|
يستاهل زملوق
[grade="8b0000 Ff6347 008000 4b0082"] بسم الله الرحمن الرحيم السلام عليكم ورحمة الله وبركاته هوشاعر ولكن معرفه جديد علي فأشكر له اهتمامه يستاهل زملوق الاهتمام وله اقول سلام للي خصني من بين ربعه بالسؤال وانا ادري اني كفء للي قال ماني امعه يامرحبا ياصاحبي من جد ماقلته هبال ترحيب وافي ياصلك في ضيق والا في سعه اللي يمد ايمين امد ايمن له في كل حال واللي يمد ايسار ماله عندنا غير الدعه واللي يخاطبني بروح الودالبسه العقال من كل غالي في يدي عليه والله لخلعه واللي يعد النجم مكسب والله انه راس مال هذاك عندي فوق منزاله وقلبي موقعه يامرحبا عداد حبات المطر فوق الرمال بالشاعر اللي مختفي والحين بين مطلعه ماله اثر وهالحين مر ولا سمعته بالمجال لا في مجال الشعر والا في مجال اخر معه واليوم سطرها قصيدة في معانيها ثقال مايكتب الايوم يكتب نجم مدري روعه واليوم انا بسألك ياراع القصيدة والمقال مماذكرته وش تصنف نفسك اللي مشبعه مافيه هم الا ذكرته ياعسى ماهو عضال حتى عجزعقلك وفكرك ماقدرت اتجرعه مابين هم وبين سجن وبين فكر واحتيال حيرتني ياصاخبي وش كان ودك نرمعه لقيت في شعرك علوم الجد واحيانا هزال ولقيت لفظ يدعمه معنى وقاف يشفعه ولقيت فكر ومفردةولقيت ميلة واعتدال حيرتني ياصاحبي من وين تبدى المعمعه الهم هم الحب والهم القوي قهر الرجال يوم ان بعض الناس لاقهر ولا حب معه وعينك جفاها النوم واقفى من سبب قل الوصال والليل لامن طال يستر مثل حالتك اربعه الاول اللي قد مضى ليله صلاة وابتهال يدعي الكريم انه يبلغه المرام ويرفعه يرفعه للفردوس مع خير الرسل صحب وآل ويسقيه من حوض النبي في يوم محد ينفعه غير الذي قدم من الاقوال والفعل الحلال الله يرحمنا ويوم الحشر كل مرجعه والثاني اللي هم دين وهم فقر ولايزال يهرب من الديان والحاجة اقضت مضجعه وان وردوه السجن يابعد الحلول اللي تقال عند النهاية يقضي المدة وحاله موجعه والثالث اللي يستدير وطول ليله في انحلال اما سهر والا سكر والا علوم المضيعه لا عنه ناشد والهموم تزيد عايش في ظلال كل يوم يصبح به ويمسي به وهو في زوبعه والرابع اللي في هموم الحب يسهر للهلال يغيب مااقنع نفسه القشرا ولاهي تقنعه ويزيد في عمق الهوى يبلغ به الحد المحال مره غرام 0 مره هيام 0مره حبيبه ولعه لابات ليل ولا تهنى دنيته صارت نكال مما جراله من هموم الحب هلت ادمعه والحر يبقى حر ماينزل على روس التلال وكره بروس النايفات ولاسكن في مزرعه والحر لامن هد هداته تفوق الاحتمال باقي على هده شوي اجيه وانزع برقعه وسلامتكم تقبلوا تحيات اخوكم النجم [/grade] |
رد: يستاهل زملوق
ماشاء الله يا النّجم شاعر وحكيم ، لافُض فوك 0 بس قُلّي الظّاهر ماعندك شغله إلاّ تكتب شعر ، في اسبوع واحد ماشاء الله كم قصيده لم نعد ندري أيّهم الأحسن !!!!!!!!
|
رد: يستاهل زملوق
واليوم سطرها قصيدة في معانيها ثقال
مايكتب الايوم يكتب نجم مدري روعه واليوم انا بسألك ياراع القصيدة والمقال مماذكرته وش تصنف نفسك اللي مشبعه صح لسانك يالنجم جزله من راس جزل ماهقيت ان زملوق يروعه احد لانجم ولاشهاب الزملوق فحل الشعر من يومه |
رد: يستاهل زملوق
صح لسانك يا النجم الساهر
أرويتني شعر وحكمة سديت ووفيت وظني بصاحبك إن الأربع كلها فيه الله يرفع عنه ودي أهمس في أذنك لا تقول وش جابك اليوم يا مواطن على قصيدتي هذه وما قد شفتك وتروح تشبكني أنت وإلا غيرك في ظهر زملوق تراني كنت موقف الكم يوم اللي راحت يعني ربيب توقيف |
رد: يستاهل زملوق
والحر لامن هد هداته تفوق الاحتمال
باقي على هده شوي اجيه وانزع برقعه أيوه هذا الكلام كفيت ووفيت ياالنجم جزالة ومبنى ومعنى بيض الله وجهك وصح لسانك وننتظر زملوق. |
رد: يستاهل زملوق
بيض الله وجهك يا النجم ... قصيده قمة في الروعة والجمال ...
اشبعتنا شعرا ماشاء الله عليك .. قريحة على طرف اللسان الله يزيدك .. |
رد: يستاهل زملوق
والحر لامن هد هداته تفوق الاحتمال
باقي على هده شوي اجيه وانزع برقعه تبي الصدق انت مكسب للشعر والشعراء بيض الله وجهك دنيا واخرة |
رد: يستاهل زملوق
اخي وحليفي الدكتور مشعان قل ماشاء الله وردودي هي مواكبه للحركة الشعرية بالمنتدى اشكرك على ثناءك وتمجيدك ماعليك زود يادكتور وانا في خدمة المنتدى وخدمة الحلف |
رد: يستاهل زملوق
اخي الفين
هلا وغلا يامرحبا بك اشكرك على مرورك وثنائك لي ولكني اراك تدافع بشدة عن زملوق بل انك ترى انه لايرتاع من نجم ولا شهاب وانا اكبر فيه ذلك وهو في نظري شاعر يمتلك قدرة على التصوير وتسخير المفردة وتوظيفها وكأني به يمتد من جذور شعرية قوية تحت هذا المعرف اتمنى له ولك التوفيق |
رد: يستاهل زملوق
اخي مواطن هلا ومرحبا فيك كان مرورك جميل والاجمل منه تلك الكلمات التي عقبت بها انت في امان مادام انت في كنف هذا المنتدى وفي ضيافة ابو عبد الرحمن اقدر لك مرورك وتقبل تحياتي |
| الساعة الآن 07:17 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by