ناقتي ياناقتي(الفراعنة)
 

قصيدة الشاعر ناصر الفراعنة في شاعر المليون

لله دره

[POEM="font="Simplified Arabic,5,white,bold,normal" bkcolor="transparent" bkimage="images/backgrounds/66.gif" border="double,10,burlywood" type=2 line=0 align=center use=ex num="0,black""]
ناقتـي ياناقـتـي لاربــاع ولاسـديـس=وصليني لابتي مـن وراء هـاك الطعـوس
حائلاً رابع سنه من خيـار العيـس عيـس=خفهـا لادرهمـت كنـه بالنـار محسـوس
في دجى خالي خـلا لاحسيـس ولانسيـس=تنوخذ من شدة البـرد طقطقـة الظـروس
في عيوني يكفخ الطيـر ويطيـح الفريـس=وانتهض جساس من دون خالته البسـوس
وفي خفوقي فرخ جنيتاً يضـرس ضريـس=يوم اوردها هجـوس واصدرهـا هجـوس
ديرتي دار ابن ضاري وابن غثلـم جريـس=ديرة اللي دوجوا في فيافـي نجـد جـوس
ديرتـي يابنـت شيخـاً ومعدنهـا نفيـس=عيطموسـاً دونهـا دثرتنـي عيطـمـوس
جادلاً مطرق جسدها مـع الغربـي يميـس=طينتاً من تربـة الخلـد والـدم محمـوس
نقشت خمساً من الخمس في يوم الخميـس=ليـت شعـري مـا ارادت بهـذا دختنـوس
كـم تمنـا إن معـه مثلهـا فتنـه بليـس=كان يمكن قد قلب نصـف إمتنـا مجـوس
كن دماث الصدر منهـا كنيسـه او كنيـس=صومعة رهبـان ديـراً يـؤدون الطقـوس
آتقـوس مـع تقـوس نواهدهـا وإقيـس=قبتين قـاب قوسيـن قوسـاً جنـب قـوس
خصرها يحكي لنـا واقـع القـوم التعيـس=وردفها عن غطرسة بـوش يعطينـا دروس
وبالرغم من قصرهـا مايجالسهـا جليـس=تصبح أطول نسوة الارض في وضع الجلوس
العروسه ماتبي غير ابـو تركـي عريـس=العروسه نجـد ماهيـب حـي الله عـروس
نجد بنت المجد ونسـة مونسـة الونيـس=ماعسفها الا معزي ضحى اليـوم العبـوس
كل اهل نجد هلي من إجاء حتـى الخميـس=في ذراهم بالتجي عـن مجففـة الرسـوس
وعيشتي مابين أسوداً ولـو مانـي رئيـس=(خير من كوني رئيساً على شلقـة تيـوس)
وليس عيباً إن خدعني بمكـره كـل هيـس=لان مايفهـم بمكـر الهيـوس الا الهيـوس
مصطفى في مأدبـة عمـه البابـا لويـس=كبر اللقمه تحـت ضـؤ حمـراء الكـؤوس
وطسم حدتها على حائـط المبكـى جديـس=يوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـس=دونها سمر الحناجـر بترهـا حـد مـوس
قسقسـة لاحرارهم.قيس.قيس.قيس.قيـس=والبستهم مـن مهانتهـم انـواع اللبـوس
بين خدعة كعـب اخيـلاً ومولـد ادونيـس=درسونـا الالهـه والمـدرس هـنـا روس
ويش لاقوا من قناة السويس اهل السويـس=وويش لاقوا من تلمسان قوماً من سنـوس
كلهم من شـدة الجـوع راحـوا خندريـس=بين غيبوبة مخدر وصحوة عـرق سـوس
ثـورة راحـوا سببهـا بتـوع الاتوبيـس=وش نبي فيها وهـي ماتهـز الا الغـروس
آفة المرء اثنتان الف كـاس وحـب كيـس=والنفوس اليا بغيت اتعرفهـا ارم الفلـوس
ينكشف زيف الشعارات الى حمي الوطيـس=ترجع الاذناب إذناب وتبقـى الـروس روس
صدق لاقال العرب مايحـوص الا الخسيـس=ولايوط الروس شئياً مثل ضعـف النفـوس [/POEM]

رد : ناقتي ياناقتي(الفراعنة)
 

صح لسانه
شكلك تدور لبايش

رد : ناقتي ياناقتي(الفراعنة)
 

صدق لاقال العرب مايحـوص الا الخسيـس
ولايوط الروس شئياً مثل ضعـف النفـوس



مبدع ويستاهل المليو ن والبيرق



مشكور يالبشة

رد : ناقتي ياناقتي(الفراعنة)
 

عافاك الله يالبشه على النقل الجميل
صح لسان الشاعر وفاله البيرق

رد : ناقتي ياناقتي(الفراعنة)
 

ماشاء الله عليه....ان اتوجس من هذا الشاعر خيفه...خصوصا يوم قال من كثر ما الواحد محسوس يحس انه ملبوس.

رد : ناقتي ياناقتي(الفراعنة)
 

الله يعطيك العافيه

على النقل

رد : ناقتي ياناقتي(الفراعنة)
 

لقد اعجز النقاد ... شاعر .يستحق الاعجاب والاحترام .

وانا ارشحه للبيرق والمليون ... ويستاهل . بجدارة

رد : ناقتي ياناقتي(الفراعنة)
 

صراحة مبدع ومثقف الى حد كبير

ويستميل الجمهور غصب

ويستاهل أن يصل الى مراحل متقدمة من البرنامج

لكن في المراحل القادمة أتوقع تكون المنافسة صعبة

كل ما أتمناه من المسؤلين عن البرنامج أن يرتقوا بذائقة المشاهدين

بعيداً عن المجاملات التي بدت تطغرى على مجريات البرنامج

ومشكور يالبشة على النقل
كأنك كنت تعرف وش نفسي فيه وحققته

لان مثل هذي القصيدة لا يكفي أن تسمعها فقط

رد : ناقتي ياناقتي(الفراعنة)
 

بن سلمان
اليزيدي
ثمالي برشلوني
محمد بن حميدان
عثمان الثمالي
الوادي
سنا الهجرة

شكراً لكم جميعا على المرور والتعليق والشاعر الفراعنة أكبر من تقييم اللجنة له وهم برغم اشادتهم بالقصيدة
التي قدمها الا أن بها جوانب جهلها بعض الأعضاء وخاصة الدكتور غسان الحسن والا لربما يكون له موقف آخر من الشاعر وخصوصا لوفهم معنى هذا البيت:
وليس عيباً إن خدعني بمكره كل هيس* لان مايفهم بمكر الهيوس الا الهيوس
وحسب تحليل اللجنة للنص يبدو أن أكثر من سبر أغوارها بدر صفوق .
والله أعلم.

رد : ناقتي ياناقتي(الفراعنة)
 

هليل العتيبي سبرها قبل بدر صفوق