مجرد أنذار
 

قبل ثلاثه أيام هبطت السوق , وكان معي أجبان وقطعة جلب من حلالي فيه الضاينه والماعز وفيه السدس والرباع والجذع وفيه اللي قارح ما فيها ولا سن ,, ومعي معها كم هوريه برشومي وحماط ... ما علينا , ولا هذا المهم ..
الأهم أني وأنا في حلقة الخضره أضرم حماري وانقي من جلدي شوك عطايا الله الشفوي الا وهاك الرجال اللي في قامة راعي السواني وفي سحنة قليل الخاتمه رويعي الغنم مقبل يمي حتى وصلني ورد عليه . فزيت له واقف من يوم أقبل ناصيني وسلمنا على بعضنا بالوجيه وطلع يعرفني وانا ما أعرفه , وطلع يشتغل في المدينه اللي تحجب المنتديات والمواقع التكرونيه , وجاي من الرياض يبغي يحضر عزيمة صاحبه ابن عبدالعزيز (القرى) ويتمشى على الطايف .
في عرض علومه لي قال : تراني يا منقاش أعرفك من الكنفيوتر حق ثماله وغيري ملايين مثلي يعرفونك , واقرا اللي تكتبه أول بأول مره من اليمين ومره من الشمال ومره من فوق لأسفل ومره من أسفل لفوق , واحيان أتحفظه غيب واخلي مرتي تسمعه لي قبل تغفي عيني وانام ..
كلامك كله درر وجواهر يا شيخ منقاش , ولو ما أنت كان أمدي منتدى ثماله خاوي من زمان واصبح مثل الخرابه الدامره اللي أصبحت هجار ما أحد يمر عليها , لكن شرواك يا منقاش ثروه علميه تحيي ألأوطان , وتجيه الناس وهو ما يروح لها ,, رديت عليه وقلت : صدقت ياللحيه الغانمه , لكن ترى الجماعه ما يقدروني واخرها شوفهم طينوها وافتكوا مني وسام المية ألف اللي فزت به عليهم , وزاد واحد من المشرفين يحطه تحت أسمه نكايه فيه وباطل من باطل , وسالفتي معهم سالفة المثل اللي يقول لا تنثر الدر أمام الخنازير..
أعتزا وقال : أنا أخو نوره أخوها ,, تقوله جد والا تمزح ؟. رديت عليه وقلت : هو عمرمنقاش قال شي غير الجد ؟؟, يا اخو نوره سواها فيه الرخوم , لكن ما يضيع حق ووراه طلاب , وان عاش راسي لا أرد عليهم التحيه بأحسن منها وارد لهم الصاع صاعين .
رد عليه وقال : وسع خاطرك واسمح بالك يا شيخ منقاش , ولك عليه أني أتصل هالحين على مدينة الحجب واخليها تخلط لهم حابلها مع نابلها وتحط لهم في الرز بصل وتحوس لهم منتداهم والموقع كله حويس حتى يعرفون قيمتك ويعطون الرجال اللي مثلك حقها .
ولا كذب الرجال , قال وأوفى ,, واتصل وانا عنده أتسمع ,,, والنتيجه كانت اللي عرفتوها وحصلت هاليومين لكنفيوتر ثماله , ولا رجع الكنفيوتر يشتغل ألا بعد أتصال مني عليه قلت له فيه : تكفى يا صاحبي خل الحوسه اللي جات لكنفيوتر ثماله مجرد أنذار , وطلبته يرد لكم الخدمه كم يوم حتى أشوف نهايتها معكم ..
هيه ,,, أية من أذانيكم تسمع ؟؟.

رد : مجرد أنذار
 

شووووووووووووف يا عم منقاش..

أتوقع ما حصلت المشاكل التي حصلت للمنتدى اللي من سبب هذا الوسام!!!

حتى الشركة والفنيين فيها وقفوا حائرين أمام هذه المشكلة...وحتى لا تتكرر ...

تم إلغاء هذه الوسام تمامًا ...يعني ليس بس نسحبه منك!!! بل إلغاء الفكرة!!!

والله الهادي إلى سواء السبيل

رد : مجرد أنذار
 

لاتضعف با ابا عبد الرحمن وانا راسي يهبه الهوا المدير الجديد او مايسمونة (الحاجب)
اعرفه مثل مااعرف منقاش ومعرفته ترفع الراس ماهي مثل منقاش انابرئي من صداقته الى بوم الدين وابي اساله بكرى اتشاالله عن اسباب المشكلة وانشرها قدام سكان المنتدى كلهم وان غدا لناظره لقريب ----

رد : مجرد أنذار
 

ابن فنحاص قل لقريبك ابو ابراهيم اناتدخلت بالموضوع ونشالله باخر رمضان نخلصها - هاحين ارسلو خطاب للملحقية الثقافية واذا رجع يرسلون خطاب للداخلية اثبات وجود في مقر الدراسة وللجنة تعقد اول جلساتها في رمضان واللي جايز له روتين الحكومة ولا يقعدعند امه وانا انصحة يشتغل لقاط برشومي بمزرعة الخبل منقاش لين تخلص اللجنة من الوناسة باوربا( وما مع الحر لجان) تكاليف التعقيب500 ريال متبرع بها لضحايا الاسهم من اعضاء المنتدى

رد : مجرد أنذار
 

مشكور يا مخاوي منقاش
والرساله وصلت ,,,,وتعليقي أقول فيه: هذا وهم تعليم عالي ويعطلون بروتينهم حقوق العباد لأشهر في عمليه من المفترض أن لا تزيد أجراءاتها عن ساعات .

رد : مجرد أنذار
 

انا موصي ابن فنحاص انت وشدخلك يالملقوف يارويعي الكلاب

رد : مجرد أنذار
 

أنطم , واقطع , أو أطقع واخس يا مخاوي منقاش .
ولو فيك خير ما سرت خوي لمنكاش , والشرهه على اللي يعبرك ويرد عليك وينزل عقله لمستوى عقلك أنت ومنقاش .
تبا لك من أحمق مأفون ( ترى ما أعرف معنى المأفون لكن أعرف أنها سبه وبس) .

رد : مجرد أنذار
 

تبي وسام يا منقاش
http://smilesgate.com/smiles/4/6.gif

رد : مجرد أنذار
 

يبو تركي
ما عاد أبغي لكم أوسمه مادام عندي وسام احسن منكم كلكم شوفه جنبي في الصوره .

رد : مجرد أنذار
 

الاخ ابو عبدالرحمن /بلغ السيل الزبي(وعلى طاري السيل يقولون ان ثمالة تعرضت لسيل عظيم يسمونه سيل الثلاثاء وكان منقاش بالمزرعة والسيل كل ماله ويزيد ومنقاش فيساله ابوه وش اخبار كان يسمع مني كلمات عربية وامثال ويرددها كالببغاء مايفهم معناهاوساله ابوه يامنقاس وين وصل الما وكان الماء وصل الى منتصف جسمه قال بلغ السيل ...) 0000000000000000000 انت واصحاب المنتدى تعرفون معناها واطالب بموجب الماه(؟) ان يطرد هذاالمنقاش منالمنتدى المحترم اقلها سو استفتاء