|
قبلت السجن من كيفي لاجل مايسجن الأصحاب وقصائد أخرى
http://www.alqabas-kw.com/Temp/Pictu...af8555928f.jpg الشاعر عبدالمحسن المشاري يا كبر حظه بديت بسم أللي تعالى جلاله ؛؛؛ حسيب خلقه يوم كشف المحاصيل وشلون زينه أبدع بهذه السلاله ؛؛؛ من غير نقص ن بالأجاويد أو ميل ياكبر حظ أللي جالس في قباله ؛؛؛ أنا أشهد ان دنياه غنت مواويل وشلون عمه ماينبه اعياله ؛؛؛ لا أبطى على الصوت والا المراسيل سبحان ربي يوم أبدع جماله ؛؛؛ أصبح مثل يضربه الزين لا قيل عنقه وخده ويارسمت هلاله ؛؛؛ وخشمن يتحدى للسيوف المصاقيل وعيونه تبي وصفن كبيرن لحاله ؛؛؛ تضيع في وصف العيون التهاويل ومبسمه حلون وتزايد شعاله ؛؛؛ وان شافه المعسول شب القناديل وان قلت زينه جايبه من خواله ؛؛؛ ماشفت فيهم مثل زينه ولا جيل كل العذاري كلهن من فداله ؛؛؛ قربه نعيم وقرب غير بهاذيل وعسى أسمه دايم الدوم فاله ؛؛؛ وعسى عينه ماتشوف الغرابيل __________________________________________________ أبيك تشغلني وابشغلك فيني اخترت قلبك ما تخيرت غيرك ؛؛ ابيك تشغلني وابشغلك فيني وأبيك تعطيني من أقصى ضميرك ؛؛ حب يعوض ما بقى من سنيني قليل عطفك كافي عن كثيرك ؛؛ وشوفتك لو هي نظره تحتويني اخترت لقلبي وخليتني طيرك ؛؛ ابيك تحيى عشق وما تخليني بس المصيبه فيك ماهي بعشيرك ؛؛ انا عشيرك بس ما تستاهليني حبيتك انتي بس ما عرفتي مصيرك ؛؛ حبك لغيري جريمه وتقولي تبيني هذه الخيانه فيك والله يجيرك ؛؛ انا عشقت صح هو ليه بعتيني ياحيف والله وكثر الله خيرك ؛؛ ابي الكل يسمع انك خنتيني روحي بمان الله وتدلين سيرك ؛؛ وكل الخيانه منك وانا اعض الايديني وانا بحياتي اخترتك انتي ماتخيرت غيرك ؛؛ وكل الندم كله هالحين هو فيني __________________________________________________ بعيدة حيل والله ترى آمالك عن آمالي ؛؛ ولا مثلك يأثر بي ولا عشره من أشكالك اذا هالأرض منزلك أنا التبانه منزالي ؛؛ لو انك تنتحر والله ترى بالحيل أشوى لك __________________________________________________ قبلت السجن من كيفي لاجل مايسجن الأصحاب قبلت السجن من كيفي لاجل مايسجن الأصحاب ؛؛؛؛ لاني واثق بنفسي عسى ماخانوا أصحابي حرمت النفس من أم حنونه واقفه على الباب ؛؛؛؛ واشوف النفس مشتاقه ولكن قفل ابوابي يايمه احسب النيه سليمه في قلوب احباب ؛؛؛؛ دخلت من صمتي يسجن احبابي مساجين وقفوا فيني علامك وش هي الاسباب ؛؛؛؛ تلعثم فيني لساني وجبرت الاه باسبابي يايمه ما ادري اذا الصاحب هو الساحب ؛؛؛؛ يوهمني على صحبه واشوفه ناوي اسحابي سحبني يرتجف بيدي احس للكرم طلاب ؛؛؛؛ وأثاري نيته سجني يقول الطيب طلابي دخيل الله يايمه دخيله والحزن لاصاب ؛؛؛؛ يصوب فيني اقلامي وطوفه صارت كتابي يقولون السجن يرفع رجال مالها اشناب ؛؛؛؛ واشوف ان السجن ناوي يقطع فيني اشنابي شسولف والبشر قالوا شعار المسلمين ارهاب ؛؛؛؛ واذا شافوك متمسك بدينك قالوا ارهابي اجل وشرايج بواحد كسيته من غلاي اثياب ؛؛؛؛ عطيته كل غلا طيبي واشوفه قطع اثيابي يايمه والله هالدنيا يتيمه في موتت الشياب ؛؛؛؛ كثير اللي نسى طبعه وانا في طبع شيابي هداك الله يادنيا تعز اللي قليل اطياب ؛؛؛؛ ولعنك الله من صحبه تناست وقفة اطيابي وجلست اكتب على الطوفه مواقف قصة الاصحاب ؛؛؛؛ وفجأه صاحت الطوفه تلعن فيني أصحابي سنة 2005 __________________________________________________ والله وجيتي يالعنيده تخطين ؛؛ عقب الجفا والصد والهجر جيتي كلك أمل بأحلام عمرك تغنين ؛؛ وعلى اصدق رسوم المحبه بكيتي جيتي ندم من لوعة البين تشكين ؛؛ وانتي من أول للقطيعة سعيتي وش رجعك وانتي من أول تحامين ؛؛ حتى على أصدق من يحب انعميتي __________________________________________________ القلب بعد سنين حبك طعنتيه ؛؛ قصدك تذلينه عذاب ولعانه وياما تعلق في هواك وقتلتيه ؛؛ غدر وفوق هذا _ _ _ خيانه ودي أعرف اللي بدالي عشقتيه ؛؛ وشلون