منتديات بلاد ثمالة

قصيدة الأستاذ / ناصر السعيد

بعنوان / الأسهم

...

الأسهم اللي غربلتنا غرابيل ... الله يكافي من بقايا شررها

صرنا بها مابين رقوى وتحويل ... ما عاد أميز ربحها من خطرها

كل القوارب غرقتها الأساطيل ... صرنا على ما قيل نشرب بحرها

شفنا الغبن والكذب والحيف والميل ... فعايل الهامور محد ( ن ) خبرها

ناس ( ن ) خذت من وافي المِــد والكيل ... ترعى البساتين الخضر من ثمرها

وحد ( ن ) وطى الجمر الحمر يشكي الويل ... الله يعينه من لهايب سعرها

لا والله اللي ضللونا هلا القيل ... دعاية ( ن ) لا عاد منهو نشرها

كل ( ن ) على كيفه يجيب التحاليل ... حطوا ابيدنا الشمس ويا قمرها

صرنا مثل نمل ( ن ) وطتها الهماميل ... تنشر بقايا عيشها عن مطرها

هبت عليها الريح في تالي الليل ... والصبح جاها الطير يمشي بثرها

هذا نصيبك ياردي المحاصيل ... تجمع لغيرك وانت تشرب كدرها

الله يبدل عسرها بالتساهيل ... والا نبيع الدار واللي عمرها

حنا فريسه والجماعه حبابيل ... راحت مصالحنا مع اللي غدرها

صرنا على ما قيل مثل المهابيل ... والنفس ما تلام سبت قهرها

حتى رواتبنا مع الدين تحويل ... صرنا نحسب أيامها مع شهرها