العلم الأكيد
 

[poem=font="Simplified Arabic,4,#000000,normal,normal" bkcolor="" bkImage="" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
مارحت انا عن مسار الصّح حاشا ثم كلاه=ماشي على الدرب طوالي وراعي مسلمينه
أحسب حساب المهدّي ان كنت مسرع في مقفاه=والمسرع اللي ورا الصدام أجنب عن حنينه
وشفيك ماتمسح الطبلون والمسرع تعداه=وتقول له هد يامجنون خلك في سكينه
والله انك وكل واحد من ثماله عندي أرفاه= واحشم ف قوله وفعله لجل ديني صار دينه
والإسم واحد وحنا ارحام مافيها محاباه=والعيش والملح عندي ما يروح ان راح حينه
من عم عوض لين فوزي الشاعر اللي كم فقدناه=وِمْن الرويعي ليا اصغر مَن وُلِد في ذي المشينه
تكفون يا ربعنا حنا جماعه لانجي اعداه=يشمت بنا القاصي ويبدا يزوِد في طنينه
واللي معه وجه فوق الوجه ناقف ثم ننحاه=وانعلمه بالسنع حتى يجيب اللي سمينه
هذا كلام الصحيح اللي تحبونه وانا اهواه=ما هو كلام الحسود اللي ملت قلبه الضغينه
واختامها كلكم صلوا على اللي نتْبع اهداه=الهاشمي احمد عدد ماتبحر بحر السفينه[/poem]

أخي أبو وليد:
بيض الله وجهك وعلومك وافية من وافي ونكتفي بماحصل من مساجلة مع أن
قصيدتي الأولى هي مجرد خاطرة ولكنك تشكر على ماخطت يمينك في هذه الرحلة القصيرة وصح لسانك ومانعدمك.

ماقصرت
 

بصراحة انت تجمع ماتفرق
مشكور

بارك الله فيك يا أبا عادل هي مجرد تسليه ولاتخلوا حقيقة من المعاني النبيله
والتي اضمرها للجميع

أخي الحبيب بن داخل أنت صرح شامخ في هذا المنتدى ليس فقط بشعرك ولاكن باخلاقك وردودك المحترمه اشكرك من كل اعماق قلبي


بن عواض وفقك الله يا ابن عم وسدد على طريق الخير خطاك