تجمل واختصر
 

[POEM="font="Simplified Arabic,5,crimson,bold,normal" bkcolor="transparent" bkimage="images/backgrounds/82.gif" border="double,9,gray" type=2 line=0 align=center use=ex num="0,black""]تجمل واختصر معروف طبعك والزمن عداد=حسبناها مثل ماتحسب الدينار في جيبك
تقللي نورت ولا اسفهلت وامطرت وش عاد=تبالغ فالثنا والا تكثر من تراحيبك
ترحب بي تهلي بي تعاندني تزيد عناد=على بالك جهلت اسلوبك اللي ماستر عيبك
هذاك أول عيوني تعتبر شوفك شراب وزاد=زمان أول وانا مخدوع فيك وغرني طيبك
إذا قصدك تنسيني زمان العهد والميعاد=ترى هذي قديمه واضحه من ظمن الاعيبك
عرفتك تظهر الطيبه وتخفيلي عصا الجلاد=وليش تلف لي وتدور ظنك مقدر آجيبك
أنا مررت لك واجد ولكن للأسف مافاد=ولو بيدك بعد تاخذ تبي تاخذ انا ادريبك
تراني لي حدود اصبر بعدها مستحيل ازداد=إذا قفلت تعرفني وتعرف كيف اسويبك
إذا ما شفتني طيب وطيب حيل وابن اجود=تأكد لو نفذ صبري ابتفنن بتعذيبك
تبيها ملعنه منته بلاقي غير قدح زناد=أبخربها معك حتى تشق من القهر جيبك
نصيحه جوز عن طبعك وخلينا على المعتاد=وانا بصبر على عنادك وبتكفل بتهذيبك[/POEM]

رد : تجمل واختصر
 

سنا الهجرة
*
*
الحين هذا كللللللللله عشان سنا الهرة خخخخخخخ << امزح والله
*
*
ماشالله عليك // شاااااااااااااااااعر

رد : تجمل واختصر
 

كما توقعت

بس شرفتيني

واسعدتيني بتواجدك

لا عدمتك

رد : تجمل واختصر
 

الله عليك ياسنا الهجرة
مبنى ومعنى وفقك الله شاعرنا الحبيب

رد : تجمل واختصر
 

دائماً مبدع ياسنا الهجرة
وحقيقة قصيدك يطرب
الله يعطيك القوة

رد : تجمل واختصر
 

شديد يا خالي...

لا فض الله فاك .. ولا حرمنا قصائدك..

رقة ألفاظ ...سلاسة عبارات

رائعة من الروائع ، بأسلوبها الماتع ، وعطرها الذائع

رد : تجمل واختصر
 

والنعم والله يا خالي
تجمل ولا تقطعنا

رد : تجمل واختصر
 

رد : تجمل واختصر
 

شهادة من مستشار هذي ما عليها غبار

بارك الله فيك يا مستشاري العزيز

وأمتعني الله بتواجدك المستمر

رد : تجمل واختصر
 

أبو عبد الرحمن

أشكر لك هذا الاطراء الذي لا أستحقه

يكفيني أرى معرفك على أوراقي المبعثر

يسلملي راسك وانا خالك
حسب ما ذكرت أنت والا أنا والله مدري أنا خالك والا أنت خالي