عاتب الغالي
 

اعتب دوماً على من احب ومن يقدر
(اهداء إلى صديقي الغالي ) متمنياً ان تحوز على رضاكم

[POEM="font="Arabic Transparent,5,deeppink,bold,italic" bkcolor="white" bkimage="" border="solid,4,gray" type=1 line=0 align=center use=ex num="0,black""]عاتب اللي له في قلبك ياولد قدر ومكانه = بالمعاتب والمحبة نرتجي حلو الاماني
آنا باعتب واتشرهه مو علشاني عشانه = قلبي لوماهويحبه ماهو لعتابه دعاني
ادري إنك ماقصدت وماتعمدت الإهانه = بس كلمه قلتها لي يالخوي هزت كياني
الخطا يافلان واضح مايبيله استبانه = بس انا قلبي سموح ويغفر الزلة بثواني
الرجل يوزن كلامه قبل لا ينطق لسانه = المصايب والمشاكل ساسها زلة لساني
العقل ياصاح زينه مادخل شي(ن)وشانه = والغضب يعمي عيونك عن مفاهيم المعاني
ليه مانكبت جماحه قبل لايطلق عنانه = لانه لو اطلق عنانه يقلب السبعه ثماني
دوم اشوفك يارفيقي عقل واصرار ورزانه = ودوم اشوفك يارفيقي رمز عنوانه تفاني
قلبك الطيب واعرفه عمره مايفقد حنانه = لاتغير نظرتي لك لاجل ما اكره زماني
لا ورب الكون والي نرتجي سكنى جنانه = ماتغيرنا مشاكل ولا يفرقنا مكاني[/POEM]

رد : عاتب الغالي
 

هذا انت
مثل ما انت شاعر جميل
هكذا يكون الصديق لصديقه

رد : عاتب الغالي
 

صح لسانك أخي الكريم
والقصيدة جميلة ورائعة

إذا كنت في كل الأمور معاتبا ***صديقك فلن تلق الذي لا تعاتبه

يقولون العتاب على قدر المحبة

رد : عاتب الغالي
 

الرجل يوزن كلامه قبل لا ينطـق لسانـه
المصايب والمشاكل ساسها زلـة لسانـي

احسنت
صح لسانك وسلم بنانك

رد : عاتب الغالي
 

(بن سلمان ) ( ابو عبد الرحمن ) ( ابو نايف)


شهادتكم وسام على صدري افخر بها وتحفزني لتقديم ما يحوز على رضاكم

فشكراً لكم

رد : عاتب الغالي
 

الرجل يوزن كلامه قبل ماينطق لسانه
كلااااام جميل رائع ومفردات تنم عن شخصية موهووووبه
اتمنى لك المزيد من التوفيق

عاتب الغالي وقله هذا انا 00وهذي امانه اصفح الزلات وانسى ومن يدورني لقاني

رد : عاتب الغالي
 

هذا أنت
المؤمن مرآة أخيه
والعتب صابون القلوب
تعبير جميل وصح لسانك.

رد : عاتب الغالي
 

الاخ ابو عادل الأخت ريمان
شكراً على إطرائكم معتزاً بآرائكم

رد : عاتب الغالي
 

اعذرني على التاخر في قرائة هذه الرائعه الفارعه

نظم وابداع مبنى ومعنى

رد : عاتب الغالي
 

[POEM="font="Andalus,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ادري إنك ماقصدت وماتعمـدت الإهانـه
بس كلمه قلتها لي يالخوي هزت كيانـي[/POEM]
ماقصرت ياطويل العمر
والصديق ماينتعوض
الف شكر على الموضوع الجميل
تحياتي,,,