صــــــوت العاصـــــــــفه
 

^




[POEM="type=1 bkcolor=#33CCFF color=#0000CC font="bold medium Tahoma, Verdana, Arial, Helvetica, sans-serif""]
ياليل لولا لونك اسود كـان ماسمـوك ليـل=باسمك يصوغ الشاعر الملهم بيوتـا مرهفـه




واليوم قاعد في مهب الريـح ياليـل الطويـل=وليا دعيتك يختلط صوتي وصـوت العاصفـه


بالله لو غمضت جفني منك فـي حقـي قليـل=حرام ترميني علـى درب السيـول الجارفـه


تلعب باحاسيسي بعـد حملتهـا حمـلا ثقيـل=اثرك بليغ القـول وانتـه لالسـان ولاشفـه


وانا صمودي في زماني يشبه اصمود النخيـل=كم نخلـة بصمودهـا تمـوت وهـي واقفـه


لايالايالي فـي شقايـه تصنعيـن المستحيـل=والمشكله بـلاك ماتدريـن ويـش السالفـه


وانا اعرف انك يام عامر ماترديـن الجميـل=وانا بطبعي حاتمـي الطبـع وانتـي عارفـه


عزالله اني ماخذ المـده مـن ايديـن البخيـل=حيـث البخيـل انكـان مـد يمدمـده تالفـه


ضليت انام ابرغبتي واصحى على صوت الهديل=واليوم عيني والسهـر ودموعهـا متوالفـه


واصل السبب من جادلا لقى على قلبي دليـل=وقمت ارقابـه علـى روس الجبـال النايفـه


حتـى تلمسنـا الثرياواقتربنـا مـن سهيـل=قالت هذاك اسهيل قلـت زي ماانتـي شايفـه


والله لارقـابـك مـراقـي مايعديهاالذلـيـل=لوشافها تقصر به الخطـوه وريقـه ناشفـه


قالت عساك اتحبني مثل بثينـه مـع جميـل=وقلت اي واللي خلق خضر الغصون الوارفـه


اني احبك بجنون اخـس ولعـن مـن هبيـل=واموت فيك منـك يذبحنـي بـرود العاطفـه


لعبت معايه لعبت الشطرنج واضحتنـي قتيـل=ولياخيولي تسحب الخطـوه وهـي مترادفـه


وانكان ماهانت ولانت قمت واعلنـت الرحيـل=والذيـب ياخذلعشـاه مـن الشيـاه الطارفـه


بس الصحيح انه حبيبي قلب وضلوعي تشيـل=متوافقيـن بكـل شـيءالا الـرؤى متخالفـه[/POEM]

رد: صــــــوت العاصـــــــــفه
 

رد: صــــــوت العاصـــــــــفه
 

رد: صــــــوت العاصـــــــــفه
 

صح لسانك
قصيدة رائعة من شاعر كبير

رد: صــــــوت العاصـــــــــفه
 

صح لسآاانكــ ..
قصيدة راائعة ..

رد: صــــــوت العاصـــــــــفه
 

رد: صــــــوت العاصـــــــــفه
 

أهلاٌ,وسهلاً بالشّاعر عبيدالله المجيريشي
وصح لسانك يالجزل
ــــــــــــــــــــــــــــــــــ
خلف الثمالي

رد: صــــــوت العاصـــــــــفه
 

رد: صــــــوت العاصـــــــــفه
 

رد: صــــــوت العاصـــــــــفه
 

اخوي
ابو عبدالرحمن
ثنائك واطرائك شهاده
اعلقها على جيد تاريخي الشعري
وعلم اخي الكريم انكم انتم اجنحة الابداع
الذي احلق بها في سماءه ولولا هذا الدعم
والمؤازره منك ومن امثالك من الشعراء لماوصلت
الى المبتغى اخوي كلمات الشكر والثناءلا توفيك حقك
حضورك يسعدني ويشرفني هذا الحضو الراقي الذي ترك هذه
البصمه الغاليه على قلبي ويكفيني شرف وقوفك على هامة قصيدتي
لاعدمتك