راعي الطير مرجوج
 

اهداء الى الاخ الحبيب وابن الخال بناء على طلبه

هذه القصيده كانت رد على قصيدة للشاعر /حمد بن قريان آل خويطر العجمي في قصيده سندها على فبل بداية موسم القنص هذا العام وكانت على قاف اوج و اجه

...............

[algin=center]حي الجواب الي بالاطياب ممزوج=مزجة معلم ماشراه بزجاجه
بارود جابه يوم غنى على اوج=باول شطر والحق بها لحن آجه
وانا على ماقال بارود مرجوج=القيض خلى بالمخيخ ارتجاجه
عينٍ على نجمٍ بالافلاك مسهوج=ماغير راعي الطير يرجي انفراجه
وعينٍ على نادر معازيب مدروج=خرج على غرٍ وباعه نعاجه
افجح قصير الجنح ملموم دحروج=عرضٍ بليا طول فيه ادراجه
اشعل وراسه كنها زبادة الموج=وعينه تشادي فارس في مواجه
جابه وهو من حسة الوقت محروج=باع وشريته قبل ياصل حراجه
واسمع لعودٍ قام يزهم لعروج=الحق عطه وش مابغى من خراجه
واقفيت واسمع ونة العود مدبوج=واثره دبج بالكف صدره لجاجه
وانا ادري انه عقب ماقفيت مفلوج=لكن مالي حيلةٍ في علاجه
ولو الحيا سميت ذا الطير دابوج=حيثه ترك بالسوق بعدي ادباجه
ويالله عسى صبري على القيض مفروج=ويرتاح صدري عقب ذيك الحراجه
واسج واطرب غايتي بس منتوج=صبري مع رجال الوفا والبلاجه
لاقيل يالنادر ترى الخرب مزعوج=وشلع على مد النظر من عفاجه
وحذفت طير ماتعود على الروج=طار يتلفت كن فيه اختلاجه
واتلى يلم وسقت والقاع معفوج=مارخيت رجلي دون مسمار صاجه
وعلّق وجيته ايتبسم بمبلوج=وجهٍ يقول الخرب عود دجاجه
وانا اشهد انه راعي الطير مرجوج=قلبه على المقناص ماكثر خلاجه
يقولها بارود قافه على اووج=وارد انا ماجبت فيها عواجه[/algin]

يعطيك الف عافيه النادر

وهذا هو التمكن النادر من القصيد

حياك الله ومرحبا

النادر
فقط حضور الأخ الصغير اللذي يباهي بأخيه
صح لسانك وسلم بنانك
وتبقى

نادر ولا يعرفك يامشية العوج
وإليا هرج ما قيل هرجه سماجه

تحياتي أيها النادر

النادر ألف لاباس عليك , الشرهة على أخوانك , وإلا أنا ماعندي خبر
وبصراحة ودي أقول شيء عن القصيدة بس فيها مفردات ما عرفتها , وهذا ماهو كلامي لحالي , دايم خالك يقول ذا الشيء


تحياتي///

[qu]يعطيك الف عافيه النادر

وهذا هو التمكن النادر من القصيد

حياك الله ومرحبا [/qu]


ابو نواف

تواصلك هو الاجمل اخي

كن قريباً

النادر

[qu]النادر
فقط حضور الأخ الصغير اللذي يباهي بأخيه
صح لسانك وسلم بنانك
وتبقى

نادر ولا يعرفك يامشية العوج
وإليا هرج ما قيل هرجه سماجه

تحياتي أيها النادر[/qu]


ابو يزيد

لاهنت ياسنايدي

على خبري فيك

لكن بيت لايرضيني..... نريد ان نرى ابداعات الكايد المعهوده

اخيك

ابو عماد

[qu]النادر ألف لاباس عليك , الشرهة على أخوانك , وإلا أنا ماعندي خبر
وبصراحة ودي أقول شيء عن القصيدة بس فيها مفردات ما عرفتها , وهذا ماهو كلامي لحالي , دايم خالك يقول ذا الشيء


تحياتي///[/qu]

ابو هبه

ابن الخال الغالي

مافات مات المهم انت طيب ....

افا يابن الخال مافهمتني وانت الي تعرف رطني التركه وحده والميراث واحد

سلم على نفسك وعلى الخال وقله عوامل تعريه اجتماعيه... والله المستعان

تحياتي

النادر

لأهل العرف
وللمنتدى وأهله
من يعرف عن النادر ؟
تكفون أن كان أحد مزعله بقول ورضوته علي

ابا هبه
[poem=font="Simplified Arabic,4,#000000,bold,normal" bkcolor="" bkImage="" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]

ما احتاج يرضوني وانا عنك راضي=لكن زمان ابليس ولى وعدنا
مع البشر نمشي ونقطع اراضي=طراة نفس الله يتمم سعدنا
ولا تفترض ماحب هـالافتراضي=انته مكان النفس هذا عهدنا[/poem]

وانا اشهدد انه راعي الطير مرجوج قلبه على المقناص ما اكثر خلاجه


القصيدة وبدون مجاملة رائعة
وانت اروع

عودة قوية جدا جدا

واتمنى لك التوفيق

ارى ان لديك المزيد والمزيد من الروائع

وشكرا على قبولك دعوتي في المنتدى

عدرا على كتابتي للبيت ولكن لاعجابي به