بسم الله الرحمن الرحيم
لعلها فرصه سانحه أن نبارك وأن نذكر فضل أولي الفضل
ابارك للخال الأستاذ/ عبدالمعين بن عبداللطيف بن مسعود على ما وهبه الله
وجعله الله من مواليد السعاده وأقر به عينيَّ والديه
وإني من غير مبالغه أحتسب ابناء هذا الرجل كأخواني فهذا ليس بخالي فقط بل وإن لم يكن خال فهو معلمي وهو من أكثر المؤثرين في حياتي
وكانت هذه الفرصه التي تجمع بين ثلاث كلمات مبروك وشكراً وآسف

مبروك على المولود
وشكراً على مافعلته من أجلنا
وآسف على المتاعب والتقصير في الشكر

[POEM="type=1 bkcolor=#FFFFCC color=#330099 font="bold medium 'Segoe UI', Tahoma, Verdana, Arial, Helvetica, sans-serif""]
ياخال في صدري توزّى ترى خال=منّه عرفت أنّه مكانك بلا شك

لك واجب(ن)عاظم وكالجيش قتّال=دَكْ الفكر غاشم وأنا قاوي الدك
مبروك ما جالك من الجال للجال=مبروك خامسهم عسى يفتخر بك
سُك النسل بالطيب ياطيّب الفال=آسف نسيت الطيب منكم بينسك
مبروك تعداد الغلا كل ما حال=بين الحبايب والغلا دايم(ن) لك
مبروك يا كتف(ن) تعب كل ما شال=عني ثقيلات الزمن كاره العك
حطيتني يا خال من حسبة عيال=وعلمتني باب الأدب كيف ينفك
كم شلت همي دوم حطيته عقال=يرضى عليك الله وابوك وامك
كلك محاسن بس لو هالشعر طال=عليك أُحسد خلني ساكت أبرك
وهذا سبب والآخر بكل الأحوال=أخاف أفشل ينقص القول كلك
جيتك أبارك دامني صافي البال=وأقول باب الماض ماهو بمنصك
لأحد(ن) يقول الذيب يا ناس ماقال=هذا أبو ثاني بلا ريب أو شك[/POEM]

بيض الله وجهك يالذيب انت وخالك
الف الف مبروك على المولود

والنعم فيك وفي خالك
قصيدة جميلة... ويعطيك العافية يالذيب

صح لسانك يالذيب

وابو خالد يستاهل المدح والاشادة

وسمو اخلاقه لايحتاج من احد شهادة

مبروك لك ايها الاخ المولود ورزقك بره