بنت الجزيره
 

هذه قصيده كتبها احد الخليجين بعد قدومه من المغرب خلونا نشوف وش قال .؟





ياللي تنشد عن علوم الـذي طـاف
كل البحـور وكـل دولـه وديـره

خذ من علومي علم اوصافه اوصاف
جزل سميـن يشتعـل لـه سعيـده

الزين عقـب المغربيـات ينعـاف
غيد لهن بالزيـن ذكـره و سيـره

فيهن حلا طاغي وليـن و تعطـاف
وفيهن حنان يشعل القلـب غيـره

حلوات وصف وفاهمات بالاعـراف
زيننات منطق صافيـات السريـره

بنات قوم طيبهم غصـب ينشـاف
اولاد مغـرب باللـيـل العسـيـره

ياللي تنشد عن علومي بالانصـاف
هرجي يكفي صاملـه عـن كثيـره

الزين في لميا وتغريـد و الطـاف
ماهوب في حصه و كشره و منيره

-----------------

رد على القصيده





قال الذي في بدع الامثال صـراف
جزل يفـرق بيـن درهـم وليـره


ياللي مدحت المغربيـات بجحـاف
الله يجيرك مـن عمـاه البصيـره


لو تعجبك لميا وتغريـد والطـاف
مايصلحن لهل الوجيـه السفيـره


مفصخات و لبسهم حـول الارداف
وبليس اغواهم بكشـف الستيـره


متعـودات كلهـم زيـف وخفـاف
على التغنـج والتعطـف وغيـره


كل يوم مع صاحب و لافيهم اعفاف
خويهـم اللـي فلوسـه كثـيـره


ترى البضايع عده اشكال و اصناف
وكل ينوخ وسـط سوقـه بعيـره


عز الله ان الطيب في بنت الاشراف
اللي على الحشمه تربـت صغيـره


ولا تبيـن منهـا كـود الاطـراف
مثل القماشـه فالبحـور الغزيـره


ياللي تدور بالجواهر و الاصـداف
الزين كلـه فـي بنـات الجزيـره

-----------




وهذا رد للمرحوم طلال الرشيد (( الملتاع )) .. الله يرحمه





يابن الحلال ان طعتني خل الاسـراف
واترك جمال الغيد لاهـل البصيـره

الزين موبس في الملامح والاوصاف
الزين روح وعفـه وطيـب سيـره

مانيب من يهوى سريـا وانصـاف
انا هـواي وبـس بنـت الجزيـره

بنت الخليج اللي تمـاري بالاعـراف
وحنا نمـاري باسمهـا كـل ديـره

مالي غرام بقـول وخـا وبالـزاف
اذبحتني عنـد الطرحـه المستديـره

احب قولة ياهـلا وعـل وماخـلاف
من بنت ثوبي بنت الارض النضيـره

اللي تحلاها الظبي حلـو الاطـراف
جمـال فـي عفـه ورقـه وغيـره

واللي بها سحر مهو سحـر عـراف
ياعـل عيـن ماتـراهـا ضـريـره

عطف وحنان وذوق في لين الاعطاف
والى كشفت لثامهـا شفـت أميـره

صعب على اللي بالردي شاف ماعاف
وحلوه علىاللي سنـه الله ضميـره

شمس الى من اشرقت والدجا طـاف
غابت نجومك غصب لو هي كثيـره

السيف مايزهى سوى كـف سيـاف
والخيـل دون حصانهـا مستخيـره

بس أنت دورلك علـى قـدك لحـاف
وان طعتنـي دور بدلنـا عشـيـره
__________________
م
ن
ق
و
ل
مع التحية

بدون عنوان