منتديات بلاد ثمالة - في رونش الظله تشوف الغنادير .. !

بسم الله الرحمن الرحيم

ممّا راق لأخيكم سهيل /

الله ياوقت(ن) ذكرته وانا صغير
لو اشرحه لـ اهل المدارس تمنوه

وقت(ن) مع الرسام في رسمته غير
كل الشباب اللي من البدو حبوه

لاسهبت فيه الوصف بالحيل يامنير
كن العيون تشاهده يوم كبوه

كنك تشوف الخلف بعد المعاشير
وجمع السلف بالصبح يامنير تلوه

لالجت الخلفات وسط المظاهير
لاشدوا البدوان والبوش ساقوه

وفي رونش الظله تشوف الغنادير
على اشقحن للعذب يامنير دنوه

حطوا عليه المرشحه والبواصير
وادويرعه والدشن بالخرج حطوه

وعليه ركبت بنت شيخ المناعير
واللي تمنا بنت الاجواد جابوه

للشاعر عيد بن شده العتيبي

التعليق :

هذه القصيدة لأحد شعراء عتيبة المعروفين نقلتها لكم متعمدا
وذلك لما ورد بها من مفردات ( موغلة في القدم ) ولكنها موجودة
ومتداولة عند قبيلتنا عتيبة وبعض القبائل المجاورة .. وأكيد
بعضكم توقف عندها وحاول أن يترجم معانيها ويفك طلاسمها !
والهدف نقل العادات والتقاليد وتبادل الثقافات بين

قبائل المملكة الحبيبة ..

ومن هذه المفردات :

كبوه

الخلف

الخلفات

المعاشير

السلف

الخُرج

تلوّه

لجّت

المظاهير

البوش

رونش

الغنادير

اشقحن

دنوه

المرشحه

وأدويرعه

الدشن

البواصير ( بالصاد )

هي حلوها وترجموها ..

نعم سهلة ومتداولة عند كبار السن .. !
من عتيبة وجيرانها من قبائل الجزيرة
العريقة ..

وكل ديره فيها حقها من رجالها وتفتخر

بلهجاتها وتراث أجدادها ..