منتديات بلاد ثمالة

إخوتي في الله وأبناء عمومتي في العروبة وجماعتي المحترمين
سلام عليكم من الله ورحمة منه وبركات 0 وبعد
نظرا لتعرض والدتي أطال الله في عمرها وعفاها لمرض الوجه ونظرا لقرب موعد الإمتحانات استبيحكم عذرا في توديعكم وترك المنتدى ريثما
تزول الظروف كما أخبركم بسماحي لكم دون إستثناء وأرجو منكم السماح
ومن في نفسه شيء فليخبرني ليقتص مني
أحبتي وأنا أودعكم و أودع منتدانا الحبيب والذي صلت فيه وجلت معكم ولمدة ثلاثة أشهر
كانت بمثابة رحلة ممتعة وشاقه في نفس الوقت سأعود إليكم بمشيئة الله
فاحفظوا عهدي كحفظي لعهدكم هذا والله أسأل أن يديم عليكم الصحة والعافية إنه جواد كريم

وإليكم أحبتي هذه القصيدة القديمة كهدية مني لكم وهي تعبر عن نفسها

[poem=font="Arial,4,0000FF,normal,normal" bkcolor="" bkImage="image/backgrounds/2.gif" sdImage="" border="none,4,FFCC33," type=0 line=1 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
سلام حامي مِثل صفْق الرصاصي=في صافي الصخر الصليب اسعر النار
والا كما الصاعق صعق بالصياصي=عقب العصر صارم َصهَر صُفر الاحجار
والا كما البارق برق بالعراصي=في نصف ليل اسود كشف قاصي الغار
واسرع من الصاروخ من بعد حاصي=عن بتريوت ناصيه من قاعده طار
ماهو لمن صف الصّيغ والخراصي=تعكس ليا من هرمس الليل الانوار
لي قلت ضيّك والشّعَر للخماصي= قصّر بنفحات الشّعَر ضي جهّار
هاذاك صرفدني مجعِص وعاصي=صرت ب يساره صفر من عز الاصفار
عساه بمصيبه تجي بالعصاصي=فلْتة زمان الغيد أبو عيون شُطّار
هذا سلام أسخيه لاهل المناصي=مخصوص للنايف ولد صقر الاقطار
من جامعي زعلان بطنه يصاصي=غصب اشتكى من لسعة الجوع بالدّار
البيت فيه الحي فاضي القلاصي=والعين شوف العين تغرق وتحتار
وفلوس خلق الله تجيب النغاصي=أقفز نصيف الليل من هم واكدار
ياسيّدي مابين داني وقاصي=عامين ادوّر للعمل ذقت الامرار
هذا القطاع اللي حكومي وخاصّي=ماعندهم ياسيّدي غير الاعذار
حتى السبانخ بعتها فوق شاصي= ما ارتحت في بيعي وانا جنب دُوّار
وشريت لي نعجه مع أربع رعاصي= قالوا المرض فيها وقصّاف الاعمار
ياخذك من راسك لحد الفصاصي=يصدعك يا مصدوع ولياك منهار
وان كان تاكلها يجيك المغاصي=وتموت في ساعه على عين بيطار
وهذا الحطب والقنص احب القناصي=قالوا انت لا تقنص ولا تقطع اشجار
وحرست انا الكوره بكل إرتعاصي= واكلت لي كبري وركله وإنذار
من واحدٍ فلفول يعفص عفاصي=خاوز مع الحاكم على ضرب الاحرار
ومريت انا اهل الفن واهل الرقاصي=قالوالي صوتك شين لخبطت الاوتار
وهذا صديق وبُص مثل النياصي=قالوا صديق مافي سباكه ونجّار
عوّدت أدق الكرت شوكت وهاصي=في جلسة الشُطّار سامي وعمّار
قالوا لي لاتلعب عساك البراصي=خرّبت جلستنا بشريات خُسار
وهذا المرور يقول وين الفحاصي=قلت الدراهم وين قالوا انت مكّار
غديت مثل الطير جوف القفاصي= والا كما المطروح من سيف بتّار
وُدِي بعمل لو كان يامير باصي= والا بعد نجمه على الكتف وش صار
مشتاق أباقف لك وادق الكلاصي=وأحمي بعد ديني وشيخي والاسوار
وإن ماحصل لي الكيف فوق الخِلاصي= واكرمت انا ضيفي على عِز واغرار
إني لروح القدس من بعد ماصِي=فالخلد لي رحمه من الله واستار
أحسن من العَطلَه وبيع القراصي=واحسن من الفتنه على روس الاخيار
واحسن من الغيبه وطبع اللصاصي=واحسن من الصدمه تجي من خوي بار
واحسن من النوله بضرب البلاصي=واحسن من الضحكة تجي راس مسمار
اللي على وضح النقا دوم ناصي=ماهو سواة اللي يلفلف وغدّار
الخاين اللي عَز بارض النماصي= واليوم بالبصره على الذل صبّار
راحت علومه أرباع مدري نصاصي=لو يلتثم قرنين مايمسح العار
والثاني المنزوغ هاك الحباصي=ماركّب البرقع على شوف الانظار
وش ناقص المسلوق مابه نقاصي=كود الحسد وابليس خلاه ثرثار
حقه من الشرع أكتمل بالحصاصي=ماهو من القانون لاصارثوّار
والمُلك باذن الله على الحق راسي=وهّابه المعبود علام الاسرار
تعب عليه الصقر داس الحصاصي=يوم الجزيره اشتات والناس باشرار
خلّصت انا علمي وقبل الخلاصي=العذر يا النايف على كل مادار
وان كنت انا مخطي تولّى القصاصي=والربع في الذمه ليا صرت تذكار[/poem]
أستودعكم الله الذي لاتضيع ودائعه

[blink]أخوكم خلف الكيماوي [/blink]