عودة الملك عبدالله

هلا بك سيدي يامرحبا ترحيب سفطاني=يقوله من يحب المملكه ويحب قايدها
ياعبدالله يابو متعب واخو متعب وسلماني=بلادك تنتظر للطايره تاتي بموعدها
تراك انت الزعيم اللي غيابه مصدر احزاني=غيابه حزن وحضوره طنا الايام واسعدها
هلا ياحبيب الشعب والسكان من داني=هلا بك سيد النهضه وراعيها ورايدها
هلا بك يامحب الخير بالفطره والايماني=هلا بك يافخر دوله تحرى له ولايدها
هلا بك ياحكيم الفكر يامعشوق الاعياني=هلا بك ياكبير الدار والافعال زايدها
هلا ياربيع القلب والمنضوح الانساني=هلا بك والعيون امطار فرحه في تعددها
هلا بك عد ماساقت هبوب النود الامزاني=هلا بك فالقلوب اللي لكم تعلن تواجدها
انا ياسيدي قلته شعر والشعر مارواني=لحيث انته مليك وضيف من تسمو عوايدها
بعد ربي كساها اللون الاخضر سحر الالواني=وصارت سيده تزهو بفضل الله قلايدها
وشرفها بمكه والمدينه خير الاوطاني=ديارا ماتوفيها الحقايق في قصايدها
الا ياعون طيرا مايطير ابدون جنحاني=الا يامٍسعٍد اللي بالعنا تلزم وسايدها
الا يارادع الظالم ومرعب كل شيطاني =الا يانصرة المظلوم والنخوات سيدها
سلام الله على حضرة جنابك بين الاجفاني=سلام الله على عمرك وقمة مجد شايدها
سلام الله على دوله بها نايف وسلطاني=سلام الله على عدل البلاد ومن يعاهدها
سلام الله على الشعب السودي عالي الشاني=سلام على شبه الجزيرة ومن يحددها
سلام الله على حكم الشريعة وحد شاماني =وعلى البانين ومثبت لدولتنا قواعدها
عسى منزله مع حمزة وخالد وابن عفاني=ومن سارو معه في جنةِ ربي مخلدها
صقورا في ليالي الخوف جادو عز واماني=وسادو في كرام الناس واقفها وقاعدها
وحلو معضلات الوقت والدستور قرآني=وهذي نعمة الله فالسعودية نرددها
اقوله في ختام القول ياثملان بلساني=عسى الله يحفظ ال سعود والبيعه نجددها

عودة خادم الحرمين لها صدى خاص في قلوب محبينه في المملكة العربيه السعودية.

والعالم كله يشيد بملك الانسانيه والعروبه والشهامة حفظه الله وجعله ذخرا لهذه البلاد المعطأة الوفيه لملكها ودينها ووطنها وانا هنا اشارك مشاركة لعلها تنال استحسان الجميع حبا في سيدي الملك
عودة الملك عبدالله