|
قال الحليس
دام للمنتديات عطاؤكم
نشيد ( قال الحليس ) كان يتردد في ليالي الملعبة , في الأعياد والمناسبات , وقد حاولت أن أبحث عنه لآتي به كاملاً ولا أدري هل وفقت أم لا ؟. هذا هو بينكم من يجد فيه ما يحتاج لتعديل أو إضافة فليتفضل . [poem="font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""] الأوله يا الله يا عادل الميل = يا مطلع مضمون سر العبادي قال الحليس اللي تهيض بقاف = مثل العسل وإلا حليب العوادي من ليلة الجمعة ليا ليل الاثنين = أسهر وأعدي في عسير المبادي ما همني مال ولا همني دين = غير الزمان اللي على السد بادي قم يا محمد شب لي تالي الليل = وإن حل في عيون الرخوم الرقادي قرب لي العازات ست وثنتين = ثمان مالها شدي يشادي البن والمحماس والنجر والهيل = خمرة ومصفاتين وأربع زبادي قيس لها الطبخة وقيس لها الهيل = حتى يجي فنجالها أشقر قنادي وأدرج عليهم دولهم ثم بعدين = خل الخصايص للوجيه البوادي [/poem] بإنتظار تفاعلكم على الموضوع |
رد: قال الحليس
هو الشيخ سند الحليس شيخ قبيلة الحلسه من اولاد علي من الطفحه من برقا من عتيبه
كان رحمه الله من خيار الرجال نزيه العرض، كريم النفس ،مفرطاً في الشجاعه ،مدافعاً عن قبيلته بلسانه وسلاحه وكان شاعرأ مفوهاً يعد في طبقة شيخ شعراء الحجاز بديوي الوقداني ولقد اكثر الشيخ سند من الشعر الجزل وكان اغلبه في وصف الابل والخيل وكذلك في وصف القهوة وله بعض الغزليات وله قصائد في قبيلته عتيبه وديارها وقد توفي رحمه الله سنه 1328هـ من أشعاره : [POEM="font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]يالله يالمطلوب ياقايد الرجى =يامن جميع الناس في رجواه انك تضيفنا يالوهاب بالحيــا =الحيــــا اللي تستبق ثمـــــراه قال الحليس اللي ليا ناموا العرب =وهو مراوس للجدي يتلاه دنا ثلاث دلال والنجر غيـــرها =وبن(ن) على جمر الغضى يصلاه ومع فاحته بالهيل ابه فاح خاطري=سواة جزاح الغدير بمــاه كلام(ن) احلى من شراب(ن) من المطر =للي طراه القاض لين اغشاه واحلى من الصفري ليا جاد واستوى =وعلى طلوع سهيل حل جراه واحلى من اللي يوم يطلق صرارها =تروي ولدها والقدح تملاه وهذا وياراكب على طيب النسب =سبحان رب(ن) صوره واسواه وذرعته ذراعين وان ماقلت في زياده =والله من اسباب العرب ياقاه حر(ن) سوات القيف وان جاك منحني =وكن الحبر ينزاح من علباه واوذان مثل الخـــوص والخد كنــــه =قمـر ثلاث ليا اشتهر مبـــداه كن الوبـــاره غاشيات(ن) ردوفـــه =سوات جــوخ نشر من مطواه وفخوذ كما البيبان لألقت صروعها =وذيل(ن) عطر كن القصب حلياه والهــــــا علي الحر والها جوابــــه =ومدري وش اللي حيره وابطاه صروف الليالي بين يوم(ن) وليلــه =تحقل بحـــب مـــاحذي بـــذراه[/POEM] |
رد: قال الحليس
أخي مجنونها الله يعطيك العافيه على مجهودك في ايراد هذا الموروث القديم الى هنا حقيةً لا أعرف في ذلك الوقت كيف كانوا يبنون قصائدهم ولكن من الواضح والبديهي أن القافيه غير منضبطه وخاصةً في الصدر من الابيات وتلاحظ أخي الحبيب والاخوة القراء .. كيف أن القافيه في الصدور تختلف من بيت لاخر،، ولا أتوقع أن شاعراً بمثل ما ذكرت من الصفات .. تفوت عليه مثل هذه الابجديات في بناء القصيدة قد يكون وقتهم الذي كانت تنتشر فيه الامية .. وقلت ما يمكن أن يتم حفظ مثل هذه القصائد من أصحابها