|
حمده ومحمد
حمده ومحمد اخترت الاسمين بسب 1,محمد لانه كل واحد تقابله في الشارع والا على المريخ تقوله يامحمد ,سؤال ليش اسم محمد ؟؟؟؟؟ 2,حمده كثر الاستفسار عنهافي وش يقربلك هالاسم علشان اريحكم قولو الللي في موضوع مايميزني ,هعهع القصه باختصار ’بلاش هذره ان واحده من صاحباتي تزوجت طيب وبعدين ؟ وبعد الططقطقه والف مبروووك ومنك المال ومنها العيال ومحمد وحمده مبسوطين ومرتاحين عدى زواجهم على خير المشد الاول ,محمد وش رايك ياحمده نروح نتغدى في مطعم حمده مستحيه اللي تشوفه يااااااا المشهد الثاني ,بعد الغدى اللي ماذاقت منه حمده لا تناتيش من الحيا خارجين من المطعم والا جوال محمد يرن مين سامي هلا الف مبروك ياعريس يبارك فيك هاه والله شفتك انت والمدام ,من قلت الذوق توها عروس لاحول ’ خارجين من المطعم طيب وش فيه اخذ يتميلح وقفل ناظر محمد يمين وشمال بيشوف احد ماحولك احد يالله ياحمده وجر ايدها مو حاس في نفسه على السياره وهويتلفت هه مسكين المشهد الثالث اليوم ناوين يروحون الحديقه وهم في امان الله ومبسوطين الا رن رن رن هلا ابو عابد وش اخبارك مين قدك ياعريس حبينا نسلم عليك ونامار شفتك انت والمدام فييييييييييييي افا يالعلم ينتفض محمد ويقول احس نفسي تعبان وش رايك نروح البيت حمده مستحسه بؤضو اوكي المشهد الثالث والرابع والخامس والمليون نفس الموال قرر محمد وحمده ان يكون شهر العسل في ربوع بيتهم بعيدا عن الانظار رن رن رن حمده يدها عليى قلبها وين تهج المسكينه الوووو اسف غلطان بالنمره الحمدلله قصه واقعيه جدآ عايشت احداثها من المسئووووول حمده اللي مستحيه طول الوقت والا محمد اللي ماقفل جواله وعطاه طناش ولا هالاشكال اللي في كل مكان حرية الاجابه للجميع بعد اشهر نزل محمد السوووق مع حمده في استراحة الشباب هلا محمد ماعاد نشوفك الا الخميس من يوم تزوجت شكل وزاره الداخليه ’حمده المسكينه سارت وزاره بكاملها , ماتسمحلك الايوم الحرمه لاتعطيها وجه جاء سامي كيفك محمد واللله من يوم شفتك في السوق تدربي راسك عرفت انها داعسه على ,,,,,,,,,,,,,,,, خرج محمد متنكد وحط حرته في حمده المسكينه والنهايه ان حمده مازالت تعاني ومحمد قررر يسكن في المريييييييييخ :badly::badly::badly: وسلامتكم/ |
رد: حمده ومحمد
يامحبة الخير
مواضيع النقاش لانقبل بها مثل هذه الردود فهي مواضيع جديه نبحث فيها عن حلول وفقك الله لمافيه محبته |
رد: حمده ومحمد
بصراحه يواجه الكثير تلك المشكله قلت التفكير في محمد هي ما اوصلت حمده الى هذا فصار محمد يستمع لما يقوله اصحابه ولا يفكر بوزارة الداخليه حمده هع ومايدور في ذهن تلك المسكينه اللتي تريد ان تعيش جوهاا مع محمد فقال النبي صلى الله عليه وسلم (( اتوصو بالنساء خيرآ فأنما هن عوان عندكم ان لكم عليهن حقا ولهن عليكم حقا فيجب على محمد ان لا يلقي بالا على مايقولونه اصحابه ولاكن ليس الاصحاب هم من يبنون الفكر اللذي يدور برأس محمد وإنما محمد هو من يستمع ويبني تفكيره على ما قد قالوه .... ماندم من سكت |
