من دون ذله
ما فيه باس نروق الوضع ترويق=يعني على ما قيل خذها تعله ‏
نبغا نشوف السوق صوره وتعليق=ما همنا لو زادوا الطين بله
اللي معه خبره وفكره وتطبيق=يقول... وأنا بوصف السوق كله
ياسوق يامحلق بمن فيك تحليق=وقف دخيلك بس طالبك لله
صاروا رجال السوق مثل المعاليق=واللي تعلق من يفك العلق له
لاصار متعلق بهامور بطريق=علقه من راسه وادينه ورجله
في سوق مايعرف رجال مطاليق=مايعرف الا لعب تاجر وشله
تلعب علينا لعبة الطاق طربيق=كم واحد سيفه علينا يسله
واحنا بحب السوق صرنا مصافيق=أكثر من العبسي وحبه لعبله
نطلع ونرجع له بطق ومطاقيق=واللي دخل طيب طلع بلف عله
يارايح للسوق مع فكة الريق=ألعبد ماله غير رزق كتب له
خذها نصيحه تنفعك حزه الضيق=نصيحة فيها شفا كل عله
لشتدت الازمه وجت نشفة الريق=بل اللسان بذكر خالقك بله
كبر وهلل لمرحن المخاليق=واستغفر الرحمن من كل زله
واطلب من الله كاشف الهم والضيق=اليا انعقد فالصدر هم يحله
وأعلم يقين الرزق لو هو تفاريق=بفضل ربي درب رزقك تدله
وابعد عن اللي يمحق المال تمحيق=درب الربا اللي (عزة اهله أذله)
كم واحد لسوق الخنا بالقدم سيق=من دون ما يدرك حرامه وحله
يغمى عليه من الشياطين ويفيق=وابليس لو ينسى دقايق يقله
ويحمله ذنب الربا فوق مايطيق=ولناس لن تبكي على ما حصل له
ولاهو بماخذ منه كاس ولا ابريق=رايح وتارك كل شي بمحله[/poem]


طبعاً هذي القصيدة قيلت قبل فترة ولكني ما نزلتها في وقتها والسوق الحين زين لكن ما يمنع من طرحها لان أكثر الخاسرين ما بعد عوضوا خسايرهم .
تمناتي لكم بوقت ممتع مع كتابات أبو عبدالله

المشاركة الأصلية كتبت بواسطة حسن عابد (المشاركة 134306)

سلمت يمينك والله يعوض على الخاسر

المشاركة الأصلية كتبت بواسطة فتى ثماله (المشاركة 134307)

الله يعوضهم

وبعطيك الف عافية على الطرح

المشاركة الأصلية كتبت بواسطة @ بن سلمان @ (المشاركة 134312)

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وابعد عن اللي يمحق المال تمحيق =درب الربا اللي (عزة اهله أذلـه)[/POEM]

ما شاء الله عليك يا سنا الهجرة
الله يطعمنا الحلال