|
ما فيها طقة عصا
بسم الله الرحمن الرحيم
في البدايه أحب أذكركم أن المشرف العام مسافر لصلاله والجبل ألأخضر , وكلف عليه وكلفني أشرف على المنتدى وعليكم ,, ووصاني على أعضاء منتدى الشجاري وخضارط الماضي (التاريخ) وقال , أنا دخيلك يبو نقشه ترفق بهم واحسن الظن بهم ولا تلعب في عفشهم وتاخذهم بجريرة المخطي منهم , وتاخذ المقيم بالضاعن . وانا من جانبي تعصعصت في البدايه , وقلت له ماني عجلان على الشرافه وألأعضاء قد رشحوني لها من بداية السنه الجايه , وتلكلكت معه ولا وافقت على طلبه حتى حب على راس زنفرتي ووافق على واحد من شروطي وهو تعين حليفي ابو سيفين مساعد للمشرف العام , هذا من باب التذكير خصوصا للناس اللي ما قروا فرمان ابو عبدالرحمن قبل يمشي في سفره عسى ربي يرده من الطيبين . وهالحين بعد عرفتم من هو مشرفكم الجديد ,أحب أذكركم أني ما عندي حكاية العصا والجزره ولا بقية الثرامد اللي تسمعونها في ألأخبار , أنا ما أعرف ألا العصا لمن عصا , ولا أبغي أسمع من أي واحد منكم ألا كلمة أبشر يبو نقشه , وترانا عصاك اللي ما تعصاك , وعصاك اللي ما تخرج من يمناك ,, وبعد : أشوف يا وجيه الرفاقه والعواني هاليومين علوم ما تناسبني ولا تشرح خاطري , وأن حصلت مره ما أحبها تكرر عدة مرات , أشوف رويعي الغنم واشوف الشيخ هلال أبو ليله تطاولوا وقاموا يفردون في ريشهم على منتدى الحياه الفطريه , وأشوف الشيخ سلام قام يمد في رجله على منتدى التاريخ , واشوف المساعد حقي ابو سيفين تحاك حواليه المؤامرات ومحاولات التشويه لسمعته والتعتيم على أنجازاته العظيمه وتاريخه الناصع في منتدى ثماله . وحتى لا يظن بعض الناس أن الميدان أصبح خالي لهم يوم غاب بدر الدجى عنكم وعن الكتابه في منتداكم عدة أيام , قررت أني أعود للكتابه واعطيكم شوية لمحه عن تاريخ طقة العصا . لكني أقول في بداية حديثي , الشكوى على الله , ما بقي لا عصا ولا من يحمل العصا , ولا عاد نسمع اليوم ألا بعصا البلياردو والقولف اللي أغلبنا ما عمره حط يمناه عليها , ياربعي راحت العلوم وراح وولى زمن العصا اللي كانت فيه من أهم رموز السلطه والصولجان , وراح المرشالات وعصيهم , وراحت عصا المنابر والخطباء , روحت كلها وشبوا بها النار , وأن لقيها واحد من عيال هالجيل المهول سماها عود من حطب ولا سماها عصا . يا ساده , كان محل العصا في ثقافة أجدادكم محل القطب من الرحى , ولا أنا في حاجه حتى أبعد واجد وأجيب ذكر عصا ابن عمران عليه السلام ودورها مع السحره والغنم والبحر والصخره اللي تفجرت عيون بعدد قبايل عيال عمكم بني أسرائيل . كل هذا الماضي المجيد للعصا قريبه وبعيده ماني يمه , اللي أنا يمه ورايح أدندن حوله هو واحد من أدوار العصا قبل أكثر من ثمانيه عقود تقريبا , يوم كان عيب وشق جيب على الرجال تمشي خطوه في طرقتها والعصى ماهي في يمناها والحزم على موسطها والعمايم على روسها , وبالتحديد , دندنتي اليوم حوالي طقة العصا من بين كل أدوار العصا . وبأختصار , كان المدعي أذا أشرف على خصمه بوجيه الرجال وطلب منه حقه ولا أمتثل الخصم وأعطى الحق من نفسه على يدي ربعه , وقتها تاخذ الأمور منحى جديد يكثر فيه التعقيد وتخرج