رد: حمده ومحمد
شاكره تواجدك محبه الخير ماندم/ دائمآ حظووووور ممميز |
رد: حمده ومحمد
المشكله في محمد وتربيته وخشيته من مشاهدته برفقة زوجته
ولكي يقضي على هذه المشكله يجب ان يعلم الاتي : اولا انه ليس الوحيد المتزوج . ثانيا ليست حمده هي المرأه الوحيده بالكون . ثالثا ان المتزوج يخرج برفقة زوجته للسوق . رابعا العزابي يخرج برفقة امه او خواته للسوق . يعني يفهم انه فيه مره ورياجيل في السوق غيره وما يفعله يفعله جميع الرجال وليس عيبا أو حرام . كما يجب ان يحرص على التالي : اولا ان لا يكون ملتصقا بزوجته وكأنهم خايفين من احد او يتسارون بكلام . ثانيا ان يكون لبسها محتشما لا مخصر ولا الغطاة مرزاب ولا خفيفه . ثالثا ان لا يتخذ السوق محل نزهه هو وزوجته ولكن يأخذون اغراضهم المطلوبه ويخرجون . رابعا من استحى من بنت عمه ماجاله ولد . |
رد: حمده ومحمد
هلا والله بسعاده الريس تو مانور متصفحي بس الملاقيف ماخلوووه في حاله والله انهم نكبة المجتمع تقول ماعندهمـ حريمـ وتلقاه مع زوجته يادهينه لاتنكتين /حلو هالمثل هههه |
رد: حمده ومحمد
موضوعك رووعه يا حمده عفوا يا مايميزني وجهة نظري إن محمد يعطيهم طناش ولا عليه منهم وانا فعلا ألاحظها قبل يومين قابلت أحد الزملاء بالصدفة في محل ومعه زوجته وأتوقع انه وقتها كان يتمنى الأرض تنشق وتبلعه لاحظت هذا من تصرفاته طبعا انا ما حاولت اسلم عليه لكن هو من الفجعه نط فيه وياخذني عربه وهو معاي الصباح في المدرسة ما أدري اش السر طيب خلي المدام تروح على جنب وسلم وسولف عادي ترى زوجتك ما انت جايبها من الشارع تنحرج منها وكلنا اللي متزوج واللي معاه أخته أو أمه يعني عادي جدا . لكن هذي تراكمات من اللآباء والأجداد ووصلت إلينا الآن أشكرك ما يميزني على روووعة الطرح دام لحمده عطاؤك |
رد: حمده ومحمد
موضوعك جميل مايميزها لقب:
وفعلا طاغية في مجتمعاتنا حتى لو لم يؤثر به أشخاص وقت الزواج فهي ترسبات قديمة والدليل حتى الأخوة قد تأتي منهم تصرفات مثل ماذكرتيه وكأن المرأة الوحيدة التي تمشي هي من بجواره وصدقيني وعن سابق ملاحظة وتجارب من كان دائم القلق بأن يتعرف عليه أحد أو يشاهده برفقة أهله سواء أخته أو زوجته دائما مايسوء حظه فيقع دوما بين عيني أصحابه أو أقاربه والدليل كنت يوما في السوق وكان معي أخي ذكره الله بخير وهوصراحة (((حمش وعينه حارة)) واتجهنا للمصعد للصعود للطابق الثاني وعند دخولنا صادف دخول عائلة صغيرة معنا وكأنه يطلب بعين الحياء الصعود معنا ولأن معه زوجته وابنه لم يتوانى أخي بالموافقة وعندما دخلنا المصعد سوية وتقابلت عينا أخي مع الرجل وتبادلتا نظرات عجيبة ثم لم يلبثا إلا وقول الرجل((الله يا.... ماعرفتني أنا زميلك فلان ....هلا هلا.....))) وأخي يعد الثواني والدقائق حتى تنفرج ويفتح ذلك الباب . ولكن فعلا على ماقال أبو نائف من احتشمت وتسترت فلا يحق للرجل الخجل من زوجته أو اخته ولكن ::::: أبو نايف ماشاء الله وش أدراك عن أنواع اللبس مرزاب وخفيفه!!!!!!! |
