منتديات بلاد ثمالة - تدخن ابيض ؟؟ منت برجال.. الله يرحم ايام ابو بس

منتديات بلاد ثمالة (http://www.thomala.com/vb/index.php)

- الــمـنـتـدى الـعـام (http://www.thomala.com/vb/forumdisplay.php?f=4)

- - تدخن ابيض ؟؟ منت برجال.. الله يرحم ايام ابو بس (http://www.thomala.com/vb/showthread.php?t=17531)

تدخن ابيض ؟؟ منت برجال.. الله يرحم ايام ابو بس

salam:

بسم الله الرحمن الرحيم

في يوم من الايام كنت طالع الصباح اوصل اخوي المدرسه

بعد ماحطيته عند باب المدرسه وطلعت لقيت ولدين جالسين بالزاويه

بعيد عن المدرسه

المهم انا مهدي واسمعهم يسولفون

واحد يسأل الثاني يقوله وش دخانك

قاله ادخن ابيض

قال قم يالورع راحت ايامك يا ابو بس ( ابو بس من اثقل الزجاير الموجوده على ما اضن )

ويكمل كلام يقوله : انت موب رجال :22:

قاله ليه

قال مارلبورو ابيض حق الوراعين

امسك امسك دخن دخان الرجال

المشكله الثنين هذولا اعمارهم يتراوح بين 13-16 سنه:24:

يعني بعمر الزهور

وجالسين حرق دخان ورى المدرسه :24:

وقبل كنت اروح دايم لقهوة ابو هيثم ايام الاختبارات

اشوف العجب والله

وراعين :19: (اقصد اولاد) والله يعني من صغرهم استحي اكلمهم

احصلهم ماسكين ذاك الجراك وجالسين حرق

لا وحاطين رجل على رجل بعد

زبدة الكلام

اشوف عادة التدخين صارت واجبه عند اغلب الشباب( ياانك تدخن ولا منت رجال )

لا ويليت دخان عادي

لازم ملبورو احمر حبتييين يالرجال :19:

وانا والله متأكد الغلط مو منهم

من الاهل

وكمان من الفراغ

يعني لو كان الواحد فيهم مهتم بؤمور اخرى

مثل المذاكرة او الشعر او الرياضه ... و .و. الخ

مافيه معاهد عندنا تشغل وقت فراغ هالشباب

وانا فكرت بطريقه نعالج فيها هذه الظاهره

وأشوف ان الحل الوحيد هو

- اي شاب يجب ان يرتبط بهوايه معينه ويدخل معهد وينمي هذه الهواية الى ان تصير مهنه

- عدم بيع الدخان للصغار وحتى لو كان الولد شاريه لابوه
( وتشوف ابو هنود كل ماجاه ورع من هالوراعين قال ابي دخان عطاه على طول ) ماعندهم لاذمه ولا ضمير الله لايوفقهم:23:

- تربية الاهل ( من اهم الاشياء )

لاني اشوف هالايام الطاسه ضايعه

الاهل في وادي والاولاد في وادي ثاني :28:

اسف على الاطاله بس شي يحرق القلب والله

تحياتي