محاورة ناريّة بين حبيب العازمي ووصل العطياني
 

بسم الله الرحمن الرحيم

يسرني أن أنقل لإخواني شعراء ومحبي المحاورات هذه المحاورة الشعرية بين علمين من

أعلامها : حبيب العازمي / وصل العطياني ..

والمعنى لا يخفى على كل متابع لقناتي الساحة والمرقاب .. الله ما أخبث والعن معناهم !

وأترككم لفك رموزها إن كنتم تتمتلكون خبرة كافية في الساحة الشعبية ....

ولمن يريد معرفة المعنى من شعراء المنتدى يراسلني على الخاص ويبشر ...



حبيب
يامفسر الاحلام وش رجل مجنون ... مجنون ويصلي بصف الجماعه
شفته وشفت اللي خلافه يصلون ... منهم وصل صلى معه نص ساعه

وصل
ماهو صحيح وقولوا اللي تقولون ... تراك قبلي قلت سمعن وطاعه
لحيتك مدهونه وشاربك مدهون ... وافضل كنوز الكون كنز القناعه

حبيب
طافت على هامان تمشي يافرعون ... والله كشفها في خبيث البضاعه
امن الشحم والا انتم بزيت زيتون ... كل ن دهن وجهه ودهن ذراعه

وصل
ماتكشف الاسرار والسر مدفون ... عيب الولد ينسى حليب الرضاعه
فيما مضى واليوم غسل بصابون ... واليا بغيتوها لكاعه لكاعه

حبيب
قرش البحر دايم تراه اسود اللون ... واللي ينوشه يلتوي في كراعه
كل اليتامى للعطاء يستحقون ... مير امهم ماعاد تلقى طماعه

وصل
يامعذربين اللون وش تستفيدون ... عنتر تحداكم عزوم وشجاعه
لا تنفخون الذرب ياحزب شارون ... في ذمتي ماعندكم غير ضاعه

حبيب
اهم شي اللون والفعل ما لون ... والوجه يعرف عقب يكشف قناعه
ياجعلكم من دون في دون في دون ... في ذمتي ماعاد فيكم شفاعه

وصل
حنا على كبدك من العام طاعون ... تدري ولا يدري طبيب الاشاعه
اخر زمن ماعندكم غير تدعون ... يازينكم بين الرجاء والقطاعه

حبيب
اللي يبى يظهر حفيلي من يكون ؟؟ ... وانا من الطاعون عندي مناعه
الله مكرمنا وحنا غنيون ... ياللي طلعتو في زمان المجاعه

وصل
مافيكم المضمون ونقول مضمون ... لو نزرع المعروف فيكم زراعه
عاشت زبيده كله بفضل هارون ... والا مايطلع صوتها فالاذاعه

حبيب
معروفنا قبلك غدى وسط ماعون ... واثر البلا الماعون مشقوق قاعه
يمين والا يسار لف الدركسون ... هارون عاش بعز ماهي دناعه

وصل
لو ان لك معروف يمداه مصيون ... النور مايمديك تحجب شعاعه
اتخربون اكثر من اللي تسوون ... راحت سرايعكم سراعه سراعه

م/ن

رد: محاورة ناريّة بين حبيب العازمي ووصل العطياني
 

وصل شاعر قوي والخروج معه صعب

رد: محاورة ناريّة بين حبيب العازمي ووصل العطياني
 

نعم من الشعراء الشباب الذين أثبتوا وجودهم في النظم وفي المحاورة ..

رد: محاورة ناريّة بين حبيب العازمي ووصل العطياني
 

رد: محاورة ناريّة بين حبيب العازمي ووصل العطياني
 

رد: محاورة ناريّة بين حبيب العازمي ووصل العطياني
 

شكرا على مرورك أخي ابن مساعد ولا هنت

Re: محاورة ناريّة بين حبيب العازمي ووصل العطياني
 

مهما يجيك من الخطاء من رفيقك=حاول تغاضى والخطاء لا يجي منك
ترى رفيقك لو وقف في طريقك=مثل الرصيد أن (قل) وأن (زاد) في البنك
واعرف عدوك قبل تعرف صديقك=ومن لا يحس بضيقتك مادرى عنك
ولا تأيد المخطي لو أنه شقيقك=وش عذرك من اللي على ايسرك وايمنك

رد: Re: محاورة ناريّة بين حبيب العازمي ووصل العطياني
 

لولا الخطا محدً عرف قيمة الصح=ولولا الصحيح يصح جات الفضايح
شي طبيعي يوم ننّصح وننصح=الناس كانو يشترون النصايح
ياجاهلً في الوقت تسرح وتمرح=ترى الحياه إلها نظام ولوايح
وأن كان ماتبغى كلامي هذا رح=واشره على اللي قال وين أنت رايح