من سوالف وخوالف منقاش
 

الليله مانا شكره يالرفاقه , وعلابيه وعكاكيني توجعني وكراعيني ما تقلني ,, آه آه واراسك يا منقاش
ما هي ألا سلامتكم : اليوم عصر مريت من عند المسجد وقلت في نفسي ليه ما تصلي مع جماعتك يا منقاش لو يوم في الاسبوع , قرشت حماري في واحد من مواقف الحمير جنب المسجد وربطته بخطامه ودخلت المسجد وصليت قبل أذان العصر ثلاث ركعات سنه , وبعد قليل ألا وداخل علينا المسجد واحد قليل خاتمه من الجماعه من كرهتي فيه سرت ما أصلي الجمعه في مسجد الجماعه حتى لا أشوف وجهه والا مقفاه .
وليته دخل وتنحى عني بعيد في المسجد لكن الماخوذ وهو ما يدري جاء على يساري وجنبي في الصف وكبر وسمعته يقرا التحيات وهو واقف وانا سرحت عنه بعدها في الهواجيس واتذكر أيام شبابي وعلوما راحت.
على غفله مني الا والرجال ملتفت عليه وهو جالس وأسمعه يقول السلام عليكم , أحسب الماخوذ يرد عليه السلام واثره يسلم تسليم الصلاه , هو قالها وانا أرد عليه : ألله لا يسلمك يا سويد الوجه وياقليل المذهب والخاتمه , ثم تناوشنا بعضنا بالقتال ونطيح على الفراش ونحوسه حتى ما عاد تعرف أوله من آخره ونكسر على بعضنا عصا الفقيه اللي يخطب فيها .
فرع المصلين بيننا وفرقونا ويوم أقاموا الصلاه وانا أزيد ازرق خويي وابتركه واخنقه حتى قرب يطفي لو ما قوموني عنه الجماعه الحاضرين , هاثم طردوني برا المسجد قبل أصلي واعود أسحب نفسي حتى ضويت بيتي .
عاد أنا بكره ناوي أدعي على كل اللي في المسجد حتى لا يشهدون عليه واقول أنهم كنفوني ولعطوني ومرمروني ورموني برى المسجد ولا خلوني أصلي , والشيخ لي عليه يد في شهاده معه وظني أنه رايح يساعدني ويحكم لي عليهم .
وش رايكم يالرفاقه وسلامتكم ….

رد : من سوالف وخوالف منقاش
 

ليتني حضرت معهم
كان أشرت عليهم بشورة تخليك تحرم تصلي في جامع القرية
انت خربت علينا خزان الموية
كيف تسويه هذه السواة يا تعبان

رد : من سوالف وخوالف منقاش
 

سبحان الله اللي الناس ما يخلون النقد معك
اول بادي هذه قليل الخاتمة ما شاف يصلي العصر الا ساعة انت تجي المسجد , وثاني بادي بكرة لا تصلي معهم الجمعة , وان طعتني لا تصليها ابد , ويوم يجون يتعلمون عنك ليش ما صليت تتظاهر انك رايح فيها من لعطة امس , ولا تجاوبهم الا ونين , وانا برسلك رجال من طرفي يجيك عصير الجمعة يعلمك وش تسوي يوم السبت , واياني واياك العلم هذه اللي بيني وبينك يبدي , انا اعرف ان جماعتك فيهم حسد وهم حاسدينك على فقهك يوم تصلي قبل العصربثلاث ركعات , وحرموك اجر الجماعة والتسنن بعد العصر , هذولا الجهلة .

رد : من سوالف وخوالف منقاش
 

لا تشمت بدبرة حمار تجي في ظهرك
ليه التشفي والشماته يا رفيقي يا مبرد وانا كنت حازم بك الظهر . وليه التبلي والدعاوي بالباطل .
تدري , الحل أدعي عليك أنك كنت معهم في المسجد وضربتني معهم وهو هذا الصحيح بس أنا كنت ناسيك.
رفيقي بن سلمان : لا بله ما أبي أصلي معهم ولا فيه عاقل يبيهم , واللي يبي يجيني من الجماعه أنت والا غيرك ويصلي معي الجمعه في البيت الله يحيه .
لكن بكره الجمعه ناوي أسوي فيهم سواه تبرد قلبك .
هذا الفقيه ما يعرف يقول كلمتين في خطبة الجمعه الا من كتاب رافعه في المسجد وأنا ناوي أرسل واحد من ورعاني الليله يسرقه وندسه وخلهم يقعدون بها . أني منقاش .

رد : من سوالف وخوالف منقاش
 

اليوم اسمع ناس من المصلين يتمصخرون على الامام
يقولون جليب لهم خطبة عن صوم رمضان , وقتها عرفت انك نفذت العلم اللي في راسك , ووجهك ابيض يا منقاش .
بس ما عرفت وش بتسوي مع جماعة المسجد , ما ودك تسرح بكرة السبت للامير وتصكهم بذيك الشكوى على الاقل يقفلون المسجد اللي قلبوة من بيت لله الب بيت للفتنة والنقد .
ولا اوصيك ان كان المبرد معهم ادع وانا ابشهد حتى لو ما شفته .

رد : من سوالف وخوالف منقاش
 

يا منقاش ياللي زمانك ما ينعاش
ما والله اخبرك برثون ولا خبرتك الا رجال ما تخلي لك حق
كني اقرا في علومك خوف وجبن بمربى , فز يامال العافيه وصبح الامارة بكرة واحمد الله الحين في يدك معتدي اللي هو المبرد وفي يدك شاهد اللي هو بن سلمان

رد : من سوالف وخوالف منقاش
 

شكرا للكمال العقال اللي ما ردوا عليه
أما اللي ردوا عليه ويحرشوني على رفاقتي أعتبروها آخر مره أسمح بها لكم خصوصا أنت يبن سلمان ومشتاق.

رد : من سوالف وخوالف منقاش
 

منقاش
ترا ما نت لاقي لخرابيشك الا انا والمشتاق
ابو عادل رزوه الرجاجيل ولا عاد يشوف احد
وبن داخل مواعدينه بولاية العهد
وحسن عابد مثل حاجب الوالي
وبن عزاب امير الجند و ما غير يرعد ويزبد على كل هرجه
بغى يفشلنا مع الشاعر العرابي كل يوم وهو ناقز له وش اسمك
يذكرني بعيد وسعيد خويا الاقزوز

رد : من سوالف وخوالف منقاش
 

يا مخاوي منقاش شوف خويك كيف مرغ الرجال في المسجد .

رد : من سوالف وخوالف منقاش
 

يابن فحاص الحرب له ميادين ماهي بالمساجد والرجال لا صار يعرف ان عندة ناس يبون يفكونه يصير شجاع وذكر منقاش يوم يتصل يبي حمود ويغلط بالرقمويرد غلية رجال شراني وكلم مرة ثانية بنفس الرقم والرجال يزعل ويسب في منقاش ويحاول منقاش يعتذر وهذاك نازل سب اخرها قال له منقاش ان كان انك رجال قابلني تحت كبري الحوية بعد عشر دقايق وخلك شجاع لا تجمع من الحوش جماعتك ابغ راسي وراسك بس قال له هذاك والله الا اجي وينزل منقاش السماعة ويتاكد ان باب الشقة مقفل ويقفل على نفسة غرفة النوم وينام 00هذه شجاعة منقاش الي انا خابرها
والله يبن سلمان ان القصة حقيقية 100%