يصبح وسط قلبك مكانه __________________________________________________ ليا جيت أبيهم بالمناظر يهجون ؛؛ نعام تدفن روسها وسط رملي ياصاحبي ماهمني مايقولون ؛؛ يكفي لحالي شايلن كل حملي ياجعلهم في كل وادي يضيعون ؛؛ ويصير بنيانه علي حجر نملي وجعلهم وسط الرذايل يخوضون ؛؛ عند العرب نسمع لهم سؤ عملي ________________________________________________ ياطير يالي بالسما ما تملي ؛؛ تكفخ بريشك لين تلحق سحابه بلغ سلامي ثم عود وقلي ؛؛ وشهي علوم اصويحبي وش جوابه القلب من حر الذي فيه يغلي ؛؛ وده يشوف لاكن امرن عذابه يحول من دونه امامن يصلي ؛؛ متوعدن من يقربه بالحرابه ياطير حال الحول ماشفت خلي ؛؛ حسبي على اللي مانعه حد بابه حكم مايطلع ولوه يطلي ؛؛ واحرق هواء قلبي وزود عذابه ______________________ من أجمل ماكتب المشاري عن الحب سنة 2003 أدري تقول الحين عندي أخواني لا تنصدم لوشفت بعيوني الموت قبلك أشوف الموت داخل كياني ولا تكسر أغصاني لأجل تقطف التوت تكفى دخيلك حط نفسك مكاني والله ما ودي أنا أصير _ _ مبخوت من جد ماودي أنا أللي أعاني الحب كذبه والغلا سوق ياقوت يعني بلاش اللعب والعمر فاني تعبت أرتب لك من احساسي بيوت تعبت أفكر كيف قلبك نساني كل ما أحاول أتصل وأسمع الصوت أدري تقول الحين عندي أخواني ألعن أبو أخوانك اذا الشك مثبوت كني أشوف انسان جالس مكاني مومشكله تصنع من البعد تابوت مومشكله لو تعترف يا أناني تدري ؟ وش أللي يكسر القلب واموت اني أدش وياك في خط ثاني ________________________________ قالت احبه ღ... قالت أحبه قلت منو تحبين ؟؟؟ ღ ღ بالله قولي لاتزيدي عنــأيــــه ... ودي اعــرفـه زين واقلــده زيـن ღ ღ واعيــش عمــري كلــه انــت معايــه... ودي اعــرف وش بطبعــه توديــن ღ ღ بمشــي على طبــعه ولا انظــر ورايــه... وامشي على ذوقـه سوى زين أو شينღ ღ تقليــد محبـــــوبك هويــته هــــــوايه... قالت هـذاك اللي لــه القلب والعيــــن ღ ღ اللي نجــومه لامعـه فــي سمـــــايه... هــذا عايش تاج رؤوس المحبيــن ღ ღ وروايتــه بالحب اصــدق روايـه... هــذاك امــلك له وسام ونياشيــن ღ قلبــه كبيـر ومــالحبـه نهـــــــايه... صادق وماله فـي حيـاته شبيهـــين ღ ღ ثم قــلت منهــو فــارس احــلى حكــايه... قــالت هــذاك اللي وقف جنبك يمــين ღ ღ ثم التفت الين جنبي مــــرايـــه !!! تم غنائها من الفنان علي كمال الشاعر تعاون مع أكثر من فنان ومنهم عبدالعزيز الضويحي ومحمد المسباح ---------------------------------------------------------------------------- سر ياقلم واكتب الأبيات منقوشه ؛؛ بيوت شعر تشرفني معانيها للصاحب اللي يمد الطيب وينوشه ؛؛ من روس قوم على العليا مبانيها رفقة شرف ماهي بالتلفيق مغشوشه ؛؛ يسمع بها قاصي العرب ودانيها ______________________________ يلعن أبوبليسك جننت الناس سبحان من صور جمالك وحلاك ؛؛ عن البشر تفرق بكل الطروقي الشعر مثل الليل لامن تغشاك ؛؛ وضحك الثنايا مثل ضي البروقي الناس مجنونه على مشيت أخطاك ؛؛ يلعن أبوبليسك امشيت ذوقي يالله دخيلك من ردي الحظ وياك ؛؛ ويلعن ابو حظن بقربك طفوقي ياكثر ماتمني يجي يوم لقياك ؛؛ وياما سهرت الليل حتى الشروقي اثر نصيبي بالسهر بس ذكراك ؛؛ من دون شوفك العرب لي تعوقي الشاعر عبدالمحسن محمد المشاري |
رد: قبلت السجن من كيفي لاجل مايسجن الأصحاب وقصائد أخرى
الموضوع هذا مكانه المناسب الديوان الادبي .. لأن الواحة للشعر الخاص بالاعضاء
مع الشكر لك |
رد: قبلت السجن من كيفي لاجل مايسجن الأصحاب وقصائد أخرى
تسلم أخوي على هالإختيار الرائع قصائد جميلة الله يوفقك ويسعد أيامك :) |
رد: قبلت السجن من كيفي لاجل مايسجن الأصحاب وقصائد أخرى
مشكورين على المرور
مشكورين على الكلمات الجميله وبيض الله وجيهكم |
| الساعة الآن 12:45 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by