|
انشد اللي جربوا مدات اديه
السلام عليكم ورحمة الله وبركاته تخبرون النجم الساهر وقصيدته اللي على هذا الرابط [poem="font="Simplified Arabic,5,darkblue,bold,normal" bkcolor="transparent" bkimage="" border="ridge,7,royalblue" type=2 line=0 align=center use=ex num="0,black""] يالله اني اطلبك تلهمني الرويه=يا عظيم الشان ياجزل العطايا اعترف لك والجحود أعظم خطيه=ياعليم بما خفا خلف الحنايا تقنع النفس الفقيره والغنيه=النفوس اليا اقنعت صارت غنايا واطلبك يارب تعطيني عطيه=جنة الفردوس ... مع خير البرايا ثم ... لك يانجم عندي مزهريه=تجمع اورود الهدا واحلا الحلايا والتحيه ردها واجب عليه=لو عجزت اوفيك حقك بالتحايا إنشد اللي زارني والشمس حيه=كيف جوي يوم انا مثل الفيايا وانشد اللي جربوا مدات اديه=من شيوخ ومن شباب ومن صبايا ماني اللي لو تعب قال الحميه=ألحمايا خلها لاهل الحمايا بعدها يانجم وش هذي السريه=من سمعك يقول سويت السوايا جيت مسرع ماتهدي لو شويه=والبلا انك ماتناظر في المرايا ما عرفنا هو عتب والا زريه=تبتديها مدح وآخرها شنايا لا تجيب العيد في نفسك وفيه=أللسان احيان ميراد المنايا تدري اني مانويت الك آلذيه=حسبي اللي عالم بكل النوايا بعدها لا تتبع الحسنه بسيه=تبتلش بين المساوي والمزايا ما بغيت آبادل الكيه ابكيه=لين شفت الجرح طبه بالكوايا قلت دام النجم فوق الجاذبيه=لو بغيته ما توصلني المطايا سقت له بعض الحروف الابجديه=علها لا جات قدامه تهايا مايجي الدكتور يشقرها كذيه(¥)=ثم يجعلها على كل البنايا والمعاني اللي على غيره خفيه=قلتها مبغاه يبحث في الخفايا دام يدري ماحصل مني رزيه=وش سبب ضيقتك ياعذب السجايا ليش جايي لا شداد ولا مطيه=والقضا حلال صعبات القضايا ياجماعة خير وش هذي البليه=كم بقي غيره على مثلي زرايا وان فهم عباس ما يعني هنيه=ينتهى وضع الحفايا والعرايا واليهود تعود لا صرنا سويه=ألجنود اسرى واهاليهم سبايا [/poem] |
رد: انشد اللي جربوا مدات اديه
واش ذا الزين يا أبو عبدالله رايتي لونها بيضاء ...والسلام ...شعاري.. وقوة الأبيات ..ورصف المعاني بهذا الفخامة..والتألق الفريد.. علامة فارقة في شعر الشاعر سنا الهجرة |
رد: انشد اللي جربوا مدات اديه
ماشاء الله يابوعبدالله
الحقيقة انك تخوف خصوصا انك مصنف من قدماء المحاربين من أيام إنحنى راس القلـم قـدام انامـل سيـدي منقـاش صح لسانك والله قصيدة رائعة ولايستغرب منك الإبداع سلمت يمناك.فماخرجت هذه القصيدة الا من معقل الجزالة تقبل مروري. |
رد: انشد اللي جربوا مدات اديه
وبعدها لك ياسنا مني تحية محملة بالطيب وانواع الهدايا |
رد: انشد اللي جربوا مدات اديه
اخي ابا عبد الله لا فض فوك وما نحن هنا لنختبر قدرات بعضنا بقدر ماننشد الاستفادة ونحاكي امثالكم من قارضي الشعر وممتهنيه والحقيقة انك مفخرة لقيبلتك ثماله عامة ولهذا المنتدى خاصة واملي الا يحدوا التفسير بالبعض الى ابعد ممايستحق رد متميز ومقنع لاتعليق وتقبل تحياتي |
رد: انشد اللي جربوا مدات اديه
ابوعبدالله شعر بصراحه جدا قوي .... واني قريته ثلاث مرات من جماليته ... |
رد: انشد اللي جربوا مدات اديه
اقتباس:
يا هلابك يا مدير . الزين في وجودك ودعمك لي من البدايه .. أن من انصار السلام ما فيه شك الله يجبر بخاطرك دايم لكلماتك وقع خاص عندي |
رد: انشد اللي جربوا مدات اديه
وان فهم عباس ما يعنـي هنيـه ينتهى وضـع الحفايـا والعرايـا أثر المشكلة في كل بلد! صح لسانك يا الشاعر القرم نفتخر بك |
رد: انشد اللي جربوا مدات اديه
اقتباس:
والتحيه لك يا صقر قريش أنت من أهل الطيب |
رد: انشد اللي جربوا مدات اديه
سنا الهجرة نعم أنت ياخالي مصدر الهامي هنا يحق لي أن أقول هذا خالي فليرني كل واحد منكم خاله هههههههههههههههههه |
| الساعة الآن 05:42 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by