الاتريك
 

من غير ريب ولا تشكيـك =ينّك كما البدر فـي نـوره

رد: الاتريك
 

لا والفانوس كان فاكهه في زمن المسرجه ( القازه )

يوووووووووووهوووووووووووه كان في زمانه ولا أحلى منه

رد: الاتريك
 

إيو الله صدق يا العوادة
يحق لك الآن تسجل في الضمان يابو عبدالله

رد: الاتريك
 

الأوله , تكفى يا مدهش أترجاك تطلب من المشرفين يشيلون درع المسابقه اللي تحت أسمك لأن لونه كحلي ولا يناسب , ولأنه يذكرني أنكم فشلتونا يوم دخلتم مسابقه وخليتم واحده من أخواتنا تفوز عليكم وانا كنت أتعشم أنكم يا طوال الشوارب ما تفوتكم الحيل حتى لو غشيتم واستعنتم بغيركم يكتب لكم مثل سواة المخاوي في مواضيعه اللي دايم ينزلها في المنتدى ومثلي في بعض الأحايين.
الثانيه , الأتريك (ونعومك بكل الأتاريك بدون تخصيص اللي منها على قاز والا غاز) اقول بخصوصه أن الأتاريك أعقبها اللنبات وسبقها الفوانيس , والفوانيس سبقها السرج , ولاحظ معي أن اللنبه وقبلها الأتريك وقبل الأتريك الفانوس كلها أسامي ماهي عربيه , وهذا يدلك أن العرب في عصورها عودوا في ذيل الأمم بعد كانوا في طلايعها .
أما السراج فهو الأسم العربي , وانا واحد من اللي أدركوا السراج اللي يسرج بالقاز , وكبار السن يوم كنا ورعان أدركوا في صغرهم السراج اللي يسرجونه على السمن واحيان على زيوت النبات , ويقول القواله أن بعض السرج اللي كانت على السمن مجرد حجر محفور بحجم الكف مفلوج من واحد من جوانبه حتى يمدون الفتيله مع الفلج ويكون طرف منها في السمن والطرف الثاني من الفتيله اللي فيه الشعله يكون على حافة ماعون السراج . ويذكر الذاكرين أنهم ما كانوا يستسرجون بالسراج الا نادر , واغلب ما كانوا يستسرجون عليه هو شبوب الضو (على الحطب) , وهذا الكلام ما هو بعيد عن زمانكم واجد , (يعني من المية عام وزود من أيامكم هذي) .....

رد: الاتريك
 

قديمك نديمك لو الجديد أغناك

رد: الاتريك
 

علومك كلها علوم مسافير
وزين إنك قاصر صوتك لا يسمعك الخافي ويجي على صوتك و يحوس لنا من حويسه اللي تخبره
وعن الدرع هذا من أغلى ممتلكاتي و أنا تراني تعزويت بالذكور مثلي على هذا الرابط :

http://www.thomala.com/vb/showthread.php?t=26301

يوم المسابقة لكن تعرف حنا يالعرب نركض خلف المرأة وإلا شوف اللي يعرفون مصالحهم وين تكون مثل الامريكان مع أوباما .

معلومات قيمة يا منقاش وكنت أتوقع منك ذلك وكنت اتمنى اضافة اصل كلمة الاتريك لكن يبدو اننا كلنا لا نعرف لها اصل .

قرأت عن هذه :


الفانوس الهندى – الأتريك العلاقى – الأتريك الجلاسي –القمرية المكية – الفانوس المكى
إذا تعرف حكاوي حكينا .

رد: الاتريك
 

ما شاء الله عليك يا مدهش

والله والنعم ..

مشكور على هذه المشاركة الرائعة ...التي تضيف فائدة ومشاركة متميزة في هذا القسم

رد: الاتريك
 

لا تاخذني في دوخة
وين الاتريك حقي ؟
ابي اتريكي :22::15:

رد: الاتريك
 

ارفقه في المرفقات..او ضع الرابط صح

رد: الاتريك
 

مدهش وش قصتك انت وفالك علينا من المزبى للاتريك الناس وصلوا عصر النانو وخريطة الجينات الوراثية وانت تقول لنا على الوراء در للمزبى والاتريك

يقلون ان الان فيه اختراع جديد وهو لنبات تعمل بالواير لس يعنى خل الاسلاك تقعد عند اهلها ركب اللنبات في البيت وشغل بدون تمديدات الله يستر من كثر التقدم لايسوقنا في حفره


بس مدهش مدهش