منتديات بلاد ثمالة - شاعر الثقلين

ليلةٍ ما بيـن مسفـر وابـن عمـه مقيـم(1)
العرب مـن هولهـا صلّـوا المغـرب عصَـر
يـا مِقِيْـم ابسألـك عـن مُقـيـمٍ مستـديـم
ما ذكر فـي يـوم صلّـى صلاتـه مـا قصَـر
ووش وزيرٍ فاق في سلطتـه سلطـة زعيـم؟
وهـم رعايـا الدولـة الواحـدة فيمـا ذُكِـر
يـا مقـيـم ابسـألـك راحــلٍ والا مقـيـم
قـال :ألا راحـلٍ قلـت: وان قلنـا: صـبَـر
قال: ما بـاقِ ألا أنـا قلت:وافهـم يـا فهيـم
قال: بإيدي لا بيدْ عمـرو يـا شاعـر مُضَـر
لي عـن أهـل الخيزرانـة صـراطٍ مستقيـم
قلت:بـرّ وقـال: ألا بحـر وامـحـق بـحـر
غصـن زيتـونٍ للاطيـار مـن فوقـه رنيـم
باتـرك الورقـا تغنّـي عليـه :اسمـر عبـر
ولا تعيـش الرمّـة الا علـى الشـيّ الرميـم
كالطيور اللـي علـى اشكالهـا توقّـع حـدر
النوَر تشبه بعَـض والطبايـع (سيـم سيـم)
ولـو تغيّـر اسمهـم .. النـوَر تبقـى نـوَر
ولو بهم واحـد فقـط مـن طبايعهـم سليـم
كان ما صار اسمهـم _عندأهـل مصرٍ_غجـر
احمد الله ضربتي مـا تجـي الا فـي الصميـم
وكلمتـي وحـده ولكنّهـا تـسـوى عـشـر
قلت:وسّـع خاطـرك خابـرك دايـم حلـيـم
مـا تـهـزّك كلـمـةٍ جابـهـا وجــهٍ ودر
الحليم اليـا سمـع هرجـةٍ جـت مـن لئيـم
ابتسم .. وشلون أجل لا سمعهـا مـن بـزر!!
انتبه تزعـل . تـرى أسعـد أيـام الخصيـم
يوم يلقـى للزعـل فـي وجِـهْ خصمـه أثَـر
ب(جاه ربي) باطلبـك ثـمْ بجـاه بـن اليتيـم
قـال كـلا ألـف فـي ألــف كــلا لا وزر
يـا مقيـم أرجـوزة البغـي مرتعهـا وخيـم
وقبّـة الطغيـان مهمـا علَـت ترجـع قـبـر
قال:سين (انت ابن من في الرجال) وقلت :جيم
( ابـن مـن لا أنجبـت حُـرّةٍ مثلـه ذَكَــر)
لي مـن الأمجـاد مـا فـاق آفـاق السديـم
ولـي مـن الطـولات مـا لا تطاولهـا بشـر
قال:طيّب .وش تبي في شـرابٍ مـن حميـم؟
وكـلّ قـدٍّ مـن قبُـل صـار قـدٍّ مـن دبُـر
وش تبي فـي خمّـةٍ سمّـت الباشـق عديـم
لا نخوا سلتوحهـم جـاك مـا صـدّق خبـر
يا مقيم أدري بكـلْ شـيّ انـا مانـي غشيـم
وادري ان اسمـي لهـم صايـرٍ علّـة نـحـر
وادري اهل الكهف هـم نفسهـم أهـل الرقيـم
بسّ مالـي مـن ورا كشـف عورتهـم أجـر
عـورةٍ لـو خيّطـوا فوقهـا سلـك البـريـم
بيّنـت كالشمـس والساعـة الوحـدة ظهـر
من دعى لـه والـده بيـن زمـزم والحطيـم
ما يهمّـه سيـل أهـل الحسَـد مهمـا كبـر
ما انقطع لي في (هوازن) وصَلته فـي (تميـم)
ولا يمـوت احـدٍ ولـه كاتـبٍ ربـي عـمـر
القهر مـا هـوب هـذا .. ابـك والله العظيـم
ما مثل قهـر الرجُـل مـن بنـي عمـه قهـر
كـم ولـدٍ عـمٍّ لـو آجيـه ظميـانٍ سقـيـم
مـا سقانـي شَرْبَـه ولـو ترجّيتـه شـهـر
احمـد اللـي عزّنـي مـن وانـا ورعٍ فطيـم
عـن مثـل هـذا وعـن كـلّ مبـدولٍ غبـر
اقطـع الفرجـة لحالـي مـع الليـل البهيـم
يوم ولد اللاش ما فاخـت أمّـه لـو .. شبـر
للهمـم ربـي خلَـق _يـوم يخلقهـا_ هميـم
وللقمم يصعد مـن القـوم كـلْ صاعـد نظـر
بالألـف والـلام والميـم لـي صـوتٍ رخيـم
يوقـظ النايـم قبـل يـذّن الـمـذّن فـجـر
شرهة (الروح بن مريم) على (موسى الكليـم)
والردى في أهـل الـردى لا تـدوّر لـه عـذر
حسبي الله فـي رجـالٍ مـن الداخـل حريـم
