|
قصّاف الأعمار ..!!
بسم الله الرحمن الرحيم
انا اشوف المصايب والحروب وقاصف الاعمار يحث خطــاه ما بين العرب ومشمرن ثوبه مابين أهل القرايا والمدن وبسيفه البتار يقص رقاب خلق الله قبل ما تعلن التوبه ألا يا الله على حق وشهاده لاانتهى المشوار يقـوله واحـدن متحسـف ومهلكتـه ذنـوبه ولا باقي ياساقي غير دعوتنا والاستغفار لأن أعمــارنا وآجــالنا فاللوح مكتــوبه أخاف يموت قبلي صاحبي حمدان ياحضّار قبل يصفحْ يسامحني وانا دوبي وهو دوبه ترى لن مـت ياحمـدان قبلي بافقدك ياجـار وشفت ان النصايب فوق قبراخوي منصوبه أبا أسامحك وأذرف فوق قبرك دمعي المدرار ثلاث وجـاب لين أسقيــه والدمعـات مصبوبه وانا مسلم وفاهم عارفن ان الحياه أقدار توفى قبله ملوك وعرب وشيوخ محسوبه ولن قدّر علي الله وقبله مت لا يحتار يسامح صاحبه لا يذكر ذنوبه وعذروبه خصوصاً قصة الشاتين واللي قبل مدّه صار يحـاول ويتناسـاها وهي عنده ومكتـوبه لا يفضح صاحبه ويبيحْ بالقصه وبالأسرار ويكتب كلمتين وتعزيه في سهيل بقروبه يقول اللي توفى شاعرْ وتاجرْ من التجار يخاف الله وغشه للعرب تراه أكبر أكذوبه وفي الختام / كلها مجرد دعابه والموت والحياة بعلم الله متعك الله بالصحة والعافية يا أبا حسام وأطال عمرك بقدر ما عاشه الصحابي : أنس بن مالك .. وسامحونا والسلام عليكم . . أخوكم / أبو أحمد . |
رد: قصّاف الأعمار ..!!
هههههههههه
الله يرحمكم برحمته دنيا واخره اولها داعشي واخرها مداغشي صح لسانك مدد بلا عدد |
رد: قصّاف الأعمار ..!!
الله يسعد مساكم وصباحكم يا اهل المنتدى ويمتعكم بطول العمر مقرونا بالصحة والعافية والقوة وان يديم على بلادنا نعمتي الأمن والامان في زمن كثرت فيه الفتن حوالينا ولا علينا يارب العالمين
بداية صح لسانك يا سهيل ويظهر بأنه مالنا شغل ها الأيام سوى متابعتك انت وصاحبك حمدان وش قال وش قلت وين وصل الجدال والنزال بينكما أراكا رجلا ملحاحا - ان صح التعبير .. ورى حمدان وراه وخايف من شي الله أعلم والرجل الى الان ماسك خيره وشره ولم يضع النقط على الحروف حتى نشوف لم نكن نتوقع ان يصل الحد بك يا سهيل ان تتمنى موت صديقك ألا اذا كان هناك سر تبيه يدفن ويموت مع صاحبك الله أعلم !!!!!!!!! القصيدة اللي جايبها اليوم جيدة وكعادتك بدايتها طيبه تتحدث عن الموت وخوفك منه وتعدد ذنوبك وعيوبك لكن مع بداية البيت الخامس دخلت صاحبك حمدان اقتباس:
اتصل بصاحبك وتسامحوا وريحونا .. الا اذاكانت القضية كايدة وعوووده هذا كلام ثالث ياسهيل ويحقلك تصيح وفي الشجر تطيح وتستمر في وصف المشهد الحزين المؤلم قبر ونصائب ودموع !!! لاحول ولا قوة الا بالله .. لا وتقول توفي قبله ملوك وعرب وشيوخ !! مافيك حيله يا سهيل .. مبدع حتى في الرثاء الكاذب ! وبعد ذلك تتبادل مع صاحبك الموت .. قصدي الدور وتتخيل نفسك الميت اقتباس:
عليك حمدان ؟ غير قصة الشاتين شي ؟ أنت مسوي شي ؟ وتستمر في باقي أبياتك ترجو من صديقك أن يسامحك وما يفضحك اقتباس:
أنت صاحي ؟؟ شاعر ....يمكن ! تاجر .... نمشيها ! لكن يحسن صورتك قدام الناس ويقلب الحقائق! الا اذا كان من باب : اذكروا محاسن موتاكم .. وأخيرا لعل الله يقضي أمره وتموتوا كلكم في يوم واحد وتريحونا لا احد يبكي الثاني ولا يذكر حسناته وعيوبه . لفت نظري استشهادك بالصحابي / أنس بن مالك رضي الله عنه خادم رسول الله .. يقول : "دعا لي رسول الله بثلاث / أن يطيل في عمري وأن أن يرزقني بكثرة المال والعيال وأن يدخلني الجنة فرأيت اثنتين وارجو الثالثة " فقد رزقه الله المال فكان له بستان عنب في المدينة يثمر مرتين في العام ورزقه بكثير من العيال حتى يقول : " دفنت من العيال 100 بيدي " والله أعلم . زقراااااااااااااااااااط . |
رد: قصّاف الأعمار ..!!
اقتباس:
الله يجزاك خيرا يا النادر ويجعلني ما أبكيكم لا أنت ولا حمدان وصح بدنك ولا هنت . |
رد: قصّاف الأعمار ..!!
صح لسانك شاعرنا سهيل
وقصيدة إخوانية أقصد وجدانية جميلة ونسعد بك وبمشاركتك التى تبث الحياة في أركان المنتدى |
رد: قصّاف الأعمار ..!!
اقتباس:
ويسعد أيضا جميع أوقاتك يا سقراط وشكرا لمتابعتك وقراءتك للقصيدة من منظور لا أظن أحدا يوافقك عليه لأنك حاولت تصطاد في الماء العكر وتسوي من الحبة قبة وأنا علمتك قبل تسذا ونبهتك إلى ان الموضوع لا يعدو كونه فبركه الله يهداك ! وقوي عين تبينا نموت في يوم واحد بعد ! أظني ابي التفت لك وأهجوك يا سقراط لأنك استاجبتها :mad: سعيد بمتابعتك وتواجدك وبيض الله لحيتك الطويله وشواربك العريضه :lol: |
رد: قصّاف الأعمار ..!!
اقتباس:
صح بدنك والله يرفع شأنك ويعز مقدارك فأنت صاحب المرسم والرسام والمنسق والمعد والمُخرج وتسلم عدد شعرات لحية وشوارب زقراط مليون مرة .. النادر يقول / داعشي .. وأنت قلت قصيدة ( إخوانيه ) :laugh: الله يخارجنا :lol: وإليك هذه الأبيات المتواضعه ع السريع يا رسام لوحتنا المبدع : عسى ربي يكثركم رجال الدين والتعليم رجال ٍ باسمها وأفعالها دائم تجمّلها سلام الله عليكم كلكم وأخص بالتسليم مدير المرسم أحمد جمّل اللوحه وكمّلها بعد نسّق لها الألوان فالروعه وفالتصميم ولن جـاته من الحسّـاد شرهات يتحمّلهــا هذيك اللي يسار الخط خططها وبالتنظيم عسى الله يكتب أجره فآخرالهرجه وفأولها |
رد: قصّاف الأعمار ..!!
أ
اقتباس:
هجائي |
| الساعة الآن 01:52 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by