يازين الحظ.....ياشين الحظ
 

[POEM="font="Simplified Arabic,5,black,normal,normal" bkcolor="transparent" bkimage="images/backgrounds/27.gif" border="none,4,gray" type=2 line=0 align=center use=ex num="0,black""]
حياتنا بين الرّخا والشّدّة=والحظ لاصادق ولاكذاب
اللي توفق في زمانه يطري=يطري النصيب ويذكره باعجاب
واللي زمانه مايطاوع كيفه=اليا ذكر حظه وهو سبّاب
اليا متى وحظوظنا شماعة=نرمي عليها حملة الدولاب
نرمي عليها كل خيبة منا=وننسب لها اللي شان واللي طاب
المشكلة فينا ومنّا حنا =والحظ لاودّى ولاهوجاب
كلمة ورثناها وهي مغلوطة=شباب ياخذها عن الشّيّاب
هذي طبيعتنا نبرّر موقف=ونوصّفه باللازم الغصّاب
يامفرغين الحظ من مضمونه=لاتظلمون الحظ بالمشعاب
حنا عطينا الحظ معنى ثاني=ولابحثنا خافي الأسباب
جهدك ومكتوبك سبب ياغافل= والحظ ناتج ياهل الألباب
الياطرى لك من زمانك طاري =أشكر عليه المعطي الوهّاب
[/POEM]

رد : يازين الحظ.....ياشين الحظ
 

ابا عادل صح لسانك
الحظ اصبح اليوم شماعة
وبالحظ يسرقون المجد جده
هذين البيتيم مررت بهم يوما وهي الان مناسبة للاستشهاد
ان حظـي كدقيـق فـوق شـوك نثـروه... ثــم قالـوا لحفـاة يــوم ريـح اجمعـوه
صعب الأمـر عليهـم ثـم قالـوا اتـركوه... ان مـن أشقـاه ربي كيـف أنتـم تسعـدوه

رد : يازين الحظ.....ياشين الحظ
 

الله وأكبر .. لاتلوموني في هذا العملاق
ليس كل مثل صحيح لأنه يجد من يفكر فيه ملياً ثم يحطمه ويبرهن ويوضّح الأسباب
وهنا تفنيد تام بالبراهين .. ولكن إعمل وآجتهد وماكتبه الله لك سيأتي .
كأني بالشاعر وفقه الله ارادها أن تصل هكذا .
هذا الشعر ولاّ فلا
أطال الله عمرك يا شاعرنا الكبير
ماهذا إلا حضور أول وحجز فاخر لهذه الفاخره
صح لسانك أيها البهي

رد : يازين الحظ.....ياشين الحظ
 

لولا أني مشاكس
الياطرى لك من زمانك طـاري
أشكر عليه المعطـي الوهّـاب
كان كتبتها كلها لروعتها
بس العتب على الاسم

رد : يازين الحظ.....ياشين الحظ
 

رائعة من شاعر مبدع ..

صح لسانك أبو عادل..

رد : يازين الحظ.....ياشين الحظ
 

قال المثل
اعطيني شوية حظ وارميني في البحر
كانوا يضحكون علينا بهذا المثل

صح لسانك ابو عادل

رد : يازين الحظ.....ياشين الحظ
 

رغم ان حظ مال انا كله جنجال
لكن صح لسانك ابو عادل
فكرة جميلة وهادفة
يقولون لياقام حظك باع لك وشرى
طيب الارزاق بيد مقسم الارزاق

رد : يازين الحظ.....ياشين الحظ
 

ابا عادل

على مثل هذا العد ترد القوافل الضامئه

وعلى مثل هذا الفكر نراهن ....

دمت كم انت راقي


النادر

رد : يازين الحظ.....ياشين الحظ
 

بن سلمان
نعم ....الحظ أصبح شماعة لمن لاحيلة له
أصبح الملاذ المقبول لتبرير الفشل والعجز والأخطاء
الحظ ... الحظ..... الحظ.... يبقى معنى مجردا
أشكرك على المرور.

رد : يازين الحظ.....ياشين الحظ
 

بعيد النظر
ماأكثر العبارات التي ترسخت في الأذهان وتتناقلها الألسن حتى أصبحت في حكم المسلمات التي لاتقبل الشك بل ويستند اليها في الاستدلال بينما لو روجعت ومحصت لاكتشفنا بين ثناياها
بذور فنائها .
أشكرلك اضاءتك لمتصفحي بكريم مرورك وجميل تعليقك..