صمام الامن .....مرثية الفقيد
 

ابيات ولا اقول قصيده ولاتمثل من الالم الا بعض النزف .احسن الله عزائنا وعزائكم في فقيدة الامه قبل الوطن وفقيد الدين قبل الهوية

[poem="type=1 color=blue font="bold medium tahoma, verdana, arial, helvetica, sans-serif""]

جاكم سعدكم ياقلال النظايف=يامسوقين الكفر في ثوب الافكار
وماجور ياقلب ٍبكى فقد نايف=والله يعين العين من دمعها الحار
الموت حق ولو ترك له حسايف=واشد فجعاته فجع حاكم الدار
اخذ منه عضده عديم الوصايف=اللي على سد الصعيبات قدّار
صمام الامن وحد حدبٍ الرهايف=بالحق يضرب كل باغي ونكار
خلى فلول البغي ماهي ولايف=دمدم على مندسهم كل الاوكار
رحل وخلى دمع داره ذرايف=وتبكي عليه بلاد وشعوب واقطار
حمل ٍ ثقيل وراح راعي الكلايف=الله يعوضنا على فقد سنجار
بظلعٍ عليه نحط متن ونحايف=ونام وقلوب الفتن كلها نار
وتبطون والله ياقلال النظايف=مادام سيف العود له حد بتار[/poem]

رد: صمام الامن .....مرثية الفقيد
 

بيض الله وجهك شاعرنا أبا عماد
كفيت ووفيت

ورحم الله فقيدنا وفقيد الامة
نسأل الله تعالى أن يتغمده برحمته

رد: صمام الامن .....مرثية الفقيد
 

صح لسانك يا أبا عماد

والشعر وطن والشاعر مواطن جندي مجند في خدمة بلده

يتفاعل مع الأحداث والمواقف بدون ما يطلب منه ..

وهذا ما فعلته أيها النادر من خلال هذا النص وهذه المرثية المعبرة

شكرا لك ولتفاعلك مع المستجدات سريعا ..

رد: صمام الامن .....مرثية الفقيد
 

اخي ابا عبدالرحمن

والله ماكتبتها للشعر ولكن بظاعة اهل البظاعة تغالبهم وتلجاء انفسهم لها عند الحاجة

غفر الله له وربط على قلب اخوته والمسلمين وكل بيت يحب الامن والنقاء

رد: صمام الامن .....مرثية الفقيد
 

الاخ سهيل

المصاب واحد والالم حز كل الانفس

أسأل الله له الجنة والمغفره وان يعوضنا فيه من يسد مسده

النادر

رد: صمام الامن .....مرثية الفقيد
 

رد: صمام الامن .....مرثية الفقيد
 

رد: صمام الامن .....مرثية الفقيد
 

رد: صمام الامن .....مرثية الفقيد
 

صمام الامن وحد حدبٍ الرهايف ....... بالحق يضرب كل باغي ونكار

يعطيكم العافية
رحم الله فقيدنا سمو الأمير نايف بن عبدالعزيز وأسكنه فسيح جناته

رد: صمام الامن .....مرثية الفقيد