وضعهـا دايـم خطيـرٍ ولا منـهـا خـطَـر
مثل ابو وجهين ما شفـت فـي العالـم عقيـم
لا انكشف أفلس مـن اثنينهـا بطـن وظهـر
يا كثر ما جنّـةٍ فـي الأصـل كانـت جحيـم
وكم كسر سـاقٍ إلـى زاد عـن حـدّه جبـر
ما لنـا ألا الظاهـر .. وبالخفايـا الله عليـم
سنّـة الله ليـن يـذن حمـارٍ فــي هـجـر
ويـش ترجـي مـن عتـلٍّ بعَـد ذلـكْ زنيـم
سنّـة الله ليـن يـذن حمـارٍ فــي هـجـر
ووش لـي بهمـاز لمّـاز مــاشٍ بالنمـيـم
مع كثر ما يسرح الصبـح مـا ضـوّى بعَـر
حالـفٍ مـا دام لـي راسٍ يـشـمّ النسـيـم
ما اتلحّـق مقفـيٍ لا بِ(خيـر) ولا بِ(شـر)
جاهلٍ من يحسب (القدس) هي نفس (أورشليم)
كالسهل عكس الصعوبة وهـو عكـس الوعَـر
هيه لو صيد (البواشق) مثـل صيـد (الظليـم)
شفت في (البومة) عوَض واحدٍ ضيّعْ (صقـر)
لا وسيـم ألا وسيـم السجايـا يـا وسـيـم
والفقـر فقـر المراجـل إلـى قالـوا فـقـر
والدميـم الصـدق ياللـي تقولـون الدمـيـم
واحـدٍ يفخـر بماضيـه والحاضـر (صفِـر)
مَن يزاعل صاحبه لجْل يِرْضـي خشـف ريـم
لا تثق به لو فرَش لـك علـى السكّـة زهـر
ما انقطع رزقي ولـي فـي السمـا ربٍّ كريـم
ولا يضيق بي الفضا ولي عيون ولـي بصـر
من أقام النـار فـي يابـس العشـب الهشيـم
قـادرٍ أن يخـرج المـاء مـن حصبـا قفـر
كيف نشحذ والسما غيمهـا مـن فـوق دِيـم
عيب والله عيـب والشمـس مـا معهـا قمـر
ما يضيم بـن آدمٍ مثـل ضيـم الحـظّ ضيـم
من ردى حظـه وهـو مـا بعـد سـار يْعَثُـر
عزّتـي للـي سواتـي علـى وجهـه يهيـم
لا معـه حـظٍ يعيـنـه ولا عـنـده ظـهَـر
قلـت مـا لا قالـه العـود (لقمـان الحكيـم)
بالشعر .. بسّ أنّ حظي صفق بي فـي حجَـر
وغيري اليا قال كلمـة ولـو هـي حلـم نيـم
اكتبوا لـه مـن عظيـم الثنـاء مْيَـةْ سطـر
ورغم هـذا مـا تشائمـت والحـادث جسيـم
فـي رجـا نصـرٍ مـن الله ولا غيـره نصـر
من (خميس مشيط) ثمْ من (تبوكٍ) في (القصيم)
يـا كثـر مـا طـال ليلـي عليّـه يـا كثـر
غربةٍ تحـت السمـا .. غربـةٍ تحـت الأديـم
غربتيـن مــا لابــن آدمٍ منـهـا مـفـر
ما نوفّـي ربـع معـروف عـارف يـا مقيـم
خلّ عاد إنـي اجحـده والوفـا عـوده خضـر
قد حفظنا حقّ جربـوع فـي العصـر القديـم
فكيف ما نحفظ لـذي الحـقّ حقّـه يـا بشـر
ديننـا فـي صْحِيبنـا ذلـك الديـن القـويـم
ما نجي مع غِرّتـه يـوم ولـد الـلاش غِـر
ربّنـا لأهـل الوفـا حطّـنـا جـنّـة نعـيـم
وللردى واهـل الـردى حطّنـا مـوتٍ حمـر
بسمـك اللهم ذي الطَـوْل رحـمـنٍ رحـيـم
لا تخيـب واحـدٍ طـقّ لـك بإيـده صــدر
طالبـك يالله فـي كــلّ شيـطـانٍ رجـيـم
منـه لا تبقـي عليـهـا جـنـود ولا تَــذَر
يالله انـك لا تخلّـي علـى الدنـيـا ذمـيـم
ويالله أنـك تلعـن اللـي إلـى قفّـى غــدر
يـا مقيـم اليـا اجتمعنـا نديـمٍ مـع نديـم
مَن بظنـك يربـح .. ومَـن بظنـك بِيْخَسَـر
وجاه من أحيى بِ(غَيْمٍ) ومن أهلـك بِ(غيـم)
غيـر ركعـة تالـي الليـل مـا شـيٍّ يسُـرّ
فـي نهـارٍ ساعتـه مالهـا حــدٍّ و قـيْـم
لا انتصب منهـا صـراطٍ علـى حفـرة سقَـر
لا نجى سـاق السليـم وزلَـق سـاق الأثيـم
يـا جنـانٍ خضـر يـا ذات ألـواح ودُسُــر