القضيه من خضيرة القبيله لحضيرة الحاكم , وحينها ينصى الشاكي حاكم الطايف وينص عليه شكواه من الراس للراس , لأن اللي يقرون ويكتبون في هاك ألأزمان كانوا على عدد أصابع اليد في الطايف كلها , وكانوا في الميه واحد والا أقل بكثير , والأحبار القديمه والورق نادره ومكلفه , والفصاحه متوفره , والحكي من راس اللسان بلاش . أذا أستمع الحاكم لشكوى الشاكي يرد عليه ويقول : هات يا مشتكي عصاك , ثم يطق في طرفها بكم طقه بطرف السكين , ويقول , هيه عود على أولك لخصمك ووريه الطق اللي في العصى حتى يحضر معك الى عندي واسمع جوابه على شكواك , وياويل وسواد ليل اللي يوريه خصمه الطق في طرف العصا ولا يمثل معه على وجه السرعه عند حاكم الطايف . من أجل كذه كان اللي يشوف خصمه ماهو ممتثل معه ومعطي الحق من نفسه على يدي ربعه , يهدده ويقول , الظاهر أنك عاصي ويبغي لك طقة عصا , وكان العلم اللي ينسمح ولا يشكل على أحد يقولون العلم الفلاني ما فيه طقة عصا , وسلامتكم ..... |
رد: ما فيها طقة عصا
كلام قرار ياشيخنا المبجل .
والمقداد , حليف مجيد , يبايعك على السمع والطاعه . ولنا عوده لتفاصيل الفرمان الذي لم يقرأ بعد. المقداد |
رد: ما فيها طقة عصا
العمده , المقداد بن الأسود : بيض الله وجهك , وأعتبرك من الليله ورايح حليفي القوي .
وهذ الحلف العظيم اللي أجتمع فيه شيخ القبيله بدر الدجى وعرعرة المنتدى مع عمدة المدينه المقداد بن الأسود رايح يخل بكل التوازنات , ويدخل الرعب في قلوب كل الجبناء الطامعين والمتسلقين . وأن كان الجبان مخاوي منقاش , أو أحد من حلفاه بعد أحياء ويسمعون صوتي , أقول لهم موتوا بغيضكم .... |
رد: ما فيها طقة عصا
مشكور ياشيخ منقاش . ولكن لن نسمع منك ولن نرضخ لمطالبك حتى ترينا (طق ابو عبد الرحمن في عصاك ). وملاحظتي انك لم توضح لنا ما هو مصير من طق في عصاه ونسب الطق للحاكم . |
رد: ما فيها طقة عصا
الشيخ سلام هداه الله : ماهو ذنبي أذا كنت حاصر أطلاعك على منتدى الشجاري ومنتدى خرطي الماضي .
ولا هو ذنبي أذا كنت ما تقرا اللي يكتبه أبو عبدالرحمن , وتقرا التعليمات اللي يصدرها في بقية المنتديات , واللي بموجبها أصبح المشرف العام أكبر طقاق , وطق من ضمن طقطقته في عصا أبو نقشه , الطقه اللي بموجبها أصبح بدر الدجى هو المشرف العام عليكم وعلى منتداكم في غياب الطقاق ابو عبدالرحمن . الخلاصه : الرجاء تكبك من التشكيك في قرارات المشرفين , وخلك عند هشيمك وضبانك وطيورك في منتدى الفطريات . خلك في منتداك وخل الطقطقه والشرافه لأهلها من أمثال بدر الدجى وعرعرة المنتدى . وترى أن ما كبيتك من هالتحرشات والتشكيك في القيادات , رايح أصدر ضدك عدد من العقوبات , أولها تصغير الخط اللي ما كبرته ألا من شانك حتى تقدر تقراه , وسلامتك .. |
رد: ما فيها طقة عصا
انا اشهد ان اشرافك على المنتدى مافيه طقة عصا واللي يطقطقها نطقه بها حتى تطقطق عظامه وينطق مكانه ولا ينطق لسانه
|
رد: ما فيها طقة عصا
يبن عمي يبن عابد : ذكرتني طقطقتنا بلعبه كنت ألعبها في عز شبابي يوم أنا غاوي, أسمها , لعبة الطاق طاق طقيه , ونقعد نطقطق حوالي بعضنا مثل طقطقتنا اليوم على مفاتيح كنفيوتر ثماله .
