القاف شيب والمعاني تشيبي
 

[poem="font="Simplified Arabic,5,white,bold,normal" bkcolor="transparent" bkimage="images/backgrounds/32.gif" border="double,10,sienna" type=2 line=0 align=center use=ex num="0,black""]
لاقالوا احلف قلت ماني بحلاّف=وانا على الميعاد والله حسيبي
سيّرتها فالبحر من غير مجداف=واليا رميت بشيّة الله تصيبي
غصت وجلبت اللول من صمّ الاصداف=وجريت صوتي لاعوى كل ذيبي
وقفت وقفة عز في كل ميقاف=والله وكيلي فالنهار العصيبي
في داخل الميدان ماني فالاطراف=وان جارت الايام راسي صليبي
واليوم راحت هقوتي خلف وخلاف=ماجات من غير البعيد القريبي
المرجلة ماجابها هزّ الاكتاف=والودّ محد(ن) ياخذه بالغصيبي
والسيف ماهو سيف من غير سيّاف=يقضب نصابه في ملاقا الطليبي
ماعاد لي في ديرة الحرّ مصياف=وانا بوسط الدار مثل الغريبي
أثري هدف مقصود من كل حذاف= وانا بدى في مفرق الراس شيبي
واليا طلع صحاف يبراه صحّاف=خله يسمي وقفتي ساس عيبي
هذا وانا اللي عشت في عصر الانصاف=لكن مالي فيه حظ ونصيبي
ياعاذلي خلك على راس مشراف= وانظر بعينك في حدور الشعيبي
وان كان باقي عندك نعوت واوصاف=عجّل بها قدام وقت المغيبي
وانا هذا عذري بعد شيّب القاف=القاف شايب والمعاني تشيبي
والعارفة يلقى من الناس عرّاف=(وضيم الرفاقة علة ماتطيبي)

[/poem]

رد : القاف شيب والمعاني تشيبي
 

حكيم ...حكيم ...يا ابو عادل

صح لسانك...وسلم بنانك..

رد : القاف شيب والمعاني تشيبي
 

لاقالوا احلـف قلـت مانـي بحـلاّف
وانـا علـى الميعـاد والله حسيـبـي
سيّرتها فالبحـر مـن غيـر مجـداف
واليـا رميـت بشيّـة الله تصيـبـي
غصت وجلبت اللول من صمّ الاصداف
وجريت صوتـي لاعـوى كـل ذيبـي
وقفت وقفـة عـز فـي كـل ميقـاف
والله وكيلـي فالنـهـار العصيـبـي
في داخل الميـدان مانـي فالاطـراف
وان جـارت الايـام راسـي صليبـي

ونعم وستت انعام بك يا أبو عادل
وصح لسانك

رد : القاف شيب والمعاني تشيبي
 

صح لسانك يابو عادل
وما هو أنت اللي يشيب قافك

رد : القاف شيب والمعاني تشيبي
 

ياعلم ياعلم ياعلم
الله عليك يابو عادل هذا الشعر اللى يروي الضميان
معنى ومبني ومفرده
وحكمه شهادة حق قريتها اكثر من مره

رد : القاف شيب والمعاني تشيبي
 

قصيدة شامخة وجميلة
وسلمت على هالقصيدة
يابوعادل انا قريتها عشر مرات
سلمت يمناك ولا عدمناك

رد : القاف شيب والمعاني تشيبي
 

رد : القاف شيب والمعاني تشيبي
 

اسبوعين انتظر قصيده غنيه بالشعر لكن اليوم وجدتها
شكرا عادل

رد : القاف شيب والمعاني تشيبي
 

لا هنت ولا شنت

صح لسانك

ابيض وجه يابو عادل

انعم واكرم

من دون البقيه احلف وربي شاهد
ان العز من عزك والفخر قبلك ولك وبعدك
ماشنا وجهك ولا كلا حد لحمك
الطيب ساسك وانقى كلام الرجال بانفاسك
ولو حامت اطيور الجو الحر طيرك
لو استسمى صنت سمعه لصوتك
كفيت ووفيت يابو عادل
تقبل تحياتي ,,,

رد : القاف شيب والمعاني تشيبي
 

الإخوة الأفاضل:
أبو عبدالرحمن
بن داخل
فارس الحرف
فارس الكلمة
سناالهجرة
ورد الهدى
مشعل الثمالي

أشكركم على مروركم وماتفضلتم به من تعليقات
لاهان ماتاكم.