بـــــلاك مــاتــــدري


[POEM="font="Simplified Arabic,5,white,bold,normal" bkcolor="transparent" bkimage="images/backgrounds/37.gif" border="none,4,gray" type=2 line=0 align=center use=ex num="0,black""]
يا راسي اللي مكتسي ناصع الثلج=هشيم .. والثلج انتشر فيه واعماه
ماهو بيم اللي يعارض ويحتج=بعد البياض اصبح رفيقه وخاواه
يدوج في دنياه .. لين الفكر دج=اليوم يبغى شي .. واليوم ينساه
والعقل لامن سج .. بادنى فكر سج=تفكير ما يذكر .. يخمه وياطاه
ماهو بلا عادل .. ولاهو بمعوج=ماني بعارف رايق الفكر وش جاه؟
تلقاه من فج(ن) عميق(ن) ليا فج=كن الهواجس بنت عمه .. وتنخاه!
والا كفر ماهو مرصص وإذا رج=يرتج من حوله .. وكل(ن) تعداه
وجدي على فنجال بن(ن) محوج=مع تمرة(ن) من ريق عذرى محلاه
ذات الحجاج الفج .. والناظر ادعج=والخصر خاتم يشكي الضيق مفجاه
والصدر مع باقي حلاياه مدمج=ضلل على الخصر النحيل وتعلاه
وارداف واكتاف(ن) ليا جت ترجرج=تتعبك ما تلقى لها اوصاف واشباه
حليلة(ن) ننسى بها الناس ونهج=تنسي كلام فلان وفلان وسواه
لوكنت في ليل(ن) دجى حالك ابلج=خدودها من ظلمة الليل منجاه
مثل القمر خمسة عشر يوم يسرج=كل النجوم تحوم حوله وتبغاه
واقرانها لو منهن اللي تفرج=تعاف ما معها من الزين والجاه
ماهو جمال المترفات المدبلج=اللي كثير من المكاييج غطاه
ياصاحبي هاك العلوم وتحجج=يمكن تصم آذآن وتسكر افواه
ماهو بعيب ان الكبير ايتزوح=بنت(ن) تقدر شيب راسه وترعاه
بنت(ن) لها باقصاه مدخل ومخرج=لا جا تعناها .. ولا جت تعناه
ذات الجديل المدلهم المدرج=آسج قدام انتهي فيه وابداه
ساع انسدل فوق الجبين ايتوهج=بيدينها عن مفرق الحج تكفاه
ويموج لين اقصى المتون ايتعوج=حتى النظر ما يدرك اقصاه وادناه
أسود .. على مضمار ثلج ايتزلج=زاد اجتمع ضدين .. تبرز حلاياه
يا لايمي يوم استحي وآتحرج=بلاك ماتدري وش ابداه وخفاه
هرج آتورا فيه .. واتيه عن هرج=بعض القصيد ان ما حكمناه عفناه
ياما من اوصافه على قافية (أج)=لكن بعض الهرج محرج ولا اقواه
عساني اسلم من كلام(ن) تروج=بعض الكلام اخشاه واخشى تقفاه
إي والله اني ياكثر ماني احوج=للحط .. لو شفت آترجاه وانخاه
عساه حظ(ن) لو بعد كبر يفرج=وانول شي(ن) ياكثر ما تمناه
واليا حصل خلوني آسج وآهج=وامشي وكف امناي في كف يمناه
واصوم وآصلي مع الناس وآحج=واتوب عن ذنب مع الوقت شلناه
[/POEM]

صح لسانك ايها الشاعر المتمرس

رغم صعوبة القافية الا انك اخرجت نصا في غاية الجمال

المشاركة الأصلية كتبت بواسطة تحت الصفر (المشاركة 492856) بـــــلاك مــاتــــدري [poem="font="Simplified Arabic,5,white,bold,normal" bkcolor="transparent" bkimage="images/backgrounds/37.gif" border="none,4,gray" type=2 line=0 align=center use=ex num="0,black""] ياما من اوصافه على قافية (أج)=لكن بعض الهرج محرج ولا اقواه [/poem]

المشاركة الأصلية كتبت بواسطة مجنونها (المشاركة 492862) دام للمنتديات عطاؤك مدري ليه أول ما قرأت العنوان بلاك بيري ولقيت النص غير ثم رجعت للعنوان صح لسانك يا تحت الصفر

دام عزك يا وطن
ودام توجدك يا مجنوها

آآآآآآآآآهـ يا تسبدي تسبداهـ
من سوالفك يا مجنونها!!!
فطست من الضحك على تعليقك هذا .. الله انه يسعدك دنيا وآخرهـ

طيب وشلون لقيت النص .. ما قلت لي ؟؟
مثل البلاك بيري والا أطلق ؟؟

المشاركة الأصلية كتبت بواسطة أبو رامز (المشاركة 492867) بلاك لها عدة معاني... صح لسانك...

هــذا بلا ابو يا عقاب !!
أبو رامز أنت أفهم المعنى الأقرب للذهن
ولا تسبح بخيالك وبعـــيد ..!!

صح بدنك زائري العزيز

المشاركة الأصلية كتبت بواسطة Maram (المشاركة 492878) يعطيك العاااااافيه

المشاركة الأصلية كتبت بواسطة النجم الساهر (المشاركة 492972) صح لسانك ايها الشاعر المتمرس رغم صعوبة القافية الا انك اخرجت نصا في غاية الجمال

صح بـــــــــــدنــك يا مضيء الفضى
أنت ممن أستقي رواء أحرفي من معينه

كانت هذه الأحرف .. بمثابة الوسام الشرفي ..
قلدتني إياهـ أيها النجم الساهر