|
بينت لك بيت القصيد
هذي القصيده قد يكون فيها نوع من الابتكار حسب نظرتي لها أتمنى من الشعار ذوي الخبره التعليق علي اسلوبها ووزنها ... للفائده وان ما عجبتكم توبه ما عاد أبتكررررررررررررررر شي وشاكر لكم مقدماً [poem="font="Simplified Arabic,5,black,normal,normal" bkcolor="transparent" bkimage="images/backgrounds/14.gif" border="groove,10,blue" type=2 line=0 align=center use=ex num="0,black""]بينت لك بيت القصيد ، وتزيد في بيت القصيد=تعاند امواج الزمن ، تراك منت بمستفيد تغيب ماعندك عذر ، حتى ولو عندك عذر=اللي عن عيوني بعيد ، أكيد عن قلبي بعيد أو ربما عذرك معك.. ولو حكيت أبسمعك=الله معك لو جيتني وان رحت ياعلك سعيد مادمت انا طبعي صريح.. بقوم مع حظي واطيح=ولا بجامل صاحبي ، الا إذا شفته بليد نصيحتي خل العناد ، منت بعلى قد العناد=ولا على مثلي وصي ، ولا المشاعر لك عبيد تدري وش اسباب الزعل ماني بقايل مفتعل=أنته تريد ، وانا أريد ، والله يفعل ما يريد ياصاحب السحر الحلال أنا معك في كل حال=والحل بيدك وانت عندي صاحب الراي السديد إن كان هجري ماتبيه والوصل عندك راس مال=ورضاي غاية منيتك ، رضاك عندي يوم عيد مايكفي اني بين اديك ، واني على ما فيك ابيك=لكن لو طاوعت شورك كان ماجيت بجديد الوقت يسرقنا ولا .... فينا على كثر النكد=لاصار نعشق بعضنا .. ليش العتاب أصبح وعيد لوكل واحد مننا .. خلا لما يهوى قيود=ماكان صار الحب يبن الناس فالرجلين قيد إحنا رسمنا دربنا ..... من قبل نغرس حبنا=واليوم خطوتنا سوى ... ماعاد يثنيها الحديد أنا وعدتك من زمان .. إنك معايه في أمان=وانك بلا شك واكيد .. أقربلي من حبل الوريد المشكله تفكيرنا .. أحيان ... يبعد بيننا=نخطي ونتصالح ....... ونرجع في خطانا من جديد طيب تبينا لا متى نبقى كذا صيف وشتا=إلى متى ياصاحبي نترك مشاكلنا تزيد ترى الزعل عقب الزعل حول مشاعرنا ملل=وش باقي تبغا بعد ما.. بينت لك القصيد[/poem] |
رد : بينت لك بيت القصيد
أمسينا وأمسى الملك لله
|
رد : بينت لك بيت القصيد
اقتباس:
انت كيف حالك عساك طيب |
رد : بينت لك بيت القصيد
ياسنا امسحها في وجهي وجاوبني على محكمتكم مع التكرن
وش الحكمة في ركز 2 من محكمة الغنم ال 4 ووش معنى مركوزة ( واحد بيتعلم علوم الرجاجيل ) |
رد : بينت لك بيت القصيد
اقتباس:
كنت أحسبك قبيلي أثرك مثل طرطش لي خخخخخخخخخخخخ هذي طال عمرك من علوم القبايل المركوزه: يعني على بلاطه كذا يحطونها على جنب اذا عقلوا التكرنه راحت سمايح واذا رجعوا لعلومه مره ثانيه يحملونهم الاوله والتاليه وسلامتك |
رد : بينت لك بيت القصيد
سنا الهجرة صح لسانك حبيب ألبي
|
رد : بينت لك بيت القصيد
هلا والله يابو تركي
ياخوي يوم اشوف معرف احس براحه نفسيه شكلك طبيب نفسي وانا ما ادري |
رد : بينت لك بيت القصيد
صح لسانك يا خالي...
والتقييم عند الخبراء... |
رد : بينت لك بيت القصيد
اقتباس:
ياسلاااام عليك ماشاء الله تبارك الله .. سنا الهجرة .. شاعر متمكن وراقي جداً وقصيده كهذه لاتحتاج منّا إلى تقييم أو إمتداح أو وزن . والخبير مثلك ياسنا الهجرة لايحتاج للأمانه إلى أهل خبره ليقيّموا أعماله للأمانه أنا فخور جداً بقلمك ايها العملاق وفخور جداً أنك هنا في منتديات ثماله وبأمثالك ترقى وترتقي مواقع الادب .. سلم فكرك وأطال الله عمرك . ولاتحرمنا من هذا الإبداع ايها المبدع . تقديري لك شاعري المختلف محبك / العرابي |
رد : بينت لك بيت القصيد
اخي سنا الهجره
عندي اقتراح تغير اسمك الي شاعر الشعراء وبيض اللة وجهك |
| الساعة الآن 02:42 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by