منتديات بلاد ثمالة - امانة كل مايطري عليك البعد علمني

أمانه لاتعلقني معاك وتنسحـب بسكــات"
أمانـه كل مايطـري عليك البعد علمـني

أمانة .. لا تعيشني على رجوى زمان ٍفات "
" إذا هان الذي بيني وبينك .. حّن .. وأرحمني

وأمانة .. لا توقفني على باب الأمل لحظات "
" ترى كل شي يهون .. إلا تروح ولا تكلمنّي

وتراها كلمة وحده بلا عذر وبلا إثبات "
" وإذا خفت الزعل منها .. تراها ما تزعلنّي

أنا أزعل يوم تنساني وأنا أتبع حلمي اللي مات "
" وأنا أذكر ما دهى قلبي .. مابغى من يذكرني

بداية قصتي كلمة .. وآخر قصتي أبيات "
" عذاب ٍكل ما طالت سنينه شفت الموت طاولني

أنا اللي ما وفى حظي سوا بالهم واللوعات "
" أمنّي قلبي الطيب .. وأشوف الحظ خاينّي

أنا اللي ما أحتمل قلبي فراق اللي يبي .. هيهات "
" ألا لو يحتمل قلبي .. لا أجنّب من رحل عنّي

روى خدي من دموعي شبع قلبي من النكبّات "
" أظن الظن بأحبابي .. وما أسرع ما أختلف ظنّي

أزيف ضحكتي .. مهما بقى في خاطري ونّات "
" وأضمد طعنتي .. مهما ظروف الوقت ذلنّي

وترى لو شفتني أضحك وأجامل .. وأكثر الضحكات "
" ترى كل السنين اللي مضتلي .. ما ضحك سنّي

وإليّا مني فرحت بوقت بكيت فباقي الأوقات "
" وتبغاني بعد أسكت ..! وترحل ما تعلمنّي !

ترى ماني بناقص هم .. ودموع .. وحزن .. وآهات "
" أمااانة .. لا تعلقنّي بحبك .. لا تعلقنّي

أمانة .. يا آخر أحلامي .. أمانة يا أعذب الترفات "
" أمانة .. كل ما يطري عليك البعد .. علمنّي "؟

..ودمتم سالمين..