لعيونك يا النجم الساهر
 

الإخوة الكرام
تنشطت قريحتي الشعرية فجادت بأبيات
أود تقديمها كعربون صداقة لكم عامة و للنجم الساهر خاصة


[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا مل عين نومها مقفي بعد هاك الدلال = تسهر توالي الليل يوم ان الخلايق تهجعه
ميقافها حدب الليالي بعد في العز مال = تقرى من سطور الكتاب اللي تعاين مصرعه
ويا مل لقلب (ن)من خفوقه صار صدري له هيال = وامست لواعيجه فبحر الهم ترمي الاشرعه
قلب(ن)هواجيسه تلاعب به على مر الليال = تسقيه بالمر الذحاح اللي من اول تنقعه
تارد به حياض المنايا بعد ليل الهم طال = وتسوق في كفه تعاوين الزمان وتجمعه
أسير واحث الخطا لكن يا بعد المنال = يا بعدها لا كان به روس(ن) تحط الأقنعة
روس(ن) تمايل فالهوى مابين جد وبين خال = وروس(ن) على وضح النقا بحر الكرامه تشرعه
لكن مابين القسا واللين ممرسة الحبال = اللي على مر الليالي من هواها مترعة
أمد واقصر فالخطا واقول لله الكمال =وليا تحاقرني زماني قلت لله ما اشجعه
وانا ادري انك يابحر موجك يصافق كل جال = لكن نهر النيل موجه دوم يصفق منبعه
أتعبت رجلي يابحر اتقول لي روح وتعال = وانا معك بالسمع والطاعه وموجك بتبعه
وان هبت الهبان واشتدت على منشى الخيال = اما تسوقه للديار البور والا تقشعه
يا صاحبي فالسجن ما فالسجن باقي شي محال = ما عاد باقي سد باب السجن لاحد(ن) منفعه
ترفع رواق السجن والا يرتخي مابه مجال =السجن هو السجن ترخي الستر والا ترفعه
اكتب على باب السجن صرح المودة والجمال =وانظر ترى به حي فالدنيا يجيك ويدفعه
وارسم على صفحة جبين الارض من نسج الخيال = هم وحزن وافكار مبثوثة وناس مروعة
واترك عيونك تنتظر ساعة وصول الإحتلال =ساعة وقوف الارض تحت اقدام روس(ن)مشرعه
ياصاح انا فالارض واعرف كل ريع وكل جال =واعرف مواقيع الحرار وعارف ارض المسبعه
واخيل براق الخيال اللي تلوى فالجبال =واصد عيني عن وميض البرق والرعد اسمعه
اصد عن رايح من المنشا كما صفر الدلال = يصد عن قفر الديار يهل بارض(ن) ممرعه
منشى مخاييله جنوب ورايحه يمطر شمال =والبدو لا شافو ثعوله تبتعد ما تتبعه
ياصاحبي فالسجن بعد السجن وش باقي يقال = وش عاد باقي للسجين اللي بحر همه معه[/POEM]

رد: لعيونك يالنجم الساهر
 

صح لسانك يا زملوق صحاح ما بعده نياح
والنجم الساهر وعيونه يستاهلون وبإنتظاره

رد: لعيونك يالنجم الساهر
 

صحيت يا زملوووق ... وبيض الله وجهك ...

رد: لعيونك يالنجم الساهر
 

شعر غايـهـ في الروعه
تحياتيـ

رد: لعيونك يالنجم الساهر
 

رد: لعيونك يا النجم الساهر
 

والله يازملوق قصيدة عليها الكلام
تراكيب ماشاء الله تبارك الله وكأنها من غيض
وين هذا الجمال من زمان ماشفناه
شاعر بهذا المستوى ومعنا ولاندري؟
صح لسانك ولاتقطعنا من روائعك
تقبل مروري.

رد : رد: لعيونك يالنجم الساهر
 

بن سلمان
صح بدنك
وكل هذا من ذوقك

رد : رد: لعيونك يالنجم الساهر
 

والله يا طويلي قريتها مره صحيت
وتذكرت اني ما كنت نايم
وقريتها صحيت بالتشديد
واقول لك صح بدنك
هههههههههههههههه

رد : رد: لعيونك يالنجم الساهر
 

ربان
الروعه وجودك على هذا المتصفح

رد : رد: لعيونك يالنجم الساهر
 

سلمت يا أستاذنا
وسلم بدنك
وأشكر لك تفضلك بالمرور