لا بأس
 

خذ الفرح من عالمك وأطرد اليأس
.وأسخر من أفعال البشر بإبتسامه

لاتشتكي همك وحزنك على النـاس
أدفن خيال الحزن لجل الكرامه

ماكل رأس ينثني صار ينبأس
ؤلأ كل فزعه نعتبرها شهامه

في كل نفس هناك وسواس خناس
يحد لك مع كل طيحه سهامه

لا يتعبك فكرك معا كل هوجاس
ؤلا يأخذ حزنك وكثر الملامه

لا تخلط أنواع المقادير في كأس
واحذر من اللي ما يثمن كلامه

الناس يستر عيبها قطعه لباس
ؤالرجل يستره الحيا و احترامه

إن ما تدوس ألحزن يأخوك تنداس
واليا أنطفى نورك تعيش بظلامه

النجس ماهو دائم بوسط الأجناس
قسم على حسب المقال و مقامه

والفكر خله بين قدر ومقياس
لا يصول الإفراط أو انعدامه

الحزن ماهو شيء ومجرد إحساس
الحزن يعكس بك شعور الندامه

تحس بأنك شخص ضائع ومنحاس
نتيجة إحساس الألم وانسجامه

لا بأس هاذي. تعني انك بك البأس
كلمة تدل إن الحزن له علامه

يذلك الحزن.وكذا تثني الرأس
لنك أساسا لا صبر لا استقامه

العجز ناتج عن شعورك بالأفلاس
ضعف الرجل يفرض عليه انهزامه

صبر الرجل يأخوك يبنى على ساس
ايمانه بربه....... وحسن التزامه

راحت سنين.. لمت أفراح وأتعاس
والله يجيب.... المقبله بالسلامه

عشنا ولا ندري متى لفض الأنفاس
و يارب تسترنا..... بيوم(القيامه)

رد: لا بأس
 

يا الله إنك تسترنا يوم القيامة

صح لسانك أيها السلطان

جرس السين ما زال يهوجس في رأسي

لا عدمناك أيها المبدع

رد: لا بأس
 

صح لسانك يا سلطان الحرف وملك الكلمة ..

دايماوالإبداع حليفك ..

شكرا لك وتقبل مروري .

رد: لا بأس