منتديات بلاد ثمالة - على ريشة الذكرى تهب الهبوب عصير ( منقول) ..

بسم الله الرحمن الرحيم

السلام عليكم ،

على ريشة الذكرى تهبّ الهبوب اعصير
ويطرقنـي الهاجـوس لاقـام يطرقهـا

أنا ادناة مايثّر علـي لاحصـل تأثيـر
يضيق الصدر بالحيل واشماغي افهقهـا

وأسافر على ركب الخيـالات والتفكيـر
تعانقنـي الذكـرى القديمـه واعانقهـا

تذكرّتها ثـم بعدهـا ماذكـرت الخيـر
بعد زلّـت الأحـلام وازريـت احققهـا

على رحلةٍ فيها تغيّـر مسـار السيـر
أنا يـم مغربهـا وهـي يـم مشرقهـا

واردد ياليـت ولـو يالله عسـاه وميـر
واكذب على نفسـي بحلمـي واصدقهـا

علي ترسل الأحـزان ماتقبـل التأخيـر
كتايب جيوش الحـزن صفّـت فيالقهـا

سيوفٍ تسل وضرب شلف وخيول اتغير
ولا النفس تحييهـا ولا النفـس تشنقهـا

ولا اسمع من العذّال فيها ونصح امشيـر
من اقوالهم واذني عن اقوالهـم صقّهـا

لها في فؤادي حشمـه وقيمـه وتقديـر
وصوره على اجداره في عرقه معلّقهـا

أنا ميّت فيها وما صـار شـي يصيـر
اب/ اموت عاشقها وانا حـيّ عاشقهـا

لو السارق ايمينه ماتقطع قطـع تعزيـر
لا اسيّر على ابوها بحيـلات واسرقهـا

وتستاهـل الفلّـه وشغّالـه وشوفـيـر
وتأمـر وتنهـى خادمتهـا وسايقـهـا

مليحة جمال وحلـوة لسـان فالتعبيـر
ليـا سولفـت كـل السوالـف ترققهـا

وأقول السوالف منك يبغى لهـا تكريـر
ابا اشوف بعض احروفها كيف تنطقهـا

وتضحك وبيض اسنونها بالوصوف تحير
مثـل غيمـةٍ تـردم ولا لاح بارقـهـا

ووجهٍ بشوشٍ ما رأى الحزن والتكشيـر
ضياء صبحٍ أبلج ظلمـة الليـل يفلقهـا

وخصر امتمايل جايـع وادئـرٍ تدويـر
مثل عظّمها مـن كفّهـا ليـن مرفقهـا

ولو انّها تجلس ماتفرق جلـوس الغيـر
ولن وقفّت عـن غيرهـا بـان فارقهـا

ومنها يفوح العطـر والـورد والنوّيـر
على ويش ياللي عودة الطيـب تحرقهـا

بعد شابت الأحلام مـا جالهـا تفسيـر
وروحي ذبحها الهـم والبعـد وارهقهـا

عليها الذنوب اكبار والذنب لـه تكفيـر
ليا عادت ونفسي مـن السجـن تعتقهـا

وسلامتكم

الشاعر / جمال منير ..