قصيدة جميلة جدا تصف حال الأمة للشاعر فهد..
 

هذه قصيدة للشاعر / فهد عواد المطرفي العنزي
في وصف حال الأمة ...
الشاعر أنتقل إلى رحمة الله عصر أمس الثلاثاء 2/1/1430هـ
أثر حادث مروري أليم تعرض له
دعواتكم له يا أخوان بالثبات والرحمة ...
.
.

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياعم .. يالعيـاااار .. يابـو دلامـه=ليتك تعيش تشاهـد أوضاعنـا الحيـن

تضحـك علينـا ليـن يـوم القيامـه=صاحيـن لكـن عدنـا مستلجيـن

نركض ورى الدنيا ركيـض النعامـه=وعند الشدايد ندفـن الـراس بالطيـن

لاقلت مسلـم .. قيـل يعنـي أسامـه=منهو أسامه لجل يوصف بـه الديـن

هـم مـادرو بأنّـا وصلنـا الرخامـه=أخبارنـا صـارت سخافـة عناويـن

التوت .. يغتال الكرز في منامـه=صياف شن الحرب مع تركي الفين

باسكال تسرق لحن .. راغب علامه=فاصـل غنائـي آه ياليـل ياعيـن

نعـود للموجـز نقـول بختامـه=هذا خبر عاجـل لفا مـن فلسطيـن

الدوخـي يعلـن للهلال انضمامـه=عفواً . خبرنا صار مو من فلسطين!!

شكراً .. لكل واحد عطانـا اهتمامـه=نعود معكـم لأغنيـة .. ليـل ياعيـن

شفتو شكثر هالغرب يخطـيء كلامـه=شفتـو شكثـر حنـا غدينـا سخيفيـن

شفتو شكثر قاسـي علينـا اتهامـه=يحسبنا كل ليلـه سهـارى مصليـن!!

مايدري انّـا حـول فاتـن حمامـه=نوصف جمال عيونهـا .. والفساتيـن

ولاهي غريبه .. قبلنا أهـل العمامـه=شيابنـا بغمـزة ( سميـره ) موليـن

أريـام .. أم الغنـج .. والإبتسـامـه=صـارت قضيـه مشغلـه هالملاييـن

تدرون عاد المشكله مـو اسامـه=ولاهـو اعجـاب العـرب بالمغنيـن

المشكلـه أكبـر وأكثـر .. ضخامـه=المشكلـه حنـا بليـا مضامـيـن

أرخص ماعند اليعربـي .. إحترامـه=قلي شلون أعطيـك الاثبـات هاللحيـن

عطه ( الطراق ) .. يقول حب وكرامه=ثنّ (الطراق ) .. يقول أهلين وسهليـن

وتقول لي ( بغـداد ) راحـت ندامـه=ياخيّ جاني علمهـا عـام ( تسعيـن )

ماهـي غريبـه لافقدنـا الزعامـه=بس المصيبه نفخر بحرب .. حطيـن

بعنا الكرامـه .. وأشترينـا السلامـه=نبي نفوز بشي .. فزنـا بـولا شيـن

هم وهمونا أن السـلام ( الحمامـه )=صرنا حمايم .. بس صـارو شياهيـن

يكـاد هالإنسـان يفـجـر أمـامَـه=من كثر مايسأل .. متى نوفي الديـن؟!

تظهـر علامـه .. وأتّخفـى علامـه=ملايكـه تقفـي .. وتقبـل شياطـيـن

ومن قال لك توه زمـان القيامـه=قله : طريق الشام .. سـووه سيديـن[/POEM]


منقول عبر الايميل...

رد: قصيدة جميلة جدا تصف حال الأمة للشاعر فهد..
 

مشكور أخي أبو عبدالعزيز على الموضوع

رد: قصيدة جميلة جدا تصف حال الأمة للشاعر فهد..
 

رد: قصيدة جميلة جدا تصف حال الأمة للشاعر فهد..
 

يعطيكم العافية على حسن الاختيار يا بن حميدان

الله يرحمه ويغفر له