رد: حمده ومحمد
[quote=ابو تركي;374552]
موضوعك رووعه يا حمده عفوا يا مايميزني وجهة نظري إن محمد يعطيهم طناش ولا عليه منهم وانا فعلا ألاحظها قبل يومين قابلت أحد الزملاء بالصدفة في محل ومعه زوجته وأتوقع انه وقتها كان يتمنى الأرض تنشق وتبلعه لاحظت هذا من تصرفاته طبعا انا ما حاولت اسلم عليه لكن هو من الفجعه نط فيه وياخذني عربه وهو معاي الصباح في المدرسة ما أدري اش السر طيب خلي المدام تروح على جنب وسلم وسولف عادي ترى زوجتك ما انت جايبها من الشارع تنحرج منها وكلنا اللي متزوج واللي معاه أخته أو أمه يعني عادي جدا . لكن هذي تراكمات من اللآباء والأجداد ووصلت إلينا الآن أشكرك ما يميزني على روووعة الطرح دام لحمده عطاؤك [/ والله الاتقعدبها المسكينه شهر ماتنزل السوق الله يسامحكـ كان طنشت ولا سلمتـ خخ شاكره تواجدك العطر ابوتركي |
رد: حمده ومحمد
يعطيك العافية اختنا مايميزني لقب موضوع فعلا منتشر وبكثرة
الحرج من وجود الزوجة أو الأخت لا يكون إلا من رجل يتصور أن المرأة عيب أو تعتبر نقيصة بحقه فتجدينه يتهرب من مواجهة الرجال وبجانبه امرأة والله انه لعجب عجاب أليس ببيوتنا جميعا نساء أليس لدينا بنات وعندنا أخوات لماذا لا يكون هذا الحرج عندما يأتيك ضيوف ويجلسون بمجلسك وتذهب لتأتي بالقهوة من الداخل الم يعلمون بأنك أتيت بها من عند امرأة ... سيرد احدهم بقوله انه لم يشاهدها !! حسنا إذا أنت تقر بان هذه المرأة لم يشاهدها احد وهي بمنزلك وضيوفك بالمجلس لا يوجد معهم سواك .... لم يشاهدونها ناثرة شعرها ولم يتكلمون معها ولم يسلمون عليها أليس هذا صحيح !!!! وبالسوق أليست متسترة !! أم خرجت وهي ناثره شعرها ولابسه ملابس فاضحه !!! إذا أنت تقر في الحالتين بان امرأتك أو أين كانت هي امرأة محتشمة ببيتها فلا ترفع صوتها ولا تقابل الرجال ومحتشمة بالسوق كذلك .. أين مكمن الخلل في جعلك جبانا يستحي ويخجل من الخروج بصحبة محارمه . انه فيك عزيزي إنها عقدة النقص داخلك تخرج دون علمك ..... انه الازدراء للأخر والتقليل من إنسانيته وكرامته ...... نعم أنت مريض وتحتاج علاج فالمرأة المحتشمة ببيتها والرجال بمجلسك هي نفسها معك بالسوق أو بأي مكان في العالم . إن كنت تريد أن تكون رجلا كامل الرجولة في عين محارمك فلا تكن بوجهين ..... أخاف أن أطيل في المداخلة فاخرج بما لا أريد ولكن هو مرض فينا الرجال نستحي من الاسم ونستحي من وجود المرأة بجانبنا بالسوق ونستحي من مكالمة التلفون و .... |
| الساعة الآن 05:31 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by