أنا أجد مشكلة عندما لا أجد من يسألني هههههههههههههه

واذا حد سألني لا أجد لكثير من اسألته اجابه واذا جاوبت مدري هو أقتنع بإجابتي والا لا

عاد الكلام اللي فات كله مزوح أما الجد كالتالي

بسم الله

انا - والعياذ بالله من كلمة أنا - لا أحب أن يسألني أحد سلف ( دين يعني ) تدرون ليش ؟؟؟

الاجابه سهله طبعا

لا أحب ذلك وبالذات اذا كان صديق عزيز جدا لانه تبعد ما ياخذ اللي بيه ما عاد يعطيني وجه

طبعا خايف أني أقول له وين الدراهم وأنا أستحي أكلمه أو أروح له خايف يقول بنفسه ( وش جايب هذا العله الحين أكيد يبي فلوسه )

تروا هذا الشي عن جد حصل معايه وتكرر وخسرت ناس من أعز أصدقائي بسبب الدين والله
مع العلم أني ما طالبتهم به ولا حتى لمحت تلميح يعني على قول المثل إذا تبي تخسر صديقك سلفه

وعلى طاري السلف يقولون فيه واحد جاله خويه يبي منه قرضه حسنه قله طيب ما يخالف بس لي شرط
قال آمر وش تبي قال أبيك تجي وتقبل يدي قال ليش ياخوي أنت تبي تقرضني والا تهينني

قال لا والله ما أبي أهينك بس الحين أنت تسلم على يدي على شان أعطيك سلفه أما أنا أكيد بسلم على رجلك على شان ترجعها.


الله يخارجنا