بــعرف ليه يــايمـه جبتيني مع هــالنـــاس
ابعـرف ليه ولدتيني وانت أدرى بمعاناتــــي

أنا جيت في زمـن مـاهو زمنــي من الأسـاس
زمن كـذبه ..زمن خـدعه .. زمــن عيا مجاراتي

بــعرف ليه هالعالم يفرقهم شخـص وسـواس
شخـص سيــد .. ولكنه من أسيــاد التفاهـــات ِ

نزفت الدم .. نثرت الهم .. قتلت احــــساس
بكيت اليــن ماغرقت مع دمـعي وســاداتـي

وفيت لنــاس يايمه .. وفا ماله ابد مــقيــآس
وقفت معهم..ولافي يوم قدرو لي وقفـــاتي

لاتتعجـبي يمــه .. يقولو ان العـرق دســاس
عدو ياقف بــوجه الطيب..ولاهمـــه معاداتي

خـوي يكذب..صديق ينهب وهو جالس مع الجلاس
صـرخت بــ آآآآه مـسموعه .. ولا ســامع لصرخاتي

دخيلك يمه ضمـيني .. أنا خـايف من الهوجـآس
أبي اسمع صدى صوتك.. واهمـس لك بضحكـاتي

خـذيني بحضنكـ الدافي .. وطـفي شعلة النبــرآس
أبي يدك على خدي .. تجــي تمسح لي دمعــاتي

بسافر لجفنك الخــآفي.. وبدفى بصدرك الحـساس
برحل في بحـر عينك عــساها تطووول رحـلاتـي

أبغفى في طهر روحكـ .. ترى صدري ملاه اليأس
عساها غفوه في حضنك..تـقصر لي مــسافاتــي

أنا أفدى كل حبة رمـل باأقدامك الطـاهره تنـدآس
أذا كنت أبي الجنه.... فتحـت رجليك جنـــآتي ..

الواثقه .. صح لساااااااانك
بوح رقيق وشاعري جداً
نلمح في ثناياه معاني الصدق المحمل بأولوان المعاناة
أنا أعتبرها بدايات جميله .. ينقصها القليل من الاهتمام من ناحية الوزن
وبعض الكلمات التي تحتاج الى النظر في صياغتها من جديد
لكي تخدم النص والفكره بشكل أكثر دقة
وهذي لا تأتي الا مع الممارسة والخبرهـ

تمناتي لك بالتوفيق

صح لســـــــــــــــــــــــــانك ملايين
واثقة الخطى

ليس لدي علم بأوزان الشعر ,,,
لكن احاسيس جميلة وصلت للمتلقي

استمري بالإبداع
ننتظر جديدك دوماً,,

احســاس مرهف وبوح جميــــل

استمري فعين الله ترعــاك