هو ما أتى بها لنا هكذا .. فهي كما تعلمون أتت اليهنا عن طريق التناقل من شخص لاخر الى أن تم تدوينها مؤخراً .. قد يكون سببا في نقلها لنا بهذه الصوره المشوهه . والرواة الذين نقلوها لابد أن فيهم من ينسى ويحرف ويعدل حسب ذائقته . وأخيراً يبقى بيها من المعاني الجميله والمواقف الرائعة التي أبقتها الى يومنا هذا .. ما يجعلنا نقرأ ذلك التاريخ . وما كان عليه أهله من الشجاعة والكرم العربي الاصيل والرجولة المتأصلة في شعراء وفرسان ذلك الوقت. |
رد: قال الحليس
ماشاء الله عليك يامجنونها
حافظ من كثر ماتنشد في الملعبه |
رد: قال الحليس
مجنونها يعطيك العافية |
رد: قال الحليس
اقتباس:
شكل الورعان يبي يروح عليهم الأختبار , لم أكن أرغب في التداخل بهذه السرعة لا شكة في كلامك والحقيقة يبدو لي التناقل خلال ال 80 سنة ربما شوه القصيدة ومن ضمن بحثي عنها كنت قبل إيرادها هنا قد دخلت إلى السيد قوقل لأقف على ما كتب حولها ووجدت من كتبها بشكل مختلف مثل : [poem="font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]قم يامحمد شب لي تالي الليل =لاحل بعيون الرخوم الرقادي شفي من الحاجات ست(ن) وثنتين =ثمان ماش لها شدي يشادي النجر والمحماس والبن والهيل =وخمره ومصفاتين واربع زبادي زين لها الحمسه وسقوتك بالكيل =حتى يجي فنجالها اشقر يشادي كنه ليا حول ببيض الفناجيل =دم الغزال بروس بيض النفادي الدول الاول قلطه للرياجيل =وخلى الخصايص للوجيه البوادي ربع(ن) يسرونك بليا هل الضين =يعطون طلاب الحقوق الجوادي وان جتك سمحه تمسح الورك بالذيل =محنيت(ن) مثل الجمل بالهدادي وليا اقبلت فزولها الربع الاقصين =وخلا لها الترعه كبير الثنادي عساه عند اللي لهم عندنا دين =اهل البنادق والرماح الحدادي لاجالين كربه ولا قاضين دين =ولاهوب عن مجلي الانياب غادي يسرح ويضوي في الغنم كنه القين =وليا سرح وليا ان فيه سدادي[/poem] وجاءت أيضاً بهذا النص : [poem="font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]قال الحليس اللـي تهيـض بقافيـن =مثل العسـل ولا حليـب العـوادي من ليلة الجمعة ليا صبـح الاثنيـن=أبدي واسـاري عاليـات المبـادي قم يا محمد شب لـي تالـي الليـل=وإن حل في عين الرخوم الرقـادي عطني من الحاجات سـت وثنتيـن=ثمـان ملهـن شــدي يـشـادي البن والمحمـاس والنجـر والهيـل=وخمرة ومصافتين واربـع زبـادي يوم أقبلت صكوا عليها الربع الأدنين=وخلى لها الترعـة كبيـر التنـادي وإن جاتك اللي تمسح الورك بالذيل=مثل القعود اللي علـى أول هـدادي هات الطلي ياللي تبي لـك رياليـن=يا جعل مالك عنـد ربـي منـادي [/poem] |
رد: قال الحليس
|
رد: قال الحليس
وجاءت أيضاً بهذا النص : اقتباس:
اقتباس:
يا قرب هذا النص من الحقيقة لولا اخلاف ما لون بالاحمر من قافيه لكن ما تشوف انه يقول ست وثنتين هذي ثمان ويوم عددها طلعت أكثر البن 1 والمحماس1 والنجر1 والهيل1 هذي أربه وخمرة 1 والمصافي 2 والزبادي 4 هذي 7 + 4 = 11 اللي أعرفه أنا من زمان إنه يقول ودن لي العازات خمسٍ وثنتين // دله ومصفاتين واربع زبادي هذي سبع مثل ما عددها وانت جايب لي 11 وش هذا الكرم ههههه |
رد: قال الحليس
ماشاء الله عليك يا مجنونها ..
دام للمنتدى عطاءك ,, |
رد: قال الحليس
اقتباس:
|
| الساعة الآن 07:46 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by