من خواطري
 

جرح الصداقة ماتداوبة الايام * لامن جرحني صاحبي ويش بقا لي
لا صار اعز انسان يزيدك الام * من ترجي القلب تشكي له حالي
عزي لقلب دايم الدوم منضام * ماشاف بالدنيا رفيق موالي
اصبر علي جرحي واداوية باوهام * والقلب لا زادت همومه شكا لي
ياحظ من مثله هنا العمر له دام * ياحظ منهو قاسي مايبالي
دمعة ورا دمعة والاحزان قدام * والصداقة كلمة عشتها في خيالي

مشكور على هذه القصيدة :D

خواطر جيده اخي رفيع الشان نشكرك والله يجبر بخاطرك

[qu]جرح الصداقة ماتداوبة الايام * لامن جرحني صاحبي ويش بقا لي
[/qu]

صديقي إلى يـوم أضيق أيتضايـق ...... إلي يشـاركني هـمومـي وضيقـي
أمـا صديقـي بس لا سـرت رايـق ...... مـا يستحـق انــه يسمـى صديقـي

لست شاعرا انما اقتبست بيتين قد تختلف في الوزن والقافيه إنما لعلها توافق معنى ما اردت كتابته .

أخوك ابو نايف

ابو ناااااااااااااااااايف ما شاء عليك

ابيات رائعة وجهد رائع

اكتب وستجد يوما أن القافية والوزن ترضخ لك

وفقك الله

أخي رفيع الشااااااااااااااان

خاطرة رائعة ونرجو اتحاف اسماعنا بمثل هذا

ولك أقول :

جتني بيوت الشعر مع طيف الاحلام ....... تشكي ظروف الوقت في كل حالي

والصبر نعم الزاد يا ذخر الأيام ............. وانتم لكم دايم سيوف تلالي

رفيع الشان انتم منصا للاشهام .......... واخوالك اللي دوم عنبر مثالي

والذيب يبقى ذيب ياسيف الاسلام ..... مهما عواصفها تهز الجبااااالي


تقبل تحيااااات كاتب هذه الابيااات

الف شكر لك يا رفيع الشان علي هذه الابيات والتي اتحفتنا فيها بمعاني اصيلة وقوية

وفقك الله

بدون عنوان
 

شكرا لك يارفيع الشان بس انا دخلت بأسم الصريح علشان اكون صريح مع الجميع انتم تتعبون انفسكم وانا اعرف كتابت الشعر اذا كان كاتبها غير شاعر
انها متعبه ومجهده وفنهايه نطلع بكلام مامنه فايده الوقت الي قعدت تكتب فيه هذا الكلام لو كتبت لنا قصيده لشاعر مشهور من شعارنا المعاصرين او من الشعر القديم كان وفرت على نفسك التعب وامتعتنا اكثر والمشكله ان بعض الاخوان الاعضا فاهمين المنتدا غلط يحسبون انه لابد ما يدخل الى شاعر ولايكتب فيه الى شاعر لايأخون هذا الكلام غلط احنا نبغى نستمتع بكلام حلو له معنا لأي شاعر والكلام برضه موجه للأخ بنك المعلومات فأنتم واحد يجيب كلام له معنا ومفيد من غير وزن والثاني احسن منه في الوزن ولكن انه تجميع كلام وقافيه من غير معنا واضح
رفيع الشان انتم منصا للاشهام .......... واخوالك اللي دوم عنبر مثالي

والذيب يبقى ذيب ياسيف الاسلام ..... مهما عواصفها تهز الجبااااالي
وخوالك اللي دوم عنبر مثالي وش معناها
البيت الثاني وش علاقة الذيب بسيف الاسلام ومنه هذا المقصود وش جاب عواصف وجبال عواصفها الضمير هنه يعود على ايش او مين يعن الكلام مافيه ترابط والبيتين الاوله زيا لكن هذي واضحه

وأرجو المعذره على الصراحه ما قصدي شي لاكن ابغى نرتقي بالمنتدا ويكون مفيد انا متأكد اي واحد يدخل مره مرتين خاصه من الزوار ويقع بصدفه على هذا الكلام واشباهه ماعاد يدخل لانه مضيعه للوقت اعطونا من اشعار الكبار يكفون ياخي ماهم ناقصين زيادت شعار هذا من النقد الهادف انشاء الله وشكرا

صح لسانك ايها الصريح ولكنك خربت سوقنا كنت ابغي افتح فرع مختص بالشعر اللبطي وليس النبطي
زورونا تجدوا مايسركم شعر موزون وموجه ماهو مقفى

[qu]شكرا لك يارفيع الشان بس انا دخلت بأسم الصريح علشان اكون صريح مع الجميع انتم تتعبون انفسكم وانا اعرف كتابت الشعر اذا كان كاتبها غير شاعر
انها متعبه ومجهده وفنهايه نطلع بكلام مامنه فايده الوقت الي قعدت تكتب فيه هذا الكلام لو كتبت لنا قصيده لشاعر مشهور من شعارنا المعاصرين او من الشعر القديم كان وفرت على نفسك التعب وامتعتنا اكثر والمشكله ان بعض الاخوان الاعضا فاهمين المنتدا غلط يحسبون انه لابد ما يدخل الى شاعر ولايكتب فيه الى شاعر لايأخون هذا الكلام غلط احنا نبغى نستمتع بكلام حلو له معنا لأي شاعر والكلام برضه موجه للأخ بنك المعلومات فأنتم واحد يجيب كلام له معنا ومفيد من غير وزن والثاني احسن منه في الوزن ولكن انه تجميع كلام وقافيه من غير معنا واضح
رفيع الشان انتم منصا للاشهام .......... واخوالك اللي دوم عنبر مثالي

والذيب يبقى ذيب ياسيف الاسلام ..... مهما عواصفها تهز الجبااااالي
وخوالك اللي دوم عنبر مثالي وش معناها
البيت الثاني وش علاقة الذيب بسيف الاسلام ومنه هذا المقصود وش جاب عواصف وجبال عواصفها الضمير هنه يعود على ايش او مين يعن الكلام مافيه ترابط والبيتين الاوله زيا لكن هذي واضحه

وأرجو المعذره على الصراحه ما قصدي شي لاكن ابغى نرتقي بالمنتدا ويكون مفيد انا متأكد اي واحد يدخل مره مرتين خاصه من الزوار ويقع بصدفه على هذا الكلام واشباهه ماعاد يدخل لانه مضيعه للوقت اعطونا من اشعار الكبار يكفون ياخي ماهم ناقصين زيادت شعار هذا من النقد الهادف انشاء الله وشكرا[/qu]

لوقرأت نصك هذا لوجدت فيه من الاخطاء النحوية واللغوية والاملائية ما الله به عليم فارجو منك اخي التقيد بلغتك وعدم الحياد عنها

كما ان الاملاء اسهل واهم من كتابة الشعر