على كل حال , مشكور على المشاركه وعلى بيعتك لي بالولاء والطاعه , وأطمنك واقول وسع بالك يبو علي , وكلها يومين والا ثلاثه وتشوف يوم أعلق عضوية كم واحد من أعضاء المنتدى حتى يعرفون أني هنه ويعرفون أن ابو نقشه هو المشرف العام , وسلامتك أنت والسامعين أجمعين . نسيت لا أسعلك يبن عمي عن رايك في لون الخط , أهمها أنه يكون من الألوان الرجاليه حتى لا ينتقدنا طوال الشوارب ..... |
رد: ما فيها طقة عصا
الشيخ منقاش سلمه الله :
سمعا وطاعة . وكل امر مقبول الا تصغير الحروف . ومن الامثال الدارجه : اذا غاب الاسد العب يا ولد . واذا كان القاضي راضي من يلومك يا حسين . |
رد: ما فيها طقة عصا
أما ماقبل ,, فالشيخ ليس بمن يشفق عليه , ولا هو نهباً لكل عادية ,ولا مطمعاً لأي أحد ,فتاريخه على مايبدو حافل بالأنتصارات والله أعلم ,أما من جحد حقه فقد أراح نفسه من أثنتين , وأعفاها من ثلاث . فقد أراحها من الحكم بالعدل, والوزن بالقسطاس , وأعفاها من نعمة البصر , والعقل ,والفراسه . ــــــــــــــــــــــــــــــــــــــــ كتبت هذه المشاركه في حق الشيخ فيما قبل , وجررتها الي هنا ليتأملها,شانؤه, ويعييها حابوه. شيخنا المبجل رعاك الله , لا اظن ان بيننا معارض ومتعارض على توليك هرم البناء , وتسلمك زمام الامور ,ولكن نريد منك الثبات والحزم على موقفك . فقد تهيأ لك من كل شيء شيء , ولم يتبقى الا سانح الفرصه . ــــــــــــــــــــــــــ وهنا حقيقه لا ينكرها الا جاحد ... الشيخ ينكث , ماضيه الجميل والحافل في ذاكرته , وانا اذيل سعادتي بما اقرأ له بأمنية ان يكتب لنا , ويرصد , تلكم الحقبه الزمنيه الشاقه ,ودام منقاشاً في حلوق الاعداء . المقداد المقداد |
رد: ما فيها طقة عصا
الشيخ سلام عسى ربي يسلمه : أشكرك على العوده للحق وعدولك عن التمادي في الباطل , وانا كنت عارف أنك من الرجال اللي ما تكابر وتكبر على الحق وتنقاد للباطل , وهذا واحد من أسياب حلمي عليك وعلى كثير من أعضاء هذا الكنفيوتر .
والحمد لله بعد عادت المياه لمجاريها ولا شقرت عصا القبيله اللي عقالها وعلى راسهم ابو عبدالرحمن أجمعوا على أستلام بدر الدجى وعرعرة المنتدى للأشراف على منتداهم . لكن يبن عمي النايب حقي أبو سيفين ويش مغيبه؟ , وعسى ما يكون أبو عبدالرحمن واعوانه الخونه لهم يد في هالمغيبه ؟ . حليفي العمده المقداد بن الأسود : عمدتنا العظيم , لا يخامرني أدنى شك في أن المنتدى بحاجه لي بعد أصبح أبو عبدالرحمن رجال كبير في سنه , وبعد أعطى اللي عنده وسار مثل الليمونه والا عكة السمن أذا عصرتها , ولا أظن بقي عنده من جديد الا المسدحه والنوم في الجبل ألأسود وصلاله , ولا هي بعيده أن قليل الخاتمه مخاوي منقاش لف عليه وأخذه معه يشعبن في موسكو . والزبده , الله يستر علينا وعليه ويرده من الطيبين , وخليه باقي وقته أذا رجع يخصصه لعياله ولحاله ويترك المنتدى والقبيله لبو نقشه وأعوانه أسود الشرا , المقداد وأبو سيفين . |
| الساعة الآن 04:58 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by