|
المرقاااااااااب
مدري هو حلم والا علم لكنها جاتكم وخذوها كما جات
[poem="type=1 title="blue" font="bold medium Tahoma, Verdana, Arial, Helvetica, sans-serif""]البارحة عديت فالمرقاب من بعد الزوال=امد شوفي للتخوم وللسهول وللفجاج احرجني الواقع وانا ماحب عسرات المنال=من صغرتي عندي على العسرات طنخه مع مزاج ومديت شوفي للبعيد وللقريب وللظلال=واشوف لي عجه تحوس الارض يقفاها عجاج واشوف لي عود يميل وعود يابس باعتدال=واشوف لي راعي جحيش ومن حواليهم نعاج واشوف لي حصني يسوق الذيب في درب الحلال=اليا اعتلى الصايح يخالفهم على زرب الدجاج واشوف لي ضيف حشيم في وسط مجلس دلال=كل اليدين تمد فنجال الغلا له بابتهاج في عينه اليمنى اشوف الصدق وحبال الوصال=وسهوم غدر فاليسار ومن تحت حد الحجاج واشوف لي ضول على مدالنظر واسمع جدال=واثره حصان الشيخ طاح وعارضينه للحراج واسمع مقفي يقول للمقبل فلايسوى ريال=واسمع صياح المشتري يقول يالله الخراج والد لبيوت العرب واليانها مثل الجبال=وان جات عيني للجبال اشوفها مثل الزراج واشوف لي شايب ينبث بالعصاحوله عيال=والعالم الله ينصح الجهيل عن درب العواج[/poem] |
رد: المرقاااااااااب
واشوف لي ضيف حشيم في وسط مجلس دلال *** كل اليدين تمد فنجال الغلا له بابتهاج
في عينه اليمنى اشوف الصدق وحبال الوصال ***وسهوم غدر فاليسار ومن تحت حد الحجاج ما شاء الله عليك يا شاعرنا النادر .. ما تجيب ألا النوادر والفرائد ... وإن شاء الله ما تجي بين الطيبين سهوم ..ولا حرب نجوم ... تشرفت بأن أكون أول من رد على (قصيدة المرقاب).. وما أدري وين مرقابك اللي (وقت)ونظرت منه ..وشاهدة هذه المشاهد المروعة !!! اليوم المرقاب ..ويمكن غدا ( الساحة) ! والله يستر وش يجي بعدها !! لا زلتُ أتساءل عن غياب عميد منتدانا حسن عابد ..أين هو ؟ على قول اللي ما ظنيت إنه عادل ولا إيمام ( العملية كبرت يا رجاله ) !!!! |
رد: المرقاااااااااب
صح لسانك شاعرنا المبدع / أبا عماد
رائع في وصفك بديع في جمال ألفاظك قصيدة مكملة للحراك الحاصل في الواحة لا عدمناك |
رد: المرقاااااااااب
اقتباس:
هلاااااا بالنجم الجنوبي دايم قراءات شعراء المحاوره مختلفة تقوس المستفيم وتنقط المتصل الجميل دائما انك في الطليعة فلك الشكر على كل هذا العطاء اسأل سنا عن حسن فربما لدى جهينة الخبر النادر |
رد: المرقاااااااااب
الغايب حجته وياه ..كما يقولون ..
والله يستر لا يكون في غيبته : يحوس ويدوس ..ويذكي ويعالج ..ويجيب لنا مطمّه ! واشوف لي شايب ينبث بالعصاحوله عيال!!! أعيش وأموت ..وأعرف من هو ها الشــــــــايب ؟؟؟؟؟؟؟؟؟؟؟؟؟؟؟؟ |
رد: المرقاااااااااب
اقتباس:
صح بدنك طال عمرك على الطاعة الحراك اخشى ان يتحول الى ربيع ثم تتساقط الاوراق تباعا المهم عندي انها اعجبتك حتى لو مادمغتها بالازرق النادر |
رد: المرقاااااااااب
اقتباس:
ياويه ياسهيل لاحجه ولا صك واشوفك تلحن على قصة قريتها لك بس مدري وين اسلم لي عايش الشيبان واجد ويمكن اولهم انا ههههههههه النادر |
رد: المرقاااااااااب
اقتباس:
الله الله لله خطير يا النادر خطير حتى في صيدك خطير أشوفك لم تستخدم الخرازة في صيدك > بل إستخدمت السوجن تذكرت حرب الخليج الثاية واستخدام الـ بي 52 اللي يقولون إن عبوتها تكفي لحرق 2 كيلو طولاً في نص كيلو عرضا إن كانت حلم فـ مفسرين الأحلام يقولون إنفث عن يسارك ثلاثاً وتعوذ من شرها ولا تعلم به أحد ولا تفسرها لنفسك وان كانت علم فهي واضحة ولا تحتاج لتفسير ولا تعبير. صراحة كنت بقتبس جزئية معينة من هذا النص لكن خشيت أن يساء فهم ما سأقتبسه فأقتبستها كاملة وهي تستحق ذلك في سبكها وحبكها صح لسانك يالنادر .. مبدع في كل حالاتك |
رد: المرقاااااااااب
صح لسانك يا بو عماد
إتصلت في الشيخ الرويس مفسر الأحلام في قناة المرقاب وقال إنها أضغاث أحلام ونصح إن الواحد ما ينام وهو مثقل في العشا وخاصة روبيان الشرقية وأنا أقول يالله عسى خير من هالحلم ومديت شوفي للبعيد وللقريب وللظلال واشوف لي عجه تحوس الارض يقفاها عجاج هذا البيت سبق تحذيرات الدفاع المدني عن موجة الغبار الباردة بدء من مساء الأربعاء اللهم إني أسالك من خيرها وخير ما فيها واعوذ بك من شرها وشر ما فيها |
رد: المرقاااااااااب
اقتباس:
ما عليك من أسئلة سهيل يابو عماد أسئلته واجد والفائدة الله أعلم بها مرة يسأل عن المرقاب ومرة عن حسن عابد .. ومره يسأل عن الشايب >> وهو ناسي نفسه ههههههه |
| الساعة الآن 04:57 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by