يقول ابن معيض
 

salam:
اسعد الله مساكم ومساء حضورنا
الليلة في جلسة ابويه على براد شاهي تدحلست لكم مع الوالد وكبست له رجوله وقلت يا يبو من زمان ما سولفت لعيال عمي بسالفة وانت من وقت قصير سمعتنا مجالسيين وودي الحين ان تخبر لي شي اوسع بصدور عيال عمي واغيض به العزال .

قال فيه واحد ان ما خاب ظني من اهل عباسة واسمه ( عوض بن معيض الثبيتي ) وانه ظنه انه متوفي حيث ان عياله الان شياب , يقول له صاحب كنه يرفعه عن دروب الرزي ويقال له ( المليان ) من النفعة , يقول كن وصل لعوض مع رعيان الغنم علم عن المليان ازعجة ولا هو اللي متاكد منه , وشيم الرجال هذاك الوقت ما تعطي الرجال ياخذ على خويه نقلة هرج مثل وقتنا هذا اللي الرجال يزعل ويمكن يجهل على خوية من دون ما يتثبت .
الابيات طويلة ولا اتذكر منها الابعضها واعذروني ان خانني ترتيبها مع الوقت :

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يقول ابن معيض غنى هاجسه = قاف على المعنى وله بيباني
سوات ذوب النحل ما حد لامسه = جني النحل من طايل الاغصاني
سر يا نديبي فوق حر مؤسسه = وليا مشى في طرقته عجلاني
انصا لي المليان وانصا حلته = في حلة ما تكره الضيفاني
واعطه علومك بعد ما تشرب دلته = من غير لازود ولا نقصاني
قله عوض امست عيونه ساهره = والنوم ما جاها ولا يهجاني
من هرجة جاتني تخل بوزنته = مدري منه والا من الرعياني
بغيت اقص العلم واتبع جرته = لكن ردتني وجوب العاني
عاداتنا ندرى الرفيق بخلته = واعطيه من حقي ولو ما عطاني
نقبل معاذيره وندمح زلته = هذه عوايدنا مثل جداني[/POEM]

رد : يقول ابن معيض
 

من هرجة جاتني تخـل بوزنتـه
مدري منه والا مـن الرعيانـي
بغيت اقص العلم واتبـع جرتـه
لكـن ردتنـي وجـوب العانـي
عاداتنا نـدرى الرفيـق بخلتـه
واعطيه من حقي ولو ما عطاني
نقبـل معاذيـره وندمـح زلتـه
هـذه عوايدنـا مثـل جـدانـي
وين هذي الخصال الحميدة
اليوم بس يعاين فيك ويقول والله اليوم فلان ماهو عاجبني
وبعدها يرز خشمه ولا كنك الا ذابح ابوه
ولن جيت تفتش العلوم قال هذاك اليوم اريته لاوي وجهه
وعرفت انه زريان وانكيل له بمكياله
ويا كثر الزعلانين بغير سبب عاد كيف اللي بنمه والا حولها
إلا من رحم الله كل الخلق
بيض الله وجهك يابو سلمان وسلمت وسلمت ذاكرتك
سلمان كل يوم كبس رجوله تكسبها دنيا واخره
واعتبرها زي مايقولون ( ذبيحة 0000000000صدقة وجه الله )

رد : يقول ابن معيض
 

بيض الله وجهك يا عم عباد...وأدام الله عليك الصحة والعافية..

أمتعتنا ..متعك الله بكل فرح..

رد : يقول ابن معيض
 

بن سلمان

امد الله الوالد بوافر الصحه واسبغ عليه نعمه

والود ودي يكون انك قريب منه هاثم تكبس رجليه كل يوم ليزيدنا من مثل هذه النوادر والداعيه الى مكارم الاخلاق ولكن اعلم ان الغربه شينه ولو لم يكن بها الا ان تفقدنا نتقرب الى الله ببروالدينا لكفى بغظا لها

وفقك الله واعانك وسدد خطاك في خدمة والدك

رد : يقول ابن معيض
 

اطال الله في عمر العم عباد
وحقيقة مثل هذه السوالف بها تعيش وتعمر المجالس

رد : يقول ابن معيض
 

رد : يقول ابن معيض
 

الله يرزقني واياكم طولة العمر في رضاة ثم رضى الوالدين

رد : يقول ابن معيض
 

أقول هذا العمل إلا نافعك.وزادك الله حرصا على كيد العزال.

رد : يقول ابن معيض
 

الله لا يحرمني واياك اجر البر بوالدينا
بس كيد العزال خلصنا منه
صفينا النوايا

رد : يقول ابن معيض
 

يا سلمان الله يرزقك على رضاك والديك .