لولا الظروف (مجاراة لشاعر الوطن دبسان القحطاني )
 

[poem="font="Courier New,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لولا الظروف وحاجة الناس للناس =مابان مد الطايله والقصيرة
ولولا الشهامه والمواقف لها راس=ماشفت اهلها فاللوازم كبيره
ولولا الحسد وصدور بايع وبلاس=ماحطت البدوان وسم وعقيره
ولولاك شاعر ياقحطاني وقرناس=ماصدت من شعري بكبر الشعيره
ولولاي شاعر مانظمته بقرطاس =ولا سمعت اصداه في كل ديره
الناس سود وبيض واعراق واجناس=مايضمن المخلوق منهم مصيره
لكن يعمل والعمل خير مقياس=مقياس لطموحه ومقياس خيره
ان صار له في ساحة الطيب مرواس=سده ربوعه فالدروب العسيره
واذا شرب من مر الايام في كاس=يصبر وصبره فيه خير وخيره
وان عاش من كثر المعاذير محتاس=والراس شايب والايادي قصيره
يلقى هل الطالات فالعسر نوماس=ويلقى العوارف للشدايد عشيره
معرب السيسان يمشي على ساس=ساس من الرحمه وحسن البصيره
اللي خلق له روح وعروق واحساس=لا بد مايحتاج وقفات غيره
وهنا تبان المرجله وطرد الانفاس=اللي بعز البرد واللي هجيره
وتبان مدات اللألي واللماس=تصغر كبار وتكبر اللي صغيره
يعني الظروف احيان وسواس خناس =واحيان تنبينا بطيب السريره
شكرا لها في كل حاله ومجلاس=وشكرا لمدات الكرم والجزيره
[/poem]

رد: لولا الظروف (مجاراة لشاعر الوطن دبسان القحطاني )
 

رد: لولا الظروف (مجاراة لشاعر الوطن دبسان القحطاني )
 

عساك على القوة يا أبو علي

صح لسانك

رد: لولا الظروف (مجاراة لشاعر الوطن دبسان القحطاني )
 

الفنون القولية العربية الاصيلة تتوارثها الاجيال فكرا ومعنى وحسن منطق
واليوم ونحن امام رائعة الشاعر حسن عابد التي عطرت صباحنا بأريج فن الشعر الراقي . اقرأ معي اخي المتذوق هذا البيت ...
وتبان مدات اللآليء والالماس .......... وتصغر كبار وتكبر اللى صغيرة
بماذا يذكرك هذا البيت ؟ الا يذكرك بقول المتنبي .
وتعظم في عين الصغير صغارها ..... وتصغر في عين العظيم العظائم
هكذا تتوارد الخوطر وتتجانس المعاني في ارثنا الادبي الجميل .
ثم يعرج بناالشاعر الى ادبيات حكمه في معنى قوله ان صروف الدهر وحاجة الناس لبعضهم هي التي تجعلنا نعرف الكريم والشهم من غيره .
وهكذا حتى يخلص الى مخاطبة شاعر الوطن القحطاني كما اسماه ويخاطبه بقوله .
لولاك شاعر ياقحطاني وقرناس ... ما صدت من شعري بكبر الشعيرة
وانه شاعر متمكن بدليل انه استأثر بشيء من شعر شاعرنا حسن
وفي هذا البيت إيماءه خفية يفتخر فيها الشاعر بشعره وحق له ولنا بذالك لأن الشعر الجيد يفرض نفسه حتي على قائله .
وتتوالى الحكم في شعر التأمل العقلاني والنظرة الفاحصة لمجريات الاحداث والحياة وتداول الايام بالعسر واليسر . وان خير معين على نكباتها الصبر ففيه الخير الكثير .
واذا شرب من مر الايام بالكاس .... يصبر وصبره فيه خير وخيرة
الى ان يشكر تلك الايام والاحداث التي عرف بها اكارم القوم ونبلائهم وكأنه يتمثل قول الحكيم الاخر الذي قال .
جزى اللة الشدائد كل خير ............ بها اعرف عدوي من صديقي
. الم اقل لكم ان في هذه القصيدة الكثير من توارد الخواطر والافكار ؟
على موروثنا الادبي الذي نتكء عليه كثيرا بوعي اوبلاوعي .
وهذه القصيدة رائعة بكل المقاييس ولايستغرب ذلك على شاعرنا المبدع حسن عابد .
ولعل لنا وقفه اخرى مع جماليات اخرى بالقصيده . وا لإنتاج الادبي الجميل يستحق اكثر من هذا .
وفقك الله ياشاعر العقل والحكمة وعمق التفكير .
وتقبل مرووووووووووووووووووووووووووووري

رد: لولا الظروف (مجاراة لشاعر الوطن دبسان القحطاني )
 

رد: لولا الظروف (مجاراة لشاعر الوطن دبسان القحطاني )
 

القحطاني فاز في مسابقة شاعر الوطن

رد: لولا الظروف (مجاراة لشاعر الوطن دبسان القحطاني )
 

رد: لولا الظروف (مجاراة لشاعر الوطن دبسان القحطاني )
 

واثقة النفس والقلم والخطى
مشاركة ترفع المعنويات وتجعلني اسعى جاهدا لارضاء ذوائق الشعر امثالك
الف شكر لفخامة الحضور وجمال المشاركة

رد: لولا الظروف (مجاراة لشاعر الوطن دبسان القحطاني )
 

رد: لولا الظروف (مجاراة لشاعر الوطن دبسان القحطاني )
 

]بارك الله فيك يابو على مبدع شاعر جزل صح لسانك[القصيده معبره عن نفسها/