|
رد: أين أنت يا منقاش ؟
يا ليل يا عين , وهالحين دوبك يبو نقشه فهمت ويش سدك يا جبل وانت طول ليلك شاد حيلك وقاعد تفكر وتضرب الأخماس في اسداسها , مره في المخاوي ومره في سالفة جلود حمير الأهالي؟؟.
اهاهههه , هالحين دوبي اكتشفت سر المتاجره بالحمير , ودوبي اكتشفت سر الباكستانين اللي قبل كم من سنه كانوا وربما لا زالو ينصبون في الفخاخ والأشراك للحمير السايبه في حمى ثماله وفي وادي علق ,وينصبون على اهالي القرى اللي يمثلهم بينكم حليفنا العمده المقداد , وبعد تجميعها تجيهم اللواري والشاحنات الغريبه مع الناس المريبه ويحملونها وآخر ما جاء عنها ذمر والا طير عنها خبر. وللأسف كنا كل ما سألنا واحد من انصار القريه (ربع العمده المقداد) عن سر هالمتاجره المريبه؟, وليه على الأقل ما تثور عندهم الحميه والنخوه ويردون الباكستانين عن صيد حميرنا الأهليه اللي أصبحت وحشيه لا تكلفنا ماء ولا ضرمه ولو حتى لويه؟؟. وكانوا كل ما سألهم سائل عن سر هالسوق السوداء للحمير الوطنيه ؟, يجي جوابهم خليط من السطحيه والنقمه على حمير السعوديه والغفله عن ثروه من ثروات الوطن المعطاء والمواطنين الأغبياء اللي تخطف ثرواتهم من بين اديهم وهم فاتحين افمامهم ولا يدرون عن السالفه ولا عن العلوم المخالفه.. تدرون ويش كان جوابهم ؟ , يقولون : الظاهر أنهم يودونها لبدو الشمال (يعنون جماعة المخاوي) حتى يسقون عليها والا يحتلبونها ويشربون حليبها لعلاج القحيزبان , ويش انت خابر احد يبغي بالحمير ؟.. خلها عساها تخلي الين ما يبقى منها ولا حمار وينقطع عنا نهيقها اللي تهايط به من قفانا على ظهور هالحدبان , خلها عساها بالمحقه اللي تمحقها , هذي مسرفه ومتلفه وياكم سرت على مزارعنا وعلى خضرنا وقللت علينا بركتها على ما بها من قلة البركه , وياكم ديعت في قطرنا وحجرنا ووسط اوديتنا واغثتنا؟؟. شفتم كيف كانت تجي اجوبتهم ؟ , وهالحين نتفاجأ ودوبنا اكتشفنا انهم يهربون حميرنا من وسط حمانا وطرف علقنا لكوماهو الجاباني ونتنياهو الصهيوني ونحنا لا علم ولا خبر ويا غافل لك الله , وبعضنا بلغ يه الحال انه يتقحم البحار ويتكبد عنا الأسفار حتى يروح يدور عن فضل الله أما في اواسط آسيا أو افريقيا وبقية اراضي خلق الله وتارك ورا ظهره الثروه الوطنيه لشريطية السوق السوداء... اني ابو نقشه , وينكم يا المدافعين عن البيئه والحياه الفطريه ؟, وين الشيخ سلام ووين انصار البيئه ؟, ووين ابن همام داعية هدم المحاجي وتكبير الملاجي للحيوانات البريه والحمير الأهليه ؟, وين جمعيتنا الخيريه ووين اهل النخوه والحميه ؟ .. هاهاااااه , يقولون يبغون جلودها ؟, وامعورتك يا منقاش بالمعوره , يبون يشحنونها متن السفن ويعذبونها ويجوعونها حتى ما تصل الا هلاكى ما عليها الا جلودها لأنهم ما يبغون غيرها ؟؟. شفتم كيف أصبح مصير حميركم في مهب الريح؟. والختام , اره يا ربعي تكفون , من فضلكم بعد وصلت مافيا الحمير لعقر داركم ارفعوا هذا الشعار , لا لا لتهجير وتصدير الحمير بعد اليوم , وهو ما لقيوا عندنا شي قابل للتصدير الا حميرنا ؟؟, ما كفاهم انهم نهبوا الأرض وما تحتها وجاين هالحين يبون ينهبون اللي يمشي فوقها ؟؟. وان كان ولا بد فجحا اولى بلحم ثوره ونحنا اولى بجلود حميرنا ومستحضراتها الطبيه , والصهاينه واليابانيين ان كانوا رجال فنحنا رجال مثلهم وعندنا عقول احسن من حقتهم ونقدر نصنع من جلود حميرنا ادويه طبيه ومن مخلفاتها اسلحه نوويه , وخلوا سمننا يبقى ليديمنا وعسى الله يديمنا , وسلامتي وسلامتكم من بعدي..... |
رد: أين أنت يا منقاش ؟
اصبحنا واصبح الملك لله رب العالمين ، ولا حول ولا قوة الا بالله العلي العظيم ، ربنا افتح بيننا وبين قومنا بالحق وانت خير الفاتحين . |
رد: أين أنت يا منقاش ؟
..
............................ |
رد: أين أنت يا منقاش ؟
أخواني الأبرار , الشيخ سلام , سهيل , ابو عبدالرحمن , صادق , كاذب , المقداد , بغداد , نور الحق , اصبحنا واصبح الملك لله , سنا الهجره , الفرزدق , عزيز , رويعي الغنم , الشيهان : لا تؤاخذوني اذا ما علقت على ردودكم وخصوصا الشيخ صادق والشاعر سهيل اللي جايبين لنا في ردودهم رموز واحاجي مثل سجع الكهان ...
