منتديات بلاد ثمالة

السلام عليكم ورحمة الله وبركاته

اليوم أخواني وخواتي الأعضاء جبت لكم قصيده وقصتها إن واحد يشكي همه لخويه بأن حبيبته تزوجت عنه من بعد ماإتفق معها إنه يتزوجها ويوم قرب الوقت اللي بيخطبها فيه تخلت عنه
وقام يدعي عليها مو حسد ولكن قهر بقلبه لانه تخلت عنه

بصراحه يوم سمعت هالقصيده هلت عبرتي ولقيت فيها كل معاني الحزن
وعلى ماقالوا ماتطلع القصيده حلوه إلا إذا طلعت من القلب وهالرجال يمكن كتبها من قلبه

أترككم مع القصيده وأتمنى إنها تحوز على رضاكم

للشاعر فهد معتووق
هنا الشاعر يكلم خويه :[/center]

ثلاث سنين وانا اخطط لهذا اليوم يابوسعـــــود
تيسر حالي وجاهز اوفي وعدي بوقتـــــــــــــــه

من هنا يبتدي يقول الكلام اللي قالته له البنت :

وفجاه جتني تتعذر وتقول تاخرت الوعـــــــــود
وانا مستغرب واسمع كاني وعدها خنتــــــــــــه

حسبت انها تمازحني وتتصنع جفا وصـــــــدود
ضحكت بوجهها من قلب مع انها بايخه النكتــه

وقالت ارضى بالواقع قلبي ماهوب المعهـــــــود
تغير كل شي صوبك نصيبي مااظن انتــــــــــــــه

كنت بيوم محبوبي ولكن مااظن تعــــــــــــــــــود
وصل من قبل ماتوصل وانا ذاك الصبر عفتـــــه

ولكن تكفى صدقني ويشهد ربي المعبـــــــــــــود
ترى ماخنتك بغفله ولاكلمته وشفتـــــــــــــــــــــه

بصراحه اهلي قالولي بانه ولد اصل وجــــــــود
وجتني امه بالصوره وبكلمات المدح اختـــــــــه

سكت وقلت هي فرصه مدام الجود بالماجـــــــود
وقالو كل من حولي علامات الرضا سكتــــــــــــه

وانا فكرت دام اخته وامه ماعليهـــــــــــــــم زود
اكيد اني باراضيهم اذا وافقت واخترتـــــــــــــــه

واراضي اهلي واخواني مدام ان الفرح مقصود
عطيت الناس انا كلمه ومعاهم وقتي حددتــــــــه

ولااقدر اغيرها ترى عند العــــــــــــرب منقــــود
اوافق واعتذر باكر واقول الراي غيرتــــــــــــــه

رجع الشاعر يشتكي لخويه :

تبي تشرح لي المنقود..تصدق عاد يابوسعـــود
تبيني اقتنع وارضى بحال عمري ماعشتــــــــه

من هنا الشاعر يدعي عليها :

انا ماني بقايلها عسى يفرش ثراهــــــــــا ورود
بعد ماحطمت قلبي وطعم الموت جربتــــــــــــــه

عسى بفستانها اشواك وبثوبها عقارب ســـود
ونار تحرق الكوشه وتحرق بيتكم حتــــــــــــــه

وموت بليلة الدخله يبرد حرتي ياكــــــــــــــــود
ولااحس انها بحضنه يلامس خد لامستــــــــــه

علي اهون اذا ماتو ولابنفس السرير رقــــــود
ترى صعب علي اتخيل الي ماتخيلتـــــــــــــــــه

عسى قاع الثرى يقسى ويتحول صخر جلمـود
وحفار القبر يرفض يسوي فوق مقدرتــــــــــه

ترى دفنة عديم الذات تلوع حتى كبد الـــــدود
ومن خان العهود ومات تعافه حتى مقبرتـــــه

عسى ربي يجازيهم بحبل من مسد ممــــــدود
يعلقهم من اطرافه وفوقهم نار وتحتـــــــــــــه

انا ماني حقود وشين ولاني من نسل نمــرود
ومن حط نفسه بوضعي يقول الي انا قلتــــــه

مدام الفعل له ردة فعل والله ابشري بـــــردود
بادعي مدام اني حي وباغرس للدعا نبتـــــــه

وبسقيها نزيف القلب ودمع مارحم الخــــدود
وتكبر والثمر ثاري من الي خانني وصنتـــــه

من هنا الشاعر يبتدي يقول للناس عن نفسه وينصحهم :

انا نذر علي اكتب وافجر هالقصيد رعــــــــود
واسمع كل البشر صوتي عجبته والا زعلتـــه

واردد لكل يسمعني اذا حبيت حط حــــــــــدود
انا حبيت دون حدود وشوف الي تكبتـــــــــــه

ثلاث سنين وانا ابني وجات صوره بكل برود
خذت مني شقى عمري وحلم قلت حققتــــــــه

ثلاث سنين وانا اخطط لهذا اليوم يابوسعـود
توافق من كلام اخته وصوره اربعه بستــــــه