بسم الله الرحمن الرحيم
[poem="type=1 color=#000000 font="bold medium Tahoma, Verdana, Arial, Helvetica, sans-serif""]




أخير منها لو اِدرقنا وغبنا = عن واحد(ن) ماهو للريا ملايم


تكفى ياسامي جاعِلنّا نشبنا = نشبة عمى في ليل ظلما وغايم


القصد فصحاب الفضيلة تعبنا = اللي على رُوْسُمْ تواما العمايم


ومن الحروف الأبجدية كتبنا = العُود الأزرق جاب ريح النسايم


من عند من ودّه يشذب عصبنا = زور(ن) على بهتان ظلم ونمايم


ماني بعارف يابشر وش سببنا = في يومنا الحاضر ويوم القدايم


و انّ قِلت ابجازيه يحمى أدبنا = يحماه لو الدم فالحزم حايم


لو كان ماينسب نسبه لنسبنا = أعفي عنه لو كنت باللّوم لايم


و ان أقبلوا يمشون حنا ركبنا = على المطايا كاسبين الغنايم


من كثر ماشفنا من الوقت شبْنا = والشيب ماهو عيب عيب الظلايم


ماني بظالم شايب(ن) من عربنا = ولاني بمادح واحد(ن) سار هايم


أعمى بصيره عامر(ن) بيت لبنا = جعله على راسه بعدنا يدايم


البيت لِبْن وكانز(ن) فيه تبنا = والتبن مايُعطى يقع للبهايم


اِبيوت تُهدم هدم و بيوت تُبْنا = وبيت الكرم والعز باساس قايم


نواف يعنني كما منت تعنا = تكفى يابو يوسف قوي العزايم


دوّر على الجيد وحقق طلبنا = وترى المذاهب ماتجي بالزعايم


انشد وتلقى فالرياجيل زبنا = زبن الدخيل مفطره كل صايم


هذي وصاة العُوْد قدام يفنا =احفظ وصاته واصحى لن كنت نايم


لاتنخدع للجهل وتقول صبّنا = ترى الكِبر والجهل بيت الهزايم

[/poem]

(ابو عبدالرحمن)شكرا على المرور وشكر اعلى إطلاعك على الرساله

المشاركة الأصلية كتبت بواسطة صقر الحجاز (المشاركة 593945) ابن مساعد جميل وخطير وصديق وعلوم غانمة

المشاركة الأصلية كتبت بواسطة الخلاوي (المشاركة 593931) كلامك جميل بابن مساعد بس(خطير)صح لسانك

لاتنخدع للجهل وتقول صبّنا ترى الكِبر والجهل بيت الهزايم