اما بخصوص اتصالي في هويد من الليل بقليل الخاتمه المخاوي اللي جاب طاريه في واحد من ردوده , فهذا صحيح في التوقيت وكذب في كل ما عداه , يعني الرجال جاب لكم صدقه يتيمه وحط معها مية كذبه خبيثه مثل وساوس الشيطان لساير الكهان في هذا الزمان وفي كل الأزمان .. والقصه بأختصار أني ترييت (حلمت) وانا اغط في حالي منامي في ساعه متأخره من ليل , ترييت وشفت فيها كما يوم يشوف النايم , شفت بعيد الذكر عنا وعنكم (المخاوي) وهو يسب ويذم في قذاة عينه وتاج راسه ابو نقشه , وما كان مني الا اختمشته مع زبزور ثوبه وتلابيب جلبابه بهاك الخمشه اللي ما تمناها الا لعدوك , ها ثم اني رفعته سما وارخيته ارض وخنقته حتى طفس بين يديه , الا وطالع عليه منه بعد طفس هاك الريحه المذويه اللي ما اشبهها لكم يا ربعي الا بريحة مغارة النيص والا الضربان صحتني من نومي . عودت أنفث على يساري ثلاث واطالع في الساعه الا وهي اربع قبل الفجر , قلت في نفسي هذا هو انت يالمخاوي حتى في سابع منامي ما نسلم من اذاك ولا قذاك؟, كنت اعود والتقط سماعة التلفون واصحيه من نومه واخزخز له الى يوم الخزخزه باللي قدرني الله عليه واعطيه من التصبيخ الشي اللي هناه وكفاه ... اما موضوع الحمير فكما يقولون ان الشيء بالشيء يذكر , وانا يوم قريت عن صفقة الحمير المصريه في مفكرة الأسلام أفتكرت مأسات حميرنا في حمانا وباقي ديارنا , وقلت في نفسي لقد آن الأوان لك يا ابا نقشه حتى تقرع أجراس الأنذار في آذان الحيين من ربعك لعلهم ان كان بقي فيهم حياه وبقي لهم نصيب يتلحقون البقيات من حلانهم قبل ما تخلى منها ديارهم ... |
رد: أين أنت يا منقاش ؟
انا اقترح يامنقاش ان تتولى قيادة مظاهره كبيرة انت وحزبك وتصيحون بالروح بالدم نفديك ياحمير
|
رد: أين أنت يا منقاش ؟
اقتباس:
عزى الله ما ربح الحمار ولا من ساقه يا مخاوي !!! |
رد: أين أنت يا منقاش ؟
أين أنت يا منقاش ؟
سؤال طويل عريض !! وستظل قضيةً يا منقاش في حضورك وفي غيابك ! |
رد: أين أنت يا منقاش ؟
مشرفنا وشاعرنا سهيل اليماني : حليفك الشيخ ينادي عليك مجيبا بصوت يعلو على جميع الأصوات ويقول لك , شبيك لبيك يا حليف بدر الدجى , الآ أنه يعتذر من الرد عليك بنفسه او على أحد من محبيه واخوانه ...
يعتذر منكم الشيخ بعد أن نفض يده من المنتدى ورفعها ملوحا بها عاليا في الهواء وداعا لكل غالي وقالي, وملتمسا من الجميع السماح والعفو فيما ذهب وراح , ومن لم تجد نفسه بالسماح فعليه بمداواة ما في النفس بالتي كانت هي الداء , وذلك بغيبة االباب العالي (الشيخ) التي وأن كانت خلة وخصلة مذمومة في جميع الموطن الا انها لدى الشيخ محمودة في هذا الموطن من بين كل المواطن فلعل في ذلك سداد من مدين مثقل بالديون لدائن ظن بالسماح على مدينيه..... ألا المخاوي فأن الشيخ لا يريد منه سماحا ولا يرجو منه صلاحا ولا فلاحا , وهو وراءه والزمن وراءه ما دام بالشيخ عرق ينبض, ولا شفاعة ولا منجا ولا ملجأ له من الشيخ مهما راوغ وفر من بين يديه , ولن يفلت الفويسقة من عدالة ابي نقشه حتى وأن وجده متعلقا بأستار الكعبة عائذا بالحرم بأشد الأيام حرمة من الأشهر الحرم ... |
رد: أين أنت يا منقاش ؟
الله يسامحه حي وحارة وميت .. ويوفقه اينما حل وذهب وحطت رحاله ..
سنظل نذكره ولا ولن ننساه مهما باعدت بيننا المسافات والحدود ! بلغه سلامي واحترامي وموجز كلامي .. صوته باذني وصورته قدامي ! والله ما ننساك يا منقاش لو كثرت اليوم المناقيشي وراك يا شيخ العرب تنحاش وتروح عند أهل الطرابيشي وداعا لكل غالي وقالي غالي معروفه .. لكن ( قالي ) كأنها غريبه يا رويعي ! أمتأكد أن الشيخ نطقها هكذا ؟ |
رد: أين أنت يا منقاش ؟
نعم !!
أين أنت يا منقاش ؟؟ والله ما ننساك يا منقاش لو كثرت اليوم المناقيشي وراك يا شيخ العرب تنحاش وتروح عند أهل الطرابيشي ان كان حي الله يوفقك أينما كنت !! وان كان توفاك الله .. ندعو لك بالرحمه .. ونذكر محاسنك والتي لا تعد ولا تحصى .. فهذا أقل شي نقدمه لك في غيابك .. |
| الساعة الآن 11:55 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by