لا بالله الا نورت كل غابة
 

السلام عليكم ورحمة الله وبركاته /
اليوم سنأتي على قصيدة إبراهيم بن بركي وهي ردا علىقصيدة عوض بن سلمان ( ماهومخلي في المطابق ولا هيل ) وكان أن صادف بعدها مباشرة إجراء عوض بن سلمان لعملية إزالة ماء أبيض من عينه مماجعلها مناسبة إبراهيم بن بركي كناسبة أخرى للرد :

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num=",black"]
يامرحبا باللي وصلنا جوابه = رحب المطرمن صادقات المخاييل
يتباشرنبه يوم خضر جنابه = وأهل الغنم والبل جوله محاوييل
الصاحب اللي مانمل اصطحابه = راعي الوفا في العقل والوزن والكيل
يارب ترزقنا الهدى والإنابة = وتصلح قلوب الناس جيل بعد جيل
وتصلح شياب المسلمين وشبابه = واللي يعود شاب يحط تجميل
لابالله إلا نورت كل غابة = ونور كرى ونورت ديرة اهذيل
والكر مع نعمان صافي شرابه = وامتدت الأنوار إلى راس كنثيل
ونور شمال الطائف ونور جنوبه = ووصلت الأنوار وادي السياييل
ونور عباسة منور غرابه = ونورت ديرة ثمالة بتشكيل
من يوم عانينا تجدد حجابه = واللي يجدد نور غير مديل
ماعاد يحسب للطريق وضبابه = ماباقي إلا ينطلق فالتحاويل
يشوف سن الشايب وكبر نابه = ما شاف شمعة نور تمتد بالميل
يبغى السفر لكن عنده مهابة = ماجدد الرخصة وجاب أمر تجويل
إن كان ما هو خايف الإنقلابة = إليا بدى يبدي سواة الرياجيل
اللي يخاف من الحرس لو درابه = يرتاح لا يتعب مع الحط والشيل
ما يضرب الما لين يطلع حبابه = ويقول أنا ب قسمه في الفناجيل
يابو شرف ترى العمرفي إنهذابه = اليا تقدم يوم مافيه تبديل
قال المثل والعود ما فيه ثابه = اليا وصل ستين ما عاد له حيل
حق الصداقة والنسب والقرابة = أنا أعتذرلن كان في العلم تطويل
صلاة ربي على النبي والصحابة = عداد نبت الارض والبحر والغيل[/poem]
مع تحياتي لكم /ابوهبه

أعزائي ابناء سلمان وعزيزي بن بركي لا ادعي الشعر او مجاراتكم وإنما هي تجربة معجب ومشاركة وجدانية من باب الطرافة ليس الا ولكنها لاتخلوا مما انتم به ادرى (( عزيزي بن سلمان اراك تخليت عن توقيعك الذي عرفناك به وتشرفت به وشرفت ربعك به وكنت مميزا عن غيرك بذلك التوقيع متى نراك تعود به ))

النورشعشع وساطع الانوارجذابه **غطن على الكهرب وغطن كل قنديل
مسراج بنــــوره يهتدي كل طلابه ** وانا ياصاح يم مسراجكم ناوي الميل
نو يت اسري بليل قبلي سرابه ** بن سلمان وبن بركي ياليل التهاويل
حي بن سلمان بالشعرذاكرانسابه ** بشعر نواويره صدق ماهي تماثيل
وحي راع الجـــواب وحي من جابه*** زين المعاني شاقني ورددتا مواويل
ينظر لها القاري بتقدير واعجابه *** وتبدا ولا يبدلها ولو كثرن التباديل
بالشعرمغرم وبشعركم هايم صبابه ** بغيت التعلة وبشعركم لقيت التعاليل
ياشايب الرحمن ويامطوع بمحرابه*** العمرمقفي والليالي ماعادن مقابيل
بن بركي صف الثنايا وجدد انيابه *** وده يردف عتب داره وقبلا تحاليل
وبن سلمان بالجمس يداري بركابه** صاحبنا راحت ايامه شوفته بالدرابيل
لان مشعابه وخويه لان مشعابه ** راح الزئيروراحن معه هدرة كحيل
مابه معاود لقنص الحجل في هضابه* * وايام فيها العشق وطرد المكاحيل
يم ال وتتلى الال واللي شفته بمرقابه** المعالي والتوالي ورجوم ومداهيل
ياشوري عليكم واقول عنكم بالنيابه ** الحمد لله وبالاسحارزيدوا بالتراتيل
لا واهني من شرب ولا كِدر شرابه** من رخوم القوم منفضي اااالثفافيل
وياللي حميت البعيده وكبيت القرابه** منت براعي االشاذلية وريحة الهيل
قال انا ابو فلان ويدور يفتل اشنابه** والضرب من عالي و جاته مسافيل
وكل شكاك عليه لزوم يفتش ثيابه ** عليه ياكثر لقيت المواجه والمداخيل
عن خندف ينتحي وينتحي عن شبابه ** مقعدة بين الاثافي ورب المعاميل

مع تحيات ووافر قبلات بو شلاخ

عفوا لا اجيد تنسيق القصيدة إما لقصور في تعاملي مع الحاسوب او ان حاسوبي يحوس بي ولا توجد به تقنية التنسيق ومن لديه المقدرة في تنسيق القصيدة فلا يحرمنا من خدماته ويبشر بقصيدة اتوجه بها جزاء ما اسدى الي من معروف انا احرز وهو يستاهل عدل والا موعدل

أبونايف /
حضورك المتواصل محل سروري , ولعلي أغبط نفسي على ذلك

.................................................. .................................................. .................................................. .................................................. ......

بوشلاخ كمبني /
يسعدني وجودك مقلا" لا مكثرا" , وإذا نفسك بالقصيد دورني في إجازة العيد وتلقى خير إن شاء الله تعالى .

ابو هبه
يعطيك العافيه وجهد منقطع النظير

تحياتي
ابو يزيد

أشكر لكل من حضر وتواجد على متصفحي
وأستغرب هذا التعقيب الاخير من أبويزيد الانقليزي
لم أود ان ارى الصفحة بهذا الشكل

أبوهبه

بن سلمان
سرني ماقرأت

ابو هبه

الله يعطيك العافيه

تشكر على مجهدك يا بن سلمان