بيني وبين الشاعر الكبير بدر العجمي
 

أبو عادل

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سلام ومرحبا والبال صافي والعلوم سمان=على وضح النقا المجرود ناخذها ونعطيها
أبنشد "بدر" وش خلاّه يترك هضبة الصّمّان=قطع خط الرجوع ولابقي ماطاقـدم فيهـا[/POEM]

بدر العجمي
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هلا يامرحبا ترحيبة الصدقان والصفطان=على وضح النقا لا قلتها بقـول وثنيهـا
حقيقه يامشيلح لانى براضى ولا زعلان=شغلنا الوقت والضيفان مايرهم نخليهـا[/POEM]

أبو عادل
[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا يابدر يوم انشد وانا فكري مع العجمان=ومن يسرح من الديرة عمر ماعاديضويها
أبيك تحنّ للماضي وتستفسر من الجـدّان=لعلك لاعرفت رسومهـا تنـزل بواديهـا[/POEM]

بدر العجمي

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تقوله وانت مالاحقك شـك ونعرفـك بطـران=((تركبها على قمـة جبـل وتهـز رجليهـا))
حنين الماضى ابجوف الصدور وداخل الوجدان=توصينى وانـا مانـى علـى قولـك بناسيهـا[/POEM]

أبو عادل

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يمرّ الوقت ويصير الشجر ساق وثمر واغصان=ولاتعرف من ايات العـروق اللـي تسقيهـا
لكن لوتغرس الشتلة مع الشتلات في البستان=رواهـا عرقهـا وانتـه تراقبهـا وترويهـا[/POEM]

بدر العجمي

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تقول اهل المثايل ماش عود الا معـه دخـان=تسميهـا كـذا وانـا كـذا مثلـك بسميـهـا
ترا اهل السلطنه فالراحه القصوى مع السلطان=وجارتهم عسـى الرحمـن يحفظهـا ويبقيهـا[/POEM]

أبو عادل

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]صحيح اللي تقوله وانت ناظر كفة الميزان=ليامالـت كـذا والاكـذا تعـرف تواليهـا
تقول اهل المثل من لابنى في ديرته خسران=لياهبـت هبـوب العاصفـة لازم يخليهـا[/POEM]

بدر العجمي

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]علاكم ماعلانا كلبوها واحـده يافـلان=لا تامن واليالـى ماتعلمـك ابخوافيهـا
انا احب القناة الطيبه وشفق على الفقران=لقينـا مـن يغديهـا يمسـى مايعشيهـا[/POEM]


أبو عادل

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لياجاملتك ومشيتهـا قلـت العباداخـوان=لكن البحر لا يبعدك موجه عن شواطيهـا
لياخيّرت بين اثنين ياالعجمي جمل وحصان=وش اللي يوم تنزل سوقها فالحال تشريها[/POEM]

بدر العجمي

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انا بقرا عليك الفاتحه بسـم الله الرحمـن=عسى جنيتك تظهر وتسلم مـن بلاويهـا
ابختار الجمل يوم الجمال تصادم الضلعان=وابعطيك الحصان وقصتك لعاد تطريهـا[/POEM]

أبو عادل

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أجل مبروك دام ان الجمل يكفيـك فالميـدان=وخلّ الخيل مايعرف ثمنهـا غـار راعيهـا
وانا اللي طول عمري ماجفيت الاهل والخلان=أحب الوصل واهل الوصل نذكرها باساميهـا[/POEM]

بدر العجمي

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انا ماقول لك غلطان وانا مانى ابغلطـان=ترا الكفه على الكفـه وبالملـى نساويهـا
ولا ياطيب راسك مانغط النور ياكحيـلان=يابو عادة ..واصيله فالعرب.. متمسكن فيها[/POEM]

رد : بيني وبين الشاعر الكبير بدر العجمي
 

لم يضبط معي التنسيق
من استطاع أن ينسق المحاورة فليتفضل بتنسيقها مشكورا.

رد : بيني وبين الشاعر الكبير بدر العجمي
 

ليتك تضع الأبيات بدون تنسيق!!!

رد : بيني وبين الشاعر الكبير بدر العجمي
 

إن شاء الله هذا التنسيق مقبول..

وتجدني في خدمتك...

رد : بيني وبين الشاعر الكبير بدر العجمي
 

إبداع متميز
نعم هذا مانبحث عنه
(وخمسه وخميسه فعيون العدو )
كلام جاهلي وأعوذ بالله منه

رد : بيني وبين الشاعر الكبير بدر العجمي
 

سلمت أباع عادل

للتميز عنوان
وانت عنوانه

أبدعت في هذه المحاورة
كما أنت مبدع دائما ً في النظم أو محاوراتك على صفحات المنتدى
ولاننسى الإشادة بالشاعر بدر العجمي فلقد كان رائعاً أيضاَ ومتألقا ً
لا أملك سوى أن اقول بأن هذه المحاورة سفينة ولكن لها ربانان
قادها إلى الميناء فأحسنا قيادتها

لكما مني تقديري واحترامي
دمتما بخير

رد : بيني وبين الشاعر الكبير بدر العجمي
 

الشكر للشاعرين الجميلين

رد : بيني وبين الشاعر الكبير بدر العجمي
 

أبو عبدالرحمن
يعطيك العافية ، ماقصرت
شكرا لك على التنسيق وهو مناسب جدا.



بن داخل
مرورك تشريف
مشكور.



بن وافي
أشكرك على عبارات الثناء
وحقيقة فإن لك من التميز نصيب الأسد
يتضح ذلك من خلال أطروحاتك وتعليقاتك
الهادفة
تقبل تحياتي.


ماعندكم احد
شكرا